ಎಐಸಿಪಿಐ ಸಂಖ್ಯೆಗಳಿಂದ ನಿರಾಶೆ, ಸರ್ಕಾರಿ ನೌಕರರಿಗೆ ಇಲ್ಲಿಯವರೆಗಿನ ಕನಿಷ್ಠ ಡಿಎ ಹೆಚ್ಚಳ !ವೇತನ ಹೆಚ್ಚಳದ ಸಂಭ್ರಮ ಇಲ್ಲವೇ ಇಲ್ಲ

1 /6

ಹೋಳಿಗೂ ಮುನ್ನ ಸರ್ಕಾರ ತುಟ್ಟಿ ಭತ್ಯೆ ಹೆಚ್ಚಳವನ್ನು ಘೋಷಿಸಬಹುದು ಎನ್ನುವ ನಿರೀಕ್ಷೆ ಸರ್ಕಾರಿ ನೌಕರರಲ್ಲಿದೆ. ಆದರೆ ಈ ಬಾರಿ ತುಟ್ಟಿ ಭತ್ಯೆ ಹೆಚ್ಚಳವು  ಉದ್ಯೋಗಿಗಳಿಗೆ ಹಿಂದಿನಂತೆ ಸಂತಸಕ್ಕೆ ಕಾರಣವಾಗಲಿಕ್ಕಿಲ್ಲ.   

2 /6

ಪ್ರಸ್ತುತ 7 ನೇ ವೇತನ ಆಯೋಗದ ಅಡಿಯಲ್ಲಿ, ಪಿಂಚಣಿದಾರರಿಗೆ ತುಟ್ಟಿ ಭತ್ಯೆ ಮತ್ತು ತುಟ್ಟಿ ಪರಿಹಾರವನ್ನು ವರ್ಷಕ್ಕೆ ಎರಡು ಬಾರಿ ಪರಿಷ್ಕರಿಸಲಾಗುತ್ತದೆ. ಮೊದಲ ಬದಲಾವಣೆ ಜನವರಿ 1 ರಿಂದ ಜಾರಿಗೆ ಬರಲಿದ್ದು, ಎರಡನೇ  ಪರಿಷ್ಕರಣೆ ಜುಲೈ 1 ರಿಂದ ಜಾರಿಗೆ ಬರಲಿದೆ.   

3 /6

ತುಟ್ಟಿ ಭತ್ಯೆ ಮತ್ತು ತುಟ್ಟಿ ಪರಿಹಾರ ಎರಡನ್ನೂ ಅಖಿಲ ಭಾರತ ಗ್ರಾಹಕ ಬೆಲೆ ಸೂಚ್ಯಂಕ (AICPI) ಆಧರಿಸಿ ಲೆಕ್ಕಹಾಕಲಾಗುತ್ತದೆ. ಸರಾಸರಿ AICPI ಡೇಟಾವನ್ನು ಬಳಸಿಕೊಂಡು, ಸರ್ಕಾರವು ಪ್ರತಿ ಆರು ತಿಂಗಳಿಗೊಮ್ಮೆ DA ಮತ್ತು DR ದರಗಳನ್ನು ಪರಿಶೀಲಿಸಿ ನಿಗದಿಪಡಿಸಲಾಗುತ್ತದೆ. ಇದರರ್ಥ ನೌಕರರಿಗೆ ವರ್ಷಕ್ಕೆ ಎರಡು ಬಾರಿ ತುಟ್ಟಿ ಭತ್ಯೆಯನ್ನು ಹೆಚ್ಚಿಸಲಾಗುತ್ತದೆ.

4 /6

ಜುಲೈ 2024 ರಿಂದ ಡಿಸೆಂಬರ್ 2024 ರವರೆಗಿನ AICPI ದತ್ತಾಂಶವು ಜನವರಿ 2025 ರಲ್ಲಿ DA/DR ಎಷ್ಟು ಏರಿಕೆಯಾಗುತ್ತದೆ ಎಂಬುದನ್ನು ನಿರ್ಧರಿಸುತ್ತದೆ. ಕಾರ್ಮಿಕ ಅಂಕಿಅಂಶಗಳ ಬ್ಯೂರೋದ ದತ್ತಾಂಶದ ಪ್ರಕಾರ, ಡಿಸೆಂಬರ್ 2024 ರಲ್ಲಿ AICPI 0.8 ಅಂಕಗಳಷ್ಟು ಕುಸಿದು 143.7 ಕ್ಕೆ ತಲುಪಿದೆ. ಹಣದುಬ್ಬರ ನಿಧಾನವಾಗುತ್ತಿರುವುದರಿಂದ, ಈ ಬಾರಿ ತುಟ್ಟಿ ಭತ್ಯೆಯಲ್ಲಿ ಕೇವಲ 2% ಹೆಚ್ಚಳವಾಗಬಹುದು.

5 /6

ಇಲ್ಲಿಯವರೆಗೆ ಶೇ.3 ಅಥವಾ 4 ಹೆಚ್ಚಳ ಎಂದು ಅಂದಾಜಿಸಲಾಗುತ್ತಿದ್ದು, ಈಗಿನ ಲೆಕ್ಕಾಚಾರದ ಪ್ರಕಾರ ಅಷ್ಟು ಹೆಚ್ಚಳ ಸಾಧ್ಯವಿಲ್ಲ ಎನ್ನಲಾಗಿದೆ. ಪ್ರಸ್ತುತ, ಕೇಂದ್ರ ಸರ್ಕಾರಿ ನೌಕರರ ತುಟ್ಟಿ ಭತ್ಯೆ ಮತ್ತು ಪಿಂಚಣಿದಾರರ ತುಟ್ಟಿ ಪರಿಹಾರವು ಶೇ. 53 ರಷ್ಟಿದೆ.  

6 /6

ಜನವರಿ 2025 ರಲ್ಲಿ ತುಟ್ಟಿ ಭತ್ಯೆ ಶೇ. 2 ರಷ್ಟು ಹೆಚ್ಚಾದರೆ, ಕನಿಷ್ಠ ಮೂಲ ವೇತನ 18,000 ಹೊಂದಿರುವ ಸರ್ಕಾರಿ ನೌಕರರಿಗೆ 360 ರಷ್ಟು ಹೆಚ್ಚಳವಾಗುತ್ತದೆ.  ಪಿಂಚಣಿದಾರರ ಪಿಂಚಣಿ ಕೂಡಾ 180 ರೂ. ಏರಿಕೆಯಾಗುತ್ತದೆ.