21 April news

21 april news News

શિક્ષણ વિભાગની મહત્વની જાહેરાત, સરકારી-ખાનગી યુનિવર્સિટીમાં ફરજિયાત પરીક્ષા લેવાશે
Coronavirus
શિક્ષણ વિભાગની મહત્વની જાહેરાત, સરકારી-ખાનગી યુનિવર્સિટીમાં ફરજિયાત પરીક્ષા લેવાશે
રાજ્યમાં સરકારી અને ખાનગી તમામ યુનિવર્સિટીમાં ફરજિયાત પરીક્ષા (Exam) લેવામાં આવશે તેવી જાહેરાત રાજ્યના શિક્ષણ મંત્રી ભૂપેન્દ્રસિંહ ચુડાસમા દ્વારા કરવામાં આવી છે. રાજ્યની નિવર્સિટીમાં પરીક્ષા લેવા અંગેની માર્ગદર્શિકા રાજ્ય સરકાર દ્વારા જાહેર કરવામાં આવશે. ગાંધીનગરમાં યોજાયેલી વીડિયો કોન્ફરન્સમાં શિક્ષણમંત્રી દ્વારા આ સ્પષ્ટતા કરવામાં આવી છે. કેન્દ્ર સરકારના ટાસ્ક ફોર્સ કમિટી દ્વારા કરેલી ભલામણોને આધારે આ નિર્ણય લેવાયો છે.  રાજ્યના શિક્ષણ મંત્રી દ્વારા રાજ્યના તમામ યુનિવર્સિટી પાસેથી પરીક્ષા આવા સંજોગોમાં કેવી રીતે લેવી તેના સૂચનો પણ મંગાવવામાં આવ્યા છે. 
Apr 21,2020, 15:53 PM IST
કોરોનાના દર્દીઓ અમદાવાદમા ફાઈવસ્ટાર આઈસોલેશન સુવિધા મેળવી શકશે, થઈ છે આ જાહેરાત
Coronavirus
કોરોનાના દર્દીઓ અમદાવાદમા ફાઈવસ્ટાર આઈસોલેશન સુવિધા મેળવી શકશે, થઈ છે આ જાહેરાત
અમદાવાદ (Ahmedabad) મા સતત વધી રહેલા કોરોના (Coronavirus)ના નવા કેસો સામે તંત્ર સાબદુ થયું છે. આ માટે વિવિધ કોવિડ કેર સેન્ટર અલગ અલગ વિસ્તારોમાં ઉભા કરવામા આવી રહ્યાં છે. આ સાથે જ આઈસોલેશન વોર્ડમાં દર્દીઓને કોઈ પ્રકારની તકલીફ ન રહે તે માટે વિવિધ નિર્ણયો લેવામા આવી રહ્યાં છે. જેમાં અમદાવાદ મહાનગરપાલિકા (AMC) દ્વારા મહત્વની જાહેરાત કરાઈ છે કે, જે દર્દીઓને ખર્ચ પોષાય તેમ હોય તેવા દર્દી ફાઈવ સ્ટાર હોટલમાં આઈસોલેશનમાં રહી શકે છે. 
Apr 21,2020, 15:32 PM IST
ભારતીય મુસ્લિમો અંગે મુખ્તાર અબ્બાસ નકવીનું મોટું નિવેદન
Mukhtar abbas naqvi
ભારતીય મુસ્લિમો અંગે મુખ્તાર અબ્બાસ નકવીનું મોટું નિવેદન
કેન્દ્રીય અલ્પસંખ્યક કાર્યમંત્રી મુખ્તાર અબ્બાસ નકવી (Mukhtar Abbas Naqvi) એ મંગળવારે મોટું નિવેદન આપતા કહ્યું કે, દેશમાં અલ્પસંખ્યક સમુદાયો સહિત વર્ગોના અધિકાર સુરક્ષિત છે. પરંતુ કેટલાક લોકો દુષ્પ્રચાર અને નકલી ન્યૂઝના દ્વારા દેશની એક્તા વિરુદ્ધ ષડયંત્ર કરી રહ્યાં છે. તેમણે એમ પણ કહ્યું કે, વડાપ્રધાન નરેન્દ્ર મોદીના નેતૃત્વમાં તમામ વર્ગોનો વિકાસ થઈ રહ્યો છે અને તેમાં કોઈની પણ સાથે ભેદભાવ થઈ રહ્યો નથી. મંત્રીએ આ ટિપ્પણી એ સમયે કરી છે, જ્યારે ઈસ્લામી દેશોના સંગઠન ઓઆઈસીએ ભારતમાં કથિત ઈસ્લામોફોબિયાની આલોચના કરી છે. 
Apr 21,2020, 14:50 PM IST
ગુજરાતમાં પહેલા દર્દીનું પ્લાઝમા ટ્રાન્સમિશન થયું : વિજય નહેરા
Coronavirus
ગુજરાતમાં પહેલા દર્દીનું પ્લાઝમા ટ્રાન્સમિશન થયું : વિજય નહેરા
આજે અમદાવાદમાં 50 નવા કોરોનાના કેસનો વધારો થયો છે. તો સાથે અમદાવાદના 5 દર્દીઓના મોત નિપજ્યાં છે. એએમસીના કમિશનર વિજય નહેરાએ ગુજરાત અંગે મોટા સમાચાર આપતા કહ્યું કે, દર્દીઓનું પ્લાઝમા ડોનેશન થઈ ગયું છે. તેના બાદ આખી પ્રોસેસ ચાલી રહી હતી. ડિટેઈલ રિસર્ચ કરીને પ્લાઝમાનુ કામ ચાલી રહ્યું છે. દિલ્હી ખાતે એમસીઆરઈ સાથે ચર્ચા ચાલી રહી હતી. ગઈકાલે મોડી રાત્રે પહેલા પેશન્ટને પ્લાઝમા અપાયું છે. આ સ્ટડી માટે પ્રોટોકોલ બહાર પાડવામાં આવ્યો છે. રાજ્યમાં સૌપ્રથમવાર કોરોનાના દર્દીની સિઝેરિયન દ્વારા ડિલવરી કરવામાં આવી છે. જ્યારે દેશમાં આ સાતમો કિસ્સો છે. દેશનું પ્રથમ પ્લાઝમા સ્ટડી સેન્ટર SVPમાં શરૂ કરવામાં આવ્યું છે. હાલ એક દર્દીનું પ્લાઝમા ટ્રાન્સમિશન થયું છે. આજે વધુ દર્દીઓને આ પ્રોસેસ કરવામાં આવશે.  
Apr 21,2020, 14:29 PM IST
વાવડીનો યુવાન સારવાર માટે રાજકોટ ગયો, અને કોરોનાનો ચેપ લાગ્યો
Coronavirus
વાવડીનો યુવાન સારવાર માટે રાજકોટ ગયો, અને કોરોનાનો ચેપ લાગ્યો
રાજકોટમાં અત્યાર સુધી કુલ 41 નવા કોરોના (Coronavirus) પોઝિટિવ કેસ નોંધાયા છે. રાજકોટ શહેરમાં 40 અને ગ્રામ્યમાં 1 પોઝિટિવ કેસ નોંધાયો છે. રાજકોટ (Rajkot) શહેરમાં 1218 સેમ્પલ લેવામાં આવ્યા હતા, જે પૈકી 40 કેસ પોઝિટિવ આવ્યા છે. કોરોના લક્ષણ જણાય તેવાં લોકોના સેમ્પલ લેવામાં આવી રહ્યા છે. જંગલેશ્વર વિસ્તારમાં 20 ટીમ ઘરે ઘરે જઇ લોકોના સર્વે કરી રહી છે. આવતીકાલથી રેપીડ ટેસ્ટ કીટની મદદથી ટેસ્ટ કરવામાં આવશે. જંગલેશ્વર વિસ્તારમાં 6 જેટલી શેરીમાં મોટાભાગના પોઝિટિવ કેસ નોંધાયા છે. આવામાં ડરને માર્યે જંગલેશ્વરમાં લોકો ઘરની બહાર નીકળી નથી રહ્યા. નાના મોટા પ્રશ્નો આવે છે જે ને તુરંત સોલ્વ કરવામાં આવી રહ્યાં છે, જેથી લોકોને કોઈ તકલીફોનો સામનો કરવો ન પડે.
