રોકાણ કરવું તો આવા શેરમાં ! 5 દિવસમાં 50%થી વધારે ચડી ગયો આ શેર, નફા બાદ શેરમાં રોકેટ સ્પિડે વધારો

Profit: સિગરેટ કંપનીના શેરમાં બુલેટ સ્પિડે વધારો જોવા મળી રહ્યો છે, કંપનીના શેર મંગળવારે અને 18 ફેબ્રુઆરીના રોજ 10 ટકા વધીને 7745.75 રૂપિયા પર પહોંચી ગયા છે. 5 દિવસમાં કંપનીના શેરમાં 50 ટકાથી વધારે તેજી જોવા મળી છે. 

કંપનીના શેર 12 ફેબ્રુઆરીના 4960 રૂપિયા પર હતા. કંપનીના શેર 18 ફેબ્રુઆરી 2025ના રોજ 7700 રૂપિયાને પાર પહોંચી ગયા છે. ડિસેમ્બરના ત્રિમાસિક મજબૂત પરિણામ બાદ શેરમાં જોરદાર ખરીદી જોવા મળી છે.  

સિગારેટ કંપની ગોડફ્રે ફિલિપ્સે(Godfrey Phillips India) ચાલુ નાણાકીય વર્ષના ડિસેમ્બર ક્વાર્ટરમાં 316 કરોડ રૂપિયાનો નફો કર્યો છે. વાર્ષિક ધોરણે કંપનીના નફામાં 48.7 ટકાનો વધારો થયો છે. ગયા વર્ષે સમાન સમયગાળા દરમિયાન ગોડફ્રે ફિલિપ્સનો નફો 212.4 કરોડ રૂપિયા હતો.   

ચાલુ નાણાકીય વર્ષના ડિસેમ્બર ક્વાર્ટરમાં કંપનીની આવક 27.3 ટકા વધીને 1591.2 કરોડ રૂપિયા થઈ ગઈ છે. એક વર્ષ પહેલા ત્રીજા ક્વાર્ટરમાં કંપનીની આવક 1249.6 કરોડ રૂપિયા હતી. ઓપરેટિંગ સ્તરે, કંપનીનો EBITDA વાર્ષિક ધોરણે 57.6 ટકા વધીને 358.8 કરોડ રૂપિયા થયો છે.  

છેલ્લા એક વર્ષમાં Godfrey Phillips India ના શેર 180 ટકાથી વધુ વધ્યા છે. સિગારેટ મેન્યુફેક્ચરિંગ કંપનીના શેર 19 ફેબ્રુઆરી, 2024ના રોજ 2681.95 રૂપિયા પર હતા. કંપનીના શેર 18 ફેબ્રુઆરી 2025ના રોજ 7745.75 રૂપિયા પર પહોંચી ગયા છે. છેલ્લા 3 વર્ષમાં ગોડફ્રે ફિલિપ્સના શેરમાં 600 ટકાથી વધુનો ઉછાળો આવ્યો છે.   

18 ફેબ્રુઆરી 2022ના રોજ કંપનીના શેર 1062.20 રૂપિયા પર હતા. ગોડફ્રે ફિલિપ્સનો શેર 18 ફેબ્રુઆરી 2025ના રોજ 7700 રૂપિયાને પાર કરી ગયો હતો. કંપનીના શેરનું 52 અઠવાડિયