മലയാളി എന്നും കാണാൻ ഇഷ്ടപ്പെടുന്ന, മതിമറന്ന് ചിരിക്കാൻ ആഗ്രഹിക്കുന്ന ചിത്രമാണ് കല്യാണരാമൻ. ഷാഫിയുടെ കരിയറിലെ ഏറ്റവും വലിയ ഹിറ്റ് ഈ ചിത്രം തന്നെയാണെന്ന് നിസംശയം പറയാം.
ജയറാം നായകനായ വൺ മാൻ ഷോ എന്ന ചിത്രത്തിലൂടെയാണ് ഷാഫി സ്വതന്ത്ര സംവിധായകനാകുന്നത്. ചിത്രം തിയേറ്ററിൽ മികച്ച വിജയവും സ്വന്തമാക്കിയിരുന്നു. ഷാഫിയുടെ രണ്ടാമത്തെ ചിത്രമാണ് കല്യാണരാമൻ. ഈ ചിത്രത്തോടെ മലയാള സിനിമയിലെ ശ്രദ്ധേയ സംവിധായകരുടെ നിരയിലേക്ക് ഷാഫി സ്ഥാനം പിടിച്ചിരുന്നു. ഇന്നും നമ്മളൊക്കെ നിത്യജീവിതത്തിൽ എടുക്കുന്ന റെഫറന്‍സുകള്‍ ഈ ചിത്രത്തിലേതാകും.
തുടർന്ന് പരാജയങ്ങള്‍ അറിയാതെ തുടര്‍ച്ചയായി ആറ് സിനിമകളാണ് ഷാഫി സംവിധാനം ചെയ്തത്. വണ്‍ മാന്‍ ഷോ, കല്യാണരാമന്‍, പുലിവാല്‍ കല്യാണം, തൊമ്മനും മക്കളും, മായാവി, ചോക്ലേറ്റ് എന്നീ ചിത്രങ്ങൾ വൻ ഹിറ്റായിരുന്നു.
വിക്രം നായകനായ മജാ എന്ന തമിഴ് ചിത്രവും ഷാഫി സംവിധാനം ചെയ്തിട്ടുണ്ട്.
പിന്നീട് ചില പരാജയങ്ങൾ ഏറ്റുവാങ്ങേണ്ടി വന്നെങ്കിലും അതിലും വലിയ വിജയവുമായി ഷാഫി തിരിച്ചെത്തുകയും ചെയ്തു. മേരിക്കുണ്ടൊരു കുഞ്ഞാട്, ടു കണ്‍ട്രീസ് തുടങ്ങിയ ചിത്രങ്ങൾ ഷാഫിയുടെ തിരിച്ചുവരവാഘോഷിച്ച ചിത്രങ്ങളായിരുന്നു.
വൺ മാൻ ഷോ, കല്യാണരാമൻ, ചട്ടമ്പിനാട്, മായാവി, തൊമ്മനും മക്കളും, പുലിവാൽ കല്യാണം, മേരിക്കുണ്ടൊരു കുഞ്ഞാട്, ചോക്ലേറ്റ്, മേക്കപ്പ് മാൻ, ടു കൺട്രീസ്, ലോലി പോപ്പ്, വെനീസിലെ വ്യാപാരി, 101 വെഡ്ഡിംഗ്സ്, ഷെർലക്ക് ടോംസ്, ഒരു പഴയ ബോംബ് കഥ, ചിൽഡ്രൻസ് പാർക്ക്, ആനന്ദം പരമാനന്ദം തുടങ്ങിയവയാണ് ഷാഫിയുടെ സംവിധാനത്തിലെത്തിയ ചിത്രങ്ങൾ.
പിന്നീട് ചില പരാജയങ്ങൾ ഏറ്റുവാങ്ങേണ്ടി വന്നെങ്കിലും അതിലും വലിയ വിജയവുമായി ഷാഫി തിരിച്ചെത്തുകയും ചെയ്തു. മേരിക്കുണ്ടൊരു കുഞ്ഞാട്, ടു കണ്‍ട്രീസ് തുടങ്ങിയ ചിത്രങ്ങൾ ഷാഫിയുടെ തിരിച്ചുവരവാഘോഷിച്ച ചിത്രങ്ങളായിരുന്നു.
സിനിമകൾ പോലെ തന്നെ ചില ഷാഫി സമ്മാനിച്ച ചില കഥാപാത്രങ്ങളും പ്രേക്ഷകർക്ക് അത്രമേൽ പ്രിയപ്പെട്ടതാണ്. മിസ്റ്റര്‍ പോഞ്ഞിക്കര (കല്യാണരാമന്‍), സ്രാങ്ക് (മായാവി, ദശമൂലം ദാമു (ചട്ടമ്പിനാട്), ഫൈനാന്‍ഷ്യറായ മണവാളൻ (പുലിവാല്‍ കല്യാണം) തുടങ്ങിയ കഥാപാത്രങ്ങളെ മലയാളി സിനിമ കാണുന്ന കാലത്തോളം മറക്കില്ല.
നിരവധി ആശയങ്ങൾ ഇനിയും ചെയ്യാൻ ബാക്കിവച്ചാണ് ഷാഫി വിട പറയുന്നത്.
