Gold and Silver Price: സ്വര്‍ണവില ഉയരങ്ങളിലേയ്ക്ക്, മൂന്നാം ദിവസവും ഉയര്‍ന്ന നിരക്കില്‍

Kochi: കൂടുതല്‍ ഉയരങ്ങളിലേയ്ക്ക് സ്വര്‍ണവില.  തുടര്‍ച്ചയായ മൂന്നാം ദിവസവും മാസത്തെ ഉയര്‍ന്ന നിരക്കില്‍ വ്യാപാരം പുരോഗമിക്കുകയാണ്.  

 

ശനിയാഴ്ച പവന് ഒറ്റയടിക്ക്  480 രൂപ വർദ്ധിച്ച് സ്വര്‍ണവില 38,680 രൂപയായി. എന്നാല്‍, സ്വര്‍ണവില ഇന്ന് മാറ്റമില്ലാതെ തുടരുകയാണ്. ഇന്ന് 4,835 രൂപയാണ് ഒരു ​ഗ്രാം 22  സ്വര്‍ണത്തിന്‍റെ വില. 

 

വെളളിയാഴ്ച  ഒരു പവൻ സ്വർണത്തിന് 160 രൂപ കുറഞ്ഞിരുന്നു. ഇക്കഴിഞ്ഞ മെയ്‌ 25നായിരുന്നു  സ്വര്‍ണത്തിന് അടുത്തിടെയിലെ ഏറ്റവും ഉയര്‍ന്ന നിരക്കായ 38,320 രൂപ രേഖപ്പെടുത്തിയത്.  

 

അതേസമയം, സംസ്ഥാനത്ത് വെള്ളി വിലയില്‍ മാറ്റമില്ല.  വെള്ളിവില ഗ്രാമിന് 67 രൂപയാണ്.  925 ഹോൾമാർക്ക് വെള്ളിയുടെ വിലയിലും മാറ്റമില്ല. 925 ഹോൾമാർക്ക് വെള്ളിയുടെ വില 100 രൂപയാണ്. 

 

Also Read:  Covid-19 Update: തുടർച്ചയായ മൂന്നാം ദിവസവും കൊറോണ കേസുകള്‍ എണ്ണായിരത്തിലധികം, ജാഗ്രതാ നിര്‍ദ്ദേശവുമായി ആരോഗ്യ മന്ത്രാലയം

 

വില കൂടിയാലും കുറഞ്ഞാലും സ്വര്‍ണത്തെ എന്നും ഒരു  സുരക്ഷിത നിക്ഷേപമായാണ് ജനങ്ങള്‍ കാണുന്നത്. അതിനാല്‍  സ്വര്‍ണവില  ഡിമാന്‍ഡിനെ ബാധിക്കുന്നില്ല എന്നതാണ് വസ്തുത.  

 

നിക്ഷേപം എന്നതിലുപരി സ്വര്‍ണത്തെ ആഭരണങ്ങളായും നാണയങ്ങളായും കൈവശം വെയ്ക്കാന്‍ ആളുകള്‍ താത്പര്യപ്പെടുന്നു. ആഗോളവിപണിയില്‍ ഡോളറിന്‍റെ  മൂല്യം, പലിശ നിരക്കുകളിലെ വ്യത്യാസം, തുടങ്ങിയ ഘടകങ്ങള്‍ സ്വര്‍ണവിലയെ ബാധിക്കുന്നുണ്ട്. ഡോളര്‍ ശക്തിയാര്‍ജിച്ചതും സ്വര്‍ണത്തിന് തിരിച്ചടിയായി. സ്വര്‍ണത്തിന്‍റെ രാജ്യാന്തര വില, ഡോളര്‍ - രൂപ വിനിമയ നിരക്ക്, ഇറക്കുമതി തീരുവ എന്നിവ അടിസ്ഥാനമാക്കിയാണ് സംസ്ഥാനത്ത് സ്വര്‍ണ വില നിര്‍ണയിക്കപ്പെടുന്നത്.

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്...  മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...