ଫେସବୁକ୍ ଦେଲା ବଡ଼ ଝଟକା, ୧ ଅକ୍ଟୋବରରୁ ବନ୍ଦ ହେବାକୁ ଯାଉଛି ଏହି ଫିଚର

Facebook Live Shopping Feature: ଫେସବୁକ୍ ନିଜର ଏକ ଲୋକପ୍ରିୟ ଫିଚର ବନ୍ଦ କରିବାକୁ ଘୋଷଣା କରିଛି ଓ ଆସନ୍ତା ୧ ଅକ୍ଟୋବରରୁ ଉପଭୋକ୍ତାମାନେ ଏହାକୁ ବ୍ୟବହାର କରିପାରିବେ ନାହିଁ । ୧ ଅକ୍ଟୋବରରୁ ଫେସବୁକ୍ ନିଜର ଲାଇଭ୍ ସପିଂ ଫିଚର (Facebook Live Shopping Feature) ବନ୍ଦ କରିବାକୁ ଘୋଷଣା କରିଛି ଓ ଏହାର ମୁଖ୍ୟ ଆପ୍ ଓ ଇନଷ୍ଟାଗ୍ରାମରେ ସର୍ଟ ଫର୍ମ ଭିଡିଓ ପ୍ଲାଟଫର୍ମ ରିଲ୍ସ ଉପରେ ଧ୍ୟାନ ଦେବ । କହିରଖୁଛୁ ଯେ ଉପଭୋକ୍ତାମାନେ ତଥାପି ଲାଇଭ୍ ଇଭେଣ୍ଟକୁ ଟେଲିକଷ୍ଟ କରିବାକୁ ଫେସବୁକ୍ ଲାଇଭ୍ (Facebook Live) ବ୍ୟବହାର କରିବାକୁ ସକ୍ଷମ ହେବେ, କିନ୍ତୁ ସେମାନେ ସେମାନଙ୍କର ଫେସବୁକ୍ ଲାଇଭ୍ ଭିଡିଓରେ ପ୍ରଡକ୍ଟ ପ୍ଲେଲିଷ୍ଟ କିମ୍ବା ପ୍ରଡକ୍ଟକୁ ଟ୍ୟାଗ୍ କରିପାରିବେ ନାହିଁ । 

ଫେସବୁକର ଲାଇଭ୍ ସପିଂ ଫିଚର କ’ଣ?
ଫେସବୁକର ଲାଇଭ୍ ସପିଂ ଫିଚର ନିର୍ମାତାମାନଙ୍କୁ ପ୍ରଡକ୍ଟ ବିଷୟରେ ଟେଲିକାଷ୍ଟ ଓ ବିକ୍ରୟ କରିବାକୁ ଅନୁମତି ଦିଏ । ଏହି ଲାଇଭ୍ ଫିଚର ପ୍ରଥମେ ଥାଇଲ୍ୟାଣ୍ଡରେ ୨୦୧୮ ମସିହାରେ ଆରମ୍ଭ ହୋଇଥିଲା ।

କମ୍ପାନୀ ନିଜର ଏକ ବୟାନରେ କହିଛି ଯେ ଯେହେତୁ ଉପଭୋକ୍ତାମାନେ ସର୍ଟ ଫର୍ମ ଭିଡିଓ ଦେଖିବାକୁ ପସନ୍ଦ କରନ୍ତି, ଆମେ ଫେସବୁକ୍ ଓ ଇନଷ୍ଟାଗ୍ରାମରେ ରିଲ ଉପରେ ଧ୍ୟାନ ଦେଉଛୁ । କମ୍ପାନୀ ଏହା ମଧ୍ୟ କହିଛି ଯେ ଯଦି ଆପଣ ଭିଡିଓ ମାଧ୍ୟମରେ ଲୋକଙ୍କ ସହ ଯୋଗାଯୋଗ କରିବାକୁ ଚାହୁଁଛନ୍ତି, ତେବେ ଫେସବୁକ୍ ଓ ଇନଷ୍ଟାଗ୍ରାମରେ ରିଲ୍ ଓ ରିଲ୍ ବିଜ୍ଞାପନ ସହିତ ପ୍ରୟୋଗ କରି ଦେଖନ୍ତୁ । ଆପଣ ଇନଷ୍ଟାଗ୍ରାମରେ ରିଲରେ ପ୍ରଡକ୍ଟଗୁଡ଼ିକୁ ଟ୍ୟାଗ୍ କରିପାରିବେ । ଫେସବୁକ୍ କହିଛି ଯେ ଯେଉଁମାନଙ୍କର ଚେକଆଉଟ୍ ସୋପ ଅଛି ଓ ଇନଷ୍ଟାଗ୍ରାମରେ ଲାଇଭ୍ ସପିଂ ଇଭେଣ୍ଟ ଆୟୋଜନ କରିବାକୁ ଚାହୁଁଛନ୍ତି, ସେମାନେ ଏହା କରିପାରିବେ । କମ୍ପାନୀ କହିଛି ଯେ ଯଦି ଆପଣ ପୂର୍ବର ଲାଇଭ୍ ଭିଡିଓ ସେଭ୍ କରିବାକୁ ଚାହାଁନ୍ତି, ତେବେ ଆପଣ ଆପଣଙ୍କର ଭିଡିଓକୁ ଆପଣଙ୍କର ପେଜ୍ କିମ୍ବା କ୍ରିଏଟର ଷ୍ଟୁଡିଓକୁ ଡାଉନଲୋଡ୍ କରିପାରିବେ ।

ମେଟା ନିଜର ଟିକଟକ୍ ପ୍ରତିଦ୍ୱନ୍ଦ୍ୱୀ ସର୍ଟ-ଭିଡିଓ ମେକିଙ୍ଗ ପ୍ଲାଟଫର୍ମରେ ଥିବା ବିଜ୍ଞାପନରୁ ବାର୍ଷିକ ୧ ବିଲିୟନ ଡଲାରର ରେଭିନ୍ୟୁ ହାର ଅତିକ୍ରମ କରିଛି, ଲଞ୍ଚ ହେବା ପରଠାରୁ ସେହି ସମୟରେ ଫେସବୁକ୍ / ଇନଷ୍ଟାଗ୍ରାମ ଷ୍ଟୋରୀ ତୁଳନାରେ ଅଧିକ ରାଜସ୍ୱ ରେଭିନ୍ୟୁ ହାର ରହିଛି । ଏହାର ଦ୍ୱିତୀୟ କ୍ୱାର୍ଟର ରୋଜଗାର କଲ୍ ସମୟରେ ମେଟା ଘୋଷଣା କରିଛି ଯେ ଲୋକମାନେ ରିଲରେ ୩୦ ପ୍ରତିଶତ ଅଧିକ ସମୟ ବିତାଉଛନ୍ତି ।

ଏହା ବି ପଢ଼ନ୍ତୁ: ଆମେରିକା, ତାଇୱାନକୁ ନେଇ ଆକ୍ସନ ମୁଡ଼ରେ ଚୀନ୍; ନେଲା ଏହି ବଡ଼ ନିଷ୍ପତ୍ତି

ଏହା ବି ପଢ଼ନ୍ତୁ: ମୋଦି ସରକାର ଉପରେ ରାହୁଲ ଗାନ୍ଧୀଙ୍କ କଡ଼ା ପ୍ରହାର, କହିଲେ- ପ୍ରତିଦିନ ହେଉଛି ଗଣତନ୍ତ୍ରର ହତ୍ୟା