asha sachdev: 1970 ಮತ್ತು 80 ರ ದಶಕಗಳಲ್ಲಿ ಈ ನಟಿ ತಮ್ಮ ಸೌಂದರ್ಯದಿಂದ ಅಭಿಮಾನಿಗಳನ್ನು ಆಕರ್ಷಿಸಿದರು. ಅವರು ತಮ್ಮ ಅದ್ಭುತ ಅಭಿನಯದಿಂದ ಬಾಲಿವುಡ್ ಪ್ರೇಕ್ಷಕರನ್ನು ಮಂತ್ರಮುಗ್ಧಗೊಳಿಸಿದರು. ನಾಯಕಿಯ ಜೊತೆಗೆ ಪೋಷಕ ಪಾತ್ರಗಳಲ್ಲಿಯೂ ನಟಿಸಿದರು.. ಅಲ್ಲದೇ ವ್ಯಾಂಪ್ ಪಾತ್ರಗಳಲ್ಲಿಯೂ ಕಾಣಿಸಿಕೊಂಡರು. ತಮ್ಮ ಅದ್ಭುತ ನೋಟ ಮತ್ತು ನಟನಾ ಪ್ರತಿಭೆಯಿಂದ ಅನೇಕರ ಹೃದಯಗಳನ್ನು ಗೆದ್ದಿದ್ದ ನಟಿ ಚಿತ್ರರಂಗದಲ್ಲಿ ಯಶಸ್ಸಿನ ಹೊರತಾಗಿಯೂ, ವೈಯಕ್ತಿಕ ಜೀವನದಲ್ಲಿ ಸಂಭವಿಸಿದ ದುರಂತದಿಂದ ಬೆಳ್ಳಿತೆರೆಯಿಂದ ದೂರವಿಟ್ಟಿತು. ಸ್ಟಾರ್ ಸ್ಥಾನಮಾನ ಮತ್ತು ಒಳ್ಳೆಯ ಕ್ರೇಜ್ ಅನ್ನು ಆನಂದಿಸುತ್ತಿದ್ದಾಗ ಇದ್ದಕ್ಕಿದ್ದಂತೆ ಕಣ್ಮರೆಯಾದರು. ಆ ನಟಿ ಬೇರಾರೂ ಅಲ್ಲ ಆಶಾ ಸಚ್‌ದೇವ್.
ಆಶಾ ಸಚ್‌ದೇವ್ ಮೇ 27, 1956 ರಂದು ಮುಸ್ಲಿಂ ಕುಟುಂಬದಲ್ಲಿ ಜನಿಸಿದರು. ಅವಳ ನಿಜವಾದ ಹೆಸರು ನಾಸಿಬಾ ಸುಲ್ತಾನ್. ವಿಭಿನ್ನ ಪಾತ್ರಗಳಲ್ಲಿ ನಟಿಸುವ ಮೂಲಕ ಜನರನ್ನು ಮೆಚ್ಚಿಸಿರುವ ಅವರ ಜೀವನವು ಚಲನಚಿತ್ರದಲ್ಲಿರುವಂತೆಯೇ ಅನೇಕ ತಿರುವುಗಳನ್ನು ಹೊಂದಿದೆ ಎಂಬುದು ಗಮನಾರ್ಹ. ಆಕೆಯ ತಂದೆ ಆಶಿಕ್ ಹುಸೇನ್ ವಾರ್ಸಿ ಒಬ್ಬ ಕವಿ ಮತ್ತು ಗೀತರಚನೆಕಾರ. ತಾಯಿ ರಜಿಯಾ ನಟಿ. ಆದರೆ, ಆಶಾ ಚಿಕ್ಕವಳಿದ್ದಾಗ ಇಬ್ಬರೂ ಪೋಷಕರು ಬೇರ್ಪಟ್ಟರು. ಇದು ಅವಳ ಜೀವನದ ಮೇಲೆ ಆಳವಾದ ಪರಿಣಾಮ ಬೀರಿತು. 1960 ರ ದಶಕದಲ್ಲಿ ವಿಚ್ಛೇದನದ ನಂತರ, ಆಶಾ ಮತ್ತು ಅವರ ಸಹೋದರಿ ತಮ್ಮ ತಾಯಿಯೊಂದಿಗೆ ವಾಸಿಸುತ್ತಿದ್ದರು. ಸಹೋದರ ಅನ್ವರ್ ತನ್ನ ತಂದೆಯೊಂದಿಗೆ ಹೊರಟುಹೋದರು.