Apr 21,2020, 13:37 PM IST
કોરોનાએ અમદાવાદ બાદ હવે સુરતનો વારો પાડ્યો, આજે સૌથી વધુ કેસમાં સુરત ટોપ પર
Coronavirus
કોરોનાએ અમદાવાદ બાદ હવે સુરતનો વારો પાડ્યો, આજે સૌથી વધુ કેસમાં સુરત ટોપ પર
અત્યાર સુધી ગુજરાતમાં અમદાવાદ શહેર કોરોના (Coronavirus) નું એપિ સેન્ટર બની ગયું છે. પણ લાગે છે કે, સુરત શહેર પણ જલ્દી જ આ મામલે અમદાવાદને ઓવરટેક કરી લેશે. આજે પહેલીવાર આંકડા બતાવે છે કે, અમદાવાદ કરતા સુરત (surat) માં કેસનો આંકડો વધુ છે. આજે ગુજરાતમાં નોંધાયેલા નવા કેસમાં અમદાવાદમાં 50 તો સુરતમાં 69 નવા કેસ નોંધાયા છે. આ નવા કેસ સુરતના લંબે હનુમાન રોડ, ઉધના, સલાબતપુરા, પાંડેસરા, કતારગામ, લાલગેટ, લિંબાયતમાં નોંધાયા છે. છેલ્લા 12 કલાકમાં સુરતમાં સૌથી વધુ પોઝિટિવ કેસ નોંધાયા છે. આ સાથે કુલ પોઝિટિવ કેસોની સંખ્યા 338 પર પહોંચી છે. સુરત શહેરના 325 અને જિલ્લાના 13 દર્દી છે. આજે વધુ એક મહિલાનું કોરોનાને કારણે મોત થયું છે. જેથી મૃત્યુનો આંક 11 પર પહોંચી ગયો છે. જ્યારે આજે વધુ એક શંકાસ્પદનું પણ મોત થયું છે. 
Apr 21,2020, 12:53 PM IST
હનુમાનજી સંજીવની બુટી માટે જે પર્વત લાવ્યા હતા, એ ગામના લોકો છે નારાજ
Coronavirus
હનુમાનજી સંજીવની બુટી માટે જે પર્વત લાવ્યા હતા, એ ગામના લોકો છે નારાજ
રામાયણમાં શ્રીરામની જેમ તેમના નાના ભાઈ લક્ષ્મ પમ પરમ શક્તિશાળી હતા. તેઓની સામે જીતવુ અશક્ય હતું. લક્ષ્મણજી શેષનાગના અવતાર માનવામાં આવે છે. પરંતુ રાવણ સાથેના યુદ્ધમાં એક સમય એવો પણ આવ્યો કે, જ્યારે લક્ષણ રાવણના પુત્ર મેઘનાથના દિવ્ય શાસ્ત્ર દ્વારા ઘાયલ થઈ જાય છે. તેના બાદ તેમના મૃત્યુ પર વાદળ મંડરાવા લાગે છે. મૂર્છિત પડેલા પોતાના ભાઈને જોઈને ભગવાન રામ વ્યાકુળ થઈ જાય છે. ત્યારે આવામાં સુષેણ વૈદ્યને લાવવામાં આવે છે. જે લક્ષ્મણને બચાવવા માટે સંજીવની બુટી લાવવાનું કહે છે. હનુમાનજી આ કામનું બીડુ ઉપાડવા કહે છે.
Apr 21,2020, 12:09 PM IST
Breaking : ગુજરાતમાં કોરોનાને કારણે સ્થિતિ વણસી, કેસનો આંકડો 2000ને પાર
Coronavirus
Breaking : ગુજરાતમાં કોરોનાને કારણે સ્થિતિ વણસી, કેસનો આંકડો 2000ને પાર
દેશમાં સૌથી વધારે નવા કેસ મહારાષ્ટ્ર અને ગુજરાતમાં નોંધાઇ રહ્યા છે. મહારાષ્ટ્રમાં મુંબઇ અને ગુજરાતમાં અમદાવાદને હોટસ્પોટ જાહેર કરવામાં આવ્યું છે. આ વિસ્તારોમાં સૌથી વધારે કોરોનાના કેસ નોંધાઇ રહ્યા છે. ત્યારે ગુજરાતમાં કોરોનાના લેટેસ્ટ આંકડા આપતા આરોગ્ય સચિવ જંયતી રવિએ જણાવ્યું કે, કોરોના વાયરસના નવા 127 કેસ આવ્યા છે. જેમાંથી અમદાવાદમાં જ 50 નવા કેસ છે. આ સાથે જ ગુજરાતમાં કોરોનાના કુલ કેસનો આંકડો 2066 પર પહોંચી ગયો છે. 
Apr 21,2020, 12:03 PM IST
ગાંધીનગરનો સૌપ્રથમ દર્દી એક મહિનાની સારવાર બાદ આખરે કોરોનામુક્ત બન્યો
Coronavirus
ગાંધીનગરનો સૌપ્રથમ દર્દી એક મહિનાની સારવાર બાદ આખરે કોરોનામુક્ત બન્યો
ગાંધીનગરનો કોરોના વાયરસ (Corona virus) નો સૌપ્રથમ દર્દી ઉમંગ પટેલ એક મહિનાની સારવાર બાદ આખરે કોરોના મુક્ત બન્યો છે. અમદાવાદમાં સારવાર લઈ રહેલા ઉમંગ પટેલનો કોરોનાનો રિપોર્ટ નેગેટિવ આવતા તેને આખરે રજા આપવામાં આવી છે. ગાંધીનગર (gandhinagar) માં  ઉમંગ પટેલ કોરોના વાયરસનો પ્રથમ દર્દી બન્યા હતા. જેના બાદ તેના સંપર્કમાં આવેલા તેમના કુલ 11 વ્યક્તિઓ કોરોના પોઝિટિવ બન્યા હતા. મોટાભાગના સીધા જ તેના પરિવારના સભ્યોનો રિપોર્ટ પોઝિટિવ આવ્યા હતા.
Apr 21,2020, 12:39 PM IST
કોરોનાને કારણે ગીરના સિંહો ભૂલાયા, 2 મહિનામાં 25 સિંહોનો મોત
Gir Forest
કોરોનાને કારણે ગીરના સિંહો ભૂલાયા, 2 મહિનામાં 25 સિંહોનો મોત
હાલ સમગ્ર વિશ્વમાં હાલ એક જ ચર્ચા છે, કોરોના વાયરસની. આવામાં ગુજરાત પણ કોરોના વાયરસથી પીડિત છે. ત્યારે આ મહામારીમાં ગીરના સિંહો ભૂલાઈ ગયા છે. ગીરના પૂર્વની 2 રેન્જમાં પાછલા 2 મહિનામાં 25 સિંહોના મોત થયા છે. આટલા મોટા આંકડા તરફ હવે સૌનું ધ્યાન ગયું છે. ત્યારે જસાધાર ખાતે જૂનાગઢ ઝુના વેટરનિટી સહિત તમામ ઉચ્ચ અધિકારો દોડતા થઈ ગયા છે. એક સિંહબાળના ભેદી મોત બાદ સમગ્ર વનતંત્ર ઊંધા માથે ફરી રહ્યું છે. નવિભાગે આ વાતને સ્વીકારી છે કે, બે મહિનામાં 25 સિંહોના મોત નિપજ્યા છે. બે દિવસ પહેલા 8 સિંહબાળ અને તેની સાથેના 8 સિંહણોને પણ જશાધાર એનિમલ કેર સેન્ટર ખાતે ખસેડવામાં આવી હતી. જે પૈકી પણ એક સિંહબાળનું મોત નિપજ્યું છે. હાલ આ ઘટનાને પગલે જુનાગઢના  સક્કરબાગ એનિમલ કેર સેન્ટરમાંથી પણ તબીબોની ટુકડીઓ પણ દોડતી થઈ છે. 
Apr 21,2020, 9:26 AM IST

Trending news