અમરેલીના રાજુલામાં પોલીસ કર્મીનો વિડીયો વાયરલ થયો છે. બુટલેગર પાસે દારૂના સ્ટેન્ડ આપ્યાની ડંફાસ મારતો વિડીયો સામે આવ્યો છે. બુટલેગરને હપ્તો આપવાની પોલીસ કર્મી વાત કરી રહ્યો છે. અભદ્ર ભાષામાં બુટલેગરને ગાળો પોલીસ કર્મી આપતો જોવા મળી રહ્યો છે. અમરેલી એસ.પી. નિરલિપ્ત રાયે પ્રેસ એલ.સી.બી.ગ્રુપમાં વિડિયો શેર કર્યો હતો. હરપાલસિંહ જાડેજા બકલ નં-782 સાથે એસ.પી.એ વિડીયો ગ્રુપમાં મુક્યો હતો. અમરેલી જિલ્લાના સોશિયલ મીડિયામાં વિડીયો હાલ વાયરલ થઇ રહ્યો છે. અમરેલી એસ.પી.એ હિન્દીમાં લખાણ સાથે વિડીયો અંગે ગ્રુપમાં પુષ્ટિ કરીને સસ્પેન્ડ કરવાની કાર્યવાહીની વાત કરી હતી.