ರಜಿಯಾ ಮುಂಬೈನ ಪ್ರಸಿದ್ಧ ವಕೀಲ ಐ.ಪಿ. ಸಚ್‌ದೇವ್ ಅವರನ್ನು ಎರಡನೇ ಬಾರಿಗೆ ವಿವಾಹವಾದರು. ಇದರೊಂದಿಗೆ, ನಾಸಿಬಾ ಸುಲ್ತಾನ್ ಆಶಾ ಸಚ್‌ದೇವ್ ಆದರು. ಆಕೆಯ ಸಹೋದರಿಯ ಹೆಸರನ್ನು ರೇಷ್ಮಾ ಸಚ್‌ದೇವ್ ಎಂದು ಬದಲಾಯಿಸಲಾಯಿತು. ತಮ್ಮ ತಾಯಿಯ ಹೆಜ್ಜೆಗಳನ್ನು ಅನುಸರಿಸಿ, ಆಶಾ ಕೂಡ ನಟನಾ ವೃತ್ತಿಯನ್ನು ಅನುಸರಿಸಿದರು. ಈ ಉದ್ದೇಶಕ್ಕಾಗಿ ಅವರು ಪುಣೆಯಲ್ಲಿರುವ 'ಭಾರತೀಯ ಚಲನಚಿತ್ರ ಮತ್ತು ದೂರದರ್ಶನ ಸಂಸ್ಥೆ'ಗೆ ಸೇರಿದರು. ತರಬೇತಿ ಮುಗಿದ ನಂತರ, ಅವರು ಮುಂಬೈಗೆ ಹೋಗಿ ಅವಕಾಶಗಳನ್ನು ಹುಡುಕಿದರು. ಆಕೆಯ ಸೌಂದರ್ಯ ಮತ್ತು ಅತ್ಯುತ್ತಮ ನಟನಾ ಕೌಶಲ್ಯವು ಆಕೆಗೆ ಸರಣಿ ಅವಕಾಶಗಳನ್ನು ತಂದುಕೊಟ್ಟಿತು. ಅವರು ಕಡಿಮೆ ಅವಧಿಯಲ್ಲಿ ಅನೇಕ ಸೂಪರ್‌ಹಿಟ್ ಚಿತ್ರಗಳಲ್ಲಿ ನಟಿಸಿದರು.
1970 ರ ದಶಕದಲ್ಲಿ ಬಾಲಿವುಡ್‌ನಲ್ಲಿ ಟಾಪ್ ಚಾಯ್ಸ್ ಆಶಾ ಸಚ್‌ದೇವ್ ಅವರ ಹೆಸರು ಪ್ರಸಿದ್ಧವಾಯಿತು. ಆಶಾ ಹಾಥಿ ಕೆ ದಾಂತ್, ಕಾಶ್ಮಖಾಶ್, ಡಬಲ್ ಕ್ರಾಸ್, ಬಿಂದಿಯಾ ಔರ್ ಬಂದೂಕ್, ಮತ್ತು ಹಿಫಾಜತ್ ನಂತಹ ಚಿತ್ರಗಳಲ್ಲಿ ತಮ್ಮ ಸಿಗ್ನೇಚರ್ ನಟನೆಯನ್ನು ತೋರಿಸಿದ್ದಾರೆ. ಅವರು ಮಹೇಶ್ ಭಟ್ ಅವರಂತಹ ಪ್ರಸಿದ್ಧ ನಿರ್ದೇಶಕರೊಂದಿಗೂ ನಟಿಸಿದ್ದಾರೆ. ಆ ಸಮಯದಲ್ಲಿ ಚಲನಚಿತ್ರ ನಿರ್ಮಾಪಕರು ಅವರ ಸುಂದರ ಕಣ್ಣುಗಳು ಮತ್ತು ದಿಟ್ಟ ನಟನಾ ಶೈಲಿಯಿಂದಾಗಿ ಅವರನ್ನು ಅತ್ಯುತ್ತಮ ಆಯ್ಕೆಯೆಂದು ಪರಿಗಣಿಸಿದ್ದರು.
ಸಿನಿಮಾಗಳಲ್ಲಿ ಯಶಸ್ಸಿನ ಹೊರತಾಗಿಯೂ, ಅವರ ವೈಯಕ್ತಿಕ ಜೀವನದಲ್ಲಿ ನಡೆದ ಒಂದು ಘಟನೆ ಆಶಾ ಸಚ್‌ದೇವ್ ಅವರ ಪ್ರಯಾಣಕ್ಕೆ ಬ್ರೇಕ್ ಹಾಕಿತು.. ಅವಳು ಪ್ರಮುಖ ವಕೀಲ ಕಿಶನ್ ಲಾಲ್ ಅವರನ್ನು ಪ್ರೀತಿಸುತ್ತಿದ್ದಳು. ಕೆಲವೇ ದಿನಗಳಲ್ಲಿ ಮದುವೆ ನಡೆಯಬೇಕಿತ್ತು.. ಆದರೆ, ನಾವೊಂದು ಒಂದು ಯೋಚಿಸಿದರೆ, ವಿಧಿ ಇನ್ನೊಂದು ಯೋಚಿಸಿತು ಎನ್ನುವ ಹಾಗೇ ಕಿಶನ್ ಲಾಲ್ ರಸ್ತೆ ಅಪಘಾತದಲ್ಲಿ ನಿಧನರಾದರು. ಇದರಿಂದ ತೀವ್ರ ನೊಂದ ಆಶಾ, ಜೀವನದುದ್ದಕ್ಕೂ ಒಂಟಿಯಾಗಿಯೇ ಉಳಿದರು. ಅದರಿಂದ ಬೇಗನೆ ಚೇತರಿಸಿಕೊಳ್ಳಲು ಸಾಧ್ಯವಾಗದೆ ಕ್ರಮೇಣ ಚಲನಚಿತ್ರಗಳಿಂದ ದೂರ ಸರಿದು ತಲೆಮರೆಸಿಕೊಂಡರು. ತಾರೆಯಿಂದ ಏಕಾಂತದವರೆಗಿನ ಆಶಾ ಸಚ್‌ದೇವ್ ಅವರ ಜೀವನವು ಸಿನಿಮಾವನ್ನೇ ಹೋಲುತ್ತದೆ. ಅವರ ಪ್ರತಿಭೆ, ಪ್ರೀತಿ ಮತ್ತು ದುರಂತದ ಪ್ರಯಾಣವು ಭಾರತೀಯ ಚಲನಚಿತ್ರೋದ್ಯಮದಲ್ಲಿ ಮರೆಯಲಾಗದ ಪರಂಪರೆಯನ್ನು ಬಿಟ್ಟಿತು.
ಕನ್ನಡ ಭಾಷೆಯಲ್ಲಿ ಇತ್ತೀಚಿನ ಕರ್ನಾಟಕ, ದೇಶ, ವಿದೇಶ, ಮನರಂಜನೆ, ಶಿಕ್ಷಣ, ಉದ್ಯೋಗ, ಆರೋಗ್ಯ, ಜೀವನಶೈಲಿ, ಆಧ್ಯಾತ್ಮ, ಕ್ರೀಡೆ, ಕ್ರೈಂ, ವೈರಲ್, ವ್ಯಾಪಾರ, ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಈಗಲೇ ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು
Twitter Link - https://bit.ly/3n6d2R8
Facebook Link - https://bit.ly/3Hhqmcj
Youtube Link - https://www.youtube.com/live/RNn4I7iIaYE?si=3G4W5dh0oCdFnu-T
Instagram Link - https://bit.ly/3LyfY2l
Sharechat Link - https://bit.ly/3LCjokI
Threads Link- https://www.threads.net/@zeekannadanews
WhatsApp Channel- bit.ly/46lENGm ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ
