વિરાટને T20 વર્લ્ડકપની ટીમમાં નહીં મળે સ્થાન! કયા દિગ્ગજ ખેલાડીએ આપ્યું નિવેદન?

Virat Kohli In Team India: ટી20 વર્લ્ડકપ 2022 માટે ચાહકો આતુરતાથી રાહ જોઈ રહ્યા છે. આ વર્ષે ઓક્ટોબર- નવેમ્બરમાં ટી20 વર્લ્ડકપ રમાનાર છે. ટી20 ક્રિકેટમાં વિરાટ કોહલી ભારતનો સૌથી સફળ બેટ્સમેનોમાંથી એક છે. તે ટીમ ઈન્ડિયાના બેટિંગ ઓર્ડરમાં ટોપ-3માં ઉતરે છે, પરંતુ ભારતીય ક્રિકેટના એક દિગ્ગજ ખેલાડી વિરાટ કોહલીને ટી20 વર્લ્ડકપ 2022ની ટીમમાં ટોપ-3નો હિસ્સો માનતા નથી.

આ દિગ્ગજે આપ્યું મોટું નિવેદન
છેલ્લા કેટલાક સમયથી વિરાટ કોહલી (વિરાટ કોહલી) ખૂબ જ ખરાબ ફોર્મમાં ચાલી રહ્યો છે, પરંતુ તેઓ ટીમના મહત્વપૂર્ણ ખેલાડીઓમાંથી એક છે. ત્યારે પૂર્વ દિગ્ગજ ખેલાડી વીરેન્દ્ર સહવાગે વિરાટ કોહલી પર એક મોટું નિવેદન આપ્યું છે. વીરેન્દ્ર સેહવાગે ટી20 વર્લ્ડકપ 2022ની ટીમમાં વિરાટ કોહલીને ટોપ-3નો હિસ્સો માની રહ્યા નથી. તેઓ કોહલીના સ્થાને એક યુવા ખેલડીને ટીમમાં સામેલ કરવા માંગે છે.
 
આ ખેલાડીને મળ્યું ટોપ-3માં સ્થાન
વિરાટ કોહલીની કેપ્ટનશિપમાં ટીમ ઈન્ડિયાને ગત વર્ષે ટી20 વર્લ્ડકપમાં હારનો સામનો કરવો પડ્યો હતો. ત્યારથી વિરાટ કોહલી ટી20માં સારું પ્રદર્શન કરી રહ્યા નથી. સેહવાગે ટોપ-3ના બેટિંગ ક્રમ વિશે જણાવ્યું હતું કે, ટીમ ઈન્ડિયાની પાસે ઘણા સારા ઓપ્શન છે, પરંતુ મારું માનવું છે કે જ્યારે ઈન્ડિયા આ વર્ષ ઓસ્ટ્રેલિયામાં ટી20 વર્લ્ડકપ રમવા જાય ત્યારે ટોપ-3માં રોહિત શર્મા, ઈશાન કિશન અને કેએલ રાહુલ જ હોવા જોઈએ. તેમણે જણાવ્યું હતું કે, 'રોહિત અને ઈશાનનું લેફ્ટ-રાઈટ કોમ્બિનેશન છે અને ઈશાન અને રાહુલ ટી20 વર્લ્ડકપમાં પણ સારી જોડી સાબિત થશે.'

આ ખેલાડીને T20 વર્લ્ડકપમાં સામેલ કરવો જોઈએ
વીરેન્દ્ર સેહવાગ પણ ટી20 વર્લ્ડ કપ 2022 માટે ટીમ ઈન્ડિયાની ટીમમાં યુવા ફાસ્ટ બોલરને જોવા માંગે છે. આ ખેલાડી બીજો કોઈ નહીં પણ ઉમરાન મલિક છે. ઉમરાન મલિકના વખાણ કરતા સેહવાગે જણાવ્યું હતું કે, 'છેલ્લા કેટલાક વર્ષોમાં જો કોઈ ફાસ્ટ બોલરે મને પ્રભાવિત કર્યો હોય તો તે છે ઉમરાન મલિક. તે જસપ્રીત બુમરાહ અને મોહમ્મદ શમીની સાથે પેસ આક્રમણનો ભાગ હોવો જોઈએ.

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube