Accident News: ଛାଡଖାଇରେ ମାଛ ବ୍ୟବସାୟୀ ଉପରେ ଚଢିଗଲା ଟ୍ରକ

Chhada Khai: (ନାରାୟଣ ବେହେରା) ଛାଡ଼ଖାଇରେ ମାଛ ବ୍ୟବସାୟୀ ଉପରେ ଚଢିଗଲା ଟ୍ରକ। ଘଟଣା ସ୍ଥଳରେ ମାଛ ବ୍ୟବସାୟୀର ମୃତ୍ୟୁ। ପାରାଦୀପ ମାଛ ବ୍ୟବସାୟୀ କେନ୍ଦ୍ରରୁ ମାଛ ନେଇ ସାଇକେଲ ଯୋଗେ ମାଛ ବ୍ୟବସାୟ କରିବା ପାଇଁ ଯାଉଥିବା ସମୟରେ ପାରାଦୀପ ଅଠରବାଙ୍କୀ ଛକ ନିକଟରେ ପଛରୁ ଧକ୍କା ଦେଲା ଟ୍ରକ। ଘଟଣା ସ୍ଥଳରେ ମାଛ ବ୍ୟବସାୟୀଙ୍କ ମୃତ୍ୟୁ। ମୃତକ ହେଲେ ପାରାଦୀପ ବାଲିଝରା ବସ୍ତି ଅଞ୍ଚଳର ମାଛ ବ୍ୟବସାୟୀ ମହେନ୍ଦ୍ର ଜେନା ବୟସ ୫୦ ବୋଲି ଜଣାପଡିଛି। ତେବେ ଘଟଣା କୁ ନେଇ ସ୍ଥାନୀୟ ଅଞ୍ଚଳରେ ଉତେଜନା ଲାଗି ରହିଥିବା ବେଳେ ମୃତକଙ୍କ ପରିବାର ଙ୍କୁ କ୍ଷତିପୂରଣ ଦାବି କରି ରାସ୍ତାରେ ଟାୟାର ଜାଳି ରାସ୍ତା ଅବରୋଧ କଲେ ସ୍ଥାନୀୟ ଲୋକେ। 

ରାସ୍ତା ମରାମତି ସମେତ ମୃତକଙ୍କ ପରିବାର ଙ୍କୁ କ୍ଷତିପୂରଣ ଦାବିକରି ରାସ୍ତା ଊପରେ ଶବ ରଖି ଟାୟାର ଜାଳି ରାସ୍ତା ଅବରୋଧ କରାଯାଇଛି। ରାସ୍ତା ଉପରେ ଶହଶହ ଟ୍ରକ ବସ୍ ଛିଡା ହୋଇ ରହିଥିବା ବେଳେ ଘଟଣା ସ୍ଥଳରେ ପାରାଦୀପ ଆଦର୍ଶ ଥାନା ପୋଲିସ ପହଞ୍ଚି ଟ୍ରକ କୁ ଜବତ କରିବା ସହିତ ଡ୍ରାଇଭରକୁ ଥାନାରେ ଅଟକ ରଖି  ସ୍ଥାନୀୟ ଲୋକଙ୍କ ସହ ଆଲୋଚନା କରିବା ସହିତ ତଦନ୍ତ ଆରମ୍ଭ କରିଛି। ଏବେବି ଉତ୍ତେଜନା ଲାଗି ରହିଛି।