મોકો છે ખરીદી લેજો ! ₹490 સુધી પહોંચી શકે છે ટાટાનો આ શેર, રોકાણકારો સ્ટોક પર તૂટી પડ્યા, કંપનીએ થયો 1188 કરોડનો નફો

Tata share: આજે બુધવારે અને 05 ફેબ્રુઆરીના રોજ ટ્રેડિંગ દરમિયાન ટાટાના આ શેરો ફોકસમાં છે. કંપનીનો શેર 05 ફેબ્રુઆરીના રોજ 3.5% વધીને રૂ. 375ની ઇન્ટ્રાડે હાઇએ પહોંચ્યો હતો. શેરમાં આ વધારો થવા પાછળનું કારણ ડિસેમ્બર ક્વાર્ટરના પરિણામો છે. મંગળવારે કંપનીએ ચાલુ નાણાકીય વર્ષ માટે ડિસેમ્બર ક્વાર્ટરના પરિણામો જાહેર કર્યા હતા. ઓક્ટોબર-ડિસેમ્બર ક્વાર્ટરમાં કંપનીનો નફો 10% થી વધુ વધ્યો છે અને તે 1,188 કરોડ રૂપિયા થઈ ગયો છે.  

પાવર ડિસ્ટ્રિબ્યુશન કંપની ટાટા પાવરનો ડિસેમ્બરમાં પૂરા થયેલા ચાલુ નાણાકીય વર્ષના ત્રીજા ક્વાર્ટરમાં ચોખ્ખો નફો વાર્ષિક ધોરણે 10 ટકા વધીને 1,188 કરોડ રૂપિયા થયો છે. ગયા નાણાકીય વર્ષના સમાન ત્રિમાસિક ગાળામાં કંપનીએ 1,076 કરોડ રૂપિયાનો ચોખ્ખો નફો મેળવ્યો હતો. આ દરમિયાન, કંપનીની આવક વાર્ષિક ધોરણે 5% વધીને 15,391 કરોડ રૂપિયા થઈ છે, જે એક વર્ષ અગાઉના ક્વાર્ટરમાં 14,651 કરોડ રૂપિયા હતી.   

ક્વાર્ટર દરમિયાન કોન્સોલિડેટેડ EBITDA 7 ટકા વધીને 3,481 કરોડ રૂપિયા થયો છે. ટાટા પાવરના ચીફ એક્ઝિક્યુટિવ ઓફિસર (CEO) અને MD પ્રવીર સિન્હાએ જણાવ્યું હતું કે, અમે છેલ્લા 21 ક્વાર્ટરમાં ચોખ્ખા નફામાં સતત વૃદ્ધિ જોઈ છે અને અમારા તમામ વ્યવસાયો આ વૃદ્ધિમાં ફાળો આપી રહ્યા છે. ડોમેસ્ટિક બ્રોકરેજ મોતીલાલ ઓસ્વાલ ફાઇનાન્શિયલ સર્વિસિસે પણ ટાટા જૂથના શેર પર 490 રૂપિયા પ્રતિ શેરના લક્ષ્યાંક સાથે 'બાય' કૉલ જાળવી રાખ્યો હતો. ટાટા પાવર પર ચોઈસ બ્રોકિંગના એક્ઝિક્યુટિવ ડિરેક્ટર સુમિત બગડિયાએ જણાવ્યું હતું કે, ટેકનિકલ ચાર્ટ પર સ્ટોક સકારાત્મક લાગે છે. તેમણે રોકાણકારોને નજીકના ગાળા માટે તેને પકડી રાખવાની સલાહ આપી હતી. બગડિયાએ જણાવ્યું હતું કે, 'ટેકનિકલ ચાર્ટ પેટર્ન દર્શાવે છે કે ટાટા પાવરના શેરની કિંમત હકારાત્મક દેખાય છે. 

કંપનીના શેરોએ 350 રૂપિયા પર મજબૂત આધાર બનાવ્યો છે અને 400 રૂપિયા પર અવરોધોનો સામનો કરી રહ્યા છે. તેથી, ટાટા પાવરના શેરધારકોને 400 રૂપિયાના નજીકના ગાળાના લક્ષ્ય માટે સ્ટોક રાખવા અને 350 રૂપિયા પર સ્ટોપ લોસ જાળવી રાખવાની સલાહ આપવામાં આવે છે. એ જ રીતે, નવા રોકાણકારો પણ 400 રૂપિયાના વર્તમાન બજાર ભાવે ટૂંકા ગાળા માટે ખરીદી શરૂ કરી શકે છે. જો કે, નવા રોકાણકારોને 350 રૂપિયા પર કડક સ્ટોપ લોસ જાળવવાની સલાહ આપવામાં આવે છે.  

આ દરમિયાન લક્ષ્મીશ્રી ઇન્વેસ્ટમેન્ટ એન્ડ સિક્યોરિટીઝના અંશુલ જૈને જણાવ્યું હતું કે શેર 370 રૂપિયાની ઉપર આકર્ષક લાગે છે. તે શેર દીઠ 400 રૂપિયા અને 470 રૂપિયા સુધી પહોંચી શકે છે. ટાટા પાવરના શેર તેના ડિસેમ્બર ક્વાર્ટરના પરિણામો પછી આજે BSE પર શેર દીઠ 375  રૂપિયા પર 3% થી વધુ ઊંચકાયા હતા. શેર તેના અગાઉના 362.15 રૂપિયાના બંધની સરખામણીમાં 369.85 રૂપિયા પર ખૂલ્યો હતો.  

(આ રોકાણની સલાહ નથી. શેરબજારમાં રોકાણ કરવું જોખમી છે. કોઈપણ રોકાણ કરતા પહેલા એક્સપર્ટની સલાહ લો.)