കൊച്ചി: ഓണക്കാലത്ത് സ്വര്‍ണത്തിന് വില (Gold rate) കുറഞ്ഞ ശേഷം വീണ്ടും സ്വര്‍ണ വിപണി ഉണര്‍ന്നു... സ്വര്‍ണ വില വീണ്ടും കുതിപ്പ് ആരംഭിച്ചിരിയ്ക്കുകയാണ്..
കേരളത്തിൽ സ്വർണ വില ഇന്ന് പവന് 80 രൂപ വർദ്ധിച്ച് 37,920 രൂപയായി. ഗ്രാമിന് 4,740 രൂപയാണ് നിരക്ക്. ഈ മാസത്തെ ഏറ്റവും ഉയർന്ന വിലയാണ് ഇന്ന് രേഖപ്പെടുത്തിയത്.
എന്നാല്‍, കഴിഞ്ഞ മാസം തുടക്കത്തില്‍ ഉണ്ടായിരുന്ന സ്വര്‍ണ വിലയെ അപേക്ഷിച്ച് വില താരതമ്യേന കുറവാണ് . സെപ്റ്റംബറിലെ ഏറ്റവും കുറഞ്ഞ വില പവന് 37,360 രൂപയാണ്.
അതേസമയം, ആഗോള വിപണിയിലും സ്വർണ്ണ വിലയില്‍ വര്‍ദ്ധനവ്‌ രേഖപ്പെടുത്തി. US ഡോളറിന്‍റെ ദുർബലമായ പിന്തുണയും കൊറോണ വൈറസ് വാക്സിൻ വൈകിയേക്കുമെന്ന ആശങ്കയുമാണ് വില ഉയരാൻ കാരണമെന്ന് വിദഗ്ധര്‍ വിലയിരുത്തുന്നു.
Also read: SBI ൽ നിങ്ങൾക്ക് കുട്ടികൾക്കായി അക്കൗണ്ട് പെട്ടെന്ന് തുറക്കാം..!
സുരക്ഷിത നിക്ഷേപം എന്ന നിലയില്‍ സ്വര്‍ണത്തെ ആശ്രയിക്കുന്നവര്‍ കൂടുന്നതിനാല്‍ ദീര്‍ഘകാലാടിസ്ഥാനത്തില്‍ സ്വര്‍ണ വില ഉയരും എന്നു തന്നെയാണ് വിദഗ്ധരുടെ നിരീക്ഷണം....!!
