Raisin Water Benefits: ഡ്രൈഫ്രൂട്ട്സുകളിൽ വളരെ മികച്ച ഒന്നാണ് ഉണക്കമുന്തിരി. ഉണക്ക മുന്തിരി കഴിക്കുന്നതിലൂടെ ശരീരത്തിന് എണ്ണിയാൽ ഒടുങ്ങാത്ത ആരോഗ്യ ഗുണങ്ങളാണ് ലഭിക്കുന്നത്.
അത്തരത്തിൽ ഉണക്കമുന്തിരി കുതിർത്ത വെള്ളം കഴിക്കുന്നതിലൂടെ ശരീരത്തിന് കൂടുതൽ ഗുണം ലഭിക്കുമെന്നാണ് ആരോഗ്യവിദഗ്ധരുടെ കണ്ടെത്തൽ.
ഉണക്കമുന്തിരിയുടെ വെള്ളം ദിവസവും കുടിക്കുന്നത് ശരീരത്തിൽ അത്ഭുതകരായ മാറ്റങ്ങൾ ആണ് ഉണ്ടാക്കുക. ഉണക്ക മുന്തിരി അതുപലെ കഴിക്കുന്നതിനേക്കാൾ ഗുണമാണ് അവ കുതിർത്ത് അതിന്റെ വെള്ളത്തിനൊപ്പം കഴിക്കുന്നത്.
ഉണക്കമുന്തിരിയിൽ ശരീരത്തിനാവശ്യമായ വിറ്റാമിനുകൾ ധാതുക്കൾ, ആന്റി ഓക്സിഡന്റുകൾ എന്നിവ അടങ്ങിയിരിക്കുന്നു. അതിനാൽ ഇവ കഴിക്കുന്നത് ശരീരത്തിന് ഗുണം നൽകുന്നു.
ഇവ കൂടാതെ ഇരുമ്പ്, പ്രോട്ടീൻ, നാരുകൾ, ശരീരത്തിനാവശ്യമായ വ്യത്യസ്ഥ വിറ്റാമിനുകൾ എന്നിവയാൽ സമ്പന്നമാണ് ഉണക്കമുന്തിരി. ഇത് ഏതെങ്കിലും തരത്തിലുള്ള വിറ്റാമിന്റെ കുറവ് അനുഭവിക്കുന്നവർക്ക് ദിവസവും കഴിക്കുന്നത് ഗുണം നൽകും.
മാത്രമല്ല ഭാരം കുറയ്ക്കാൻ ആഗ്രഹിക്കുന്നവർക്ക് ഒരു അനുഗ്രഹമാണ് ഉണക്കമുന്തിരി. കാരണം ഭാരം കുറുമ്പോൾ അതിനൊപ്പം തന്നെ ശരീരത്തിലെ ആവശ്യ പോഷകങ്ങളും നഷ്ടപ്പെടാറുണ്ട്. ഇത് തടയാനായി ദിവസവും രാവിലെ ഉണക്കമുന്തിരിയുടെ വെള്ളം കുടിക്കുക.
ദിവസവും ഉണക്കമുന്തിരിയുടെ വെള്ളം കുടിക്കുന്നത് ശരീരത്തിലെ വിഷാംശം ഇല്ലാതാക്കി ശരീരം ശുദ്ധീകരിക്കാൻ സഹായിക്കുന്നു. ശരീരത്തിന്റെ പ്രതിരോധശേഷി വർദ്ധിപ്പിക്കാൻ സഹായിക്കുന്ന ഒന്നാണ് ഉണക്കമുന്തിരി. ഇതിലെ പോഷക ഗുണങ്ങൾ ശരീരത്തിനെ അണുബാധകളിൽ നിന്നും സംരക്ഷിക്കും.
മുന്തിരി വെള്ളം കുടിക്കുന്നത് മികച്ച ദഹനം നൽകാൻ സഹായിക്കുന്നു. ഇത് വഴി കുടലിന്റെ ആരോഗ്യം സംരക്ഷിക്കാനും സഹായിക്കുന്നു. പ്രകൃതിദത്തമായ പഞ്ചസാര അടങ്ങിയിട്ടുണ്ട് ഉണക്കമുന്തിരിയിൽ. അതിനാൽ ഇത് ദിവസവും കഴിക്കുന്നത് ശരീരത്തിന് ഊർജ്ജം നൽകാൻ സഹായിക്കുന്നു.
