ಅಪ್ಪುಗೆ ನಮಿಸಲು ಹಾಡು ಬರೆದ ನಿರ್ದೇಶಕ ಸಂತೋಷ್ ಆನಂದ್‌ರಾಮ್

ಅದು ವಿಧಿಯಾಟ, ವಿಧಿಯ ಬರಹಕ್ಕೆ ಕನ್ನಡದ ಮಿನುಗು ತಾರೆಯೊಂದು ಕನ್ನಡಿಗರನ್ನ ತೊರೆದು ಹೋಗಿದೆ. ಆದರೆ ಆ ತಾರೆ ಈಗಲೂ ಕನ್ನಡಿಗರ ಎದೆಯಲ್ಲಿ ಮಿನುಗುತ್ತಿದ್ದು, ಮಾರ್ಚ್‌ 17ಕ್ಕೆ ಪವರ್‌ ಸ್ಟಾರ್‌ ಹುಟ್ಟುಹಬ್ಬಕ್ಕೆ ಮತ್ತೊಂದು ಸರ್ಪ್ರೈಸ್‌ ಕನ್ನಡಿಗರಿಗೆ ಸಿಗಲಿದೆ. ಅಷ್ಟಕ್ಕೂ ಆ ಸರ್ಪ್ರೈಸ್‌ ಏನು ಅನ್ನೋದನ್ನ ಮುಂದೆ ಓದಿ.

ಮಾರ್ಚ್‌ 17ಕ್ಕೆ ಅಪ್ಪು (Appu) ಕೊನೆಯ ಸಿನಿಮಾ 'ಜೇಮ್ಸ್' ಚಿತ್ರ ರಿಲೀಸ್‌ ಆಗಲಿದೆ.ಆ ದಿನವನ್ನು ಹಬ್ಬದಂತೆ ಆಚರಿಸಲು ಅಭಿಮಾನಿಗಳು ಸಜ್ಜಾಗಿದ್ದಾರೆ.ಆದರೆ ಈ ಹೊತ್ತಿನಲ್ಲೇ ಮತ್ತೊಂದು ಮಹತ್ವದ ಸುದ್ದಿ ನೀಡಿದ್ದಾರೆ ನಿರ್ದೇಶಕ ಸಂತೋಷ್ ಆನಂದ್‌ರಾಮ್.

ಅಭಿಮಾನಿಗಳ ಕಂಬನಿ

ನಿರ್ದೇಶಕ ಸಂತೋಷ್ ಆನಂದ್‌ರಾಮ್ ಪವರ್‌ ಸ್ಟಾರ್‌ ಪುನೀತ್‌ (Puneeth Rajkumar) ಅವರ ಜೊತೆ 2 ಸಿನಿಮಾಗಳಲ್ಲಿ ಕೆಲಸ ಮಾಡಿದವರು. ಕನ್ನಡದ ಬ್ಲಾಕ್‌ ಬಸ್ಟರ್‌ ಹಿಟ್‌ ಸಿನಿಮಾಗಳಾದ ‘ರಾಜಕುಮಾರ’ ಹಾಗೂ ‘ಯುವರತ್ನ’ ಚಿತ್ರಗಳನ್ನ ಸಂತೋಷ್ ಆನಂದ್‌ರಾಮ್ ನಿರ್ದೇಶನ ಮಾಡಿದ್ದರು. ಇನ್ನೂ ಒಂದು ಸಿನಿಮಾ ಅಪ್ಪು ಅವರಿಗಾಗಿ ನಿರ್ದೇಶಿಸಲು ಸಂತೋಷ್ ಆನಂದ್‌ರಾಮ್ ಪ್ಲ್ಯಾನ್‌ ರೂಪಿಸಿದ್ದರು.ಆದರೆ ವಿಧಿಯಾಟ ಬೇರೆಯೇ ಆಗಿತ್ತು.ಕನ್ನಡಿಗರ ಪಾಲಿನ ಪ್ರೀತಿಯ ಅಪ್ಪು ನಮ್ಮನ್ನೆಲ್ಲಾ ಅಗಲಿ ಹೋಗಿದ್ದಾರೆ.ಹೀಗಾಗಿ ಪವರ್‌ ಸ್ಟಾರ್‌ಗೆ ಗೀತೆಯ ಮೂಲಕ ನಮಿಸಲು ಸಂತೋಷ್ ಆನಂದ್‌ರಾಮ್ ಪ್ಲ್ಯಾನ್‌ ಮಾಡಿದ್ದಾರೆ.

A tribute song to Appu sir @PuneethRajkumar will be live on March 17 th On Hombale you tube channel❤️ Written by Me & song has been sung by @rvijayprakash sir & it will be a unplugged song by @MusicThaman #Staytuned #Appusirliveson @hombalefilms @VKiragandur pic.twitter.com/UCKDQ3lBRr

— Santhosh Ananddram (@SanthoshAnand15) March 12, 2022

ನಿರ್ದೇಶಕರ ಘೋಷಣೆ

ನಿರ್ದೇಶಕ ಸಂತೋಷ್ ಆನಂದ್‌ರಾಮ್ ಪವರ್‌ ಸ್ಟಾರ್‌ ಪುನೀತ್‌ ಅವರಿಗಾಗಿ ಹಾಡೊಂದನ್ನು ಬರೆದಿದ್ದು, ಮಾರ್ಚ್‌ 17ರಂದು ಹಾಡು ಬಿಡುಗಡೆ ಆಗಲಿದೆ.ಈ ಹಾಡಿಗೆ ವಿಜಯ್ ಪ್ರಕಾಶ್ ಧ್ವನಿಯಾಗಿದ್ದು, ಈ ವಿಚಾರವನ್ನ ನಿರ್ದೇಶಕ ಸಂತೋಷ್ ಆನಂದ್‌ರಾಮ್ ಟ್ವಿಟ್ಟರ್‌ ಮೂಲಕ ಶೇರ್‌ ಮಾಡಿಕೊಂಡಿದ್ದಾರೆ.

ಒಟ್ಟಾರೆ ಮಾರ್ಚ್‌ 17ರಂದು ನೂರಾರು ಸರ್ಪ್ರೈಸ್‌ಗಳು ಕನ್ನಡಿಗರಿಗಾಗಿ ಕಾದಿದ್ದು, ಅಪ್ಪು ಅಭಿಮಾನಿಗಳ ಹರ್ಷ ದುಪ್ಪಟ್ಟಾಗಿದೆ. ಆದರೂ ಅಪ್ಪು ನಮ್ಮೊಡನಿಲ್ಲ ಎಂಬ ಕೊರಗು ತುಂಬಾ ಕಾಡುತ್ತಿದೆ.

ಕನ್ನಡ ಭಾಷೆಯಲ್ಲಿ ಮತ್ತಷ್ಟು ಸ್ವಾರಸ್ಯಕರ ಸುದ್ದಿಗಳನ್ನು ಓದಲು ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಆಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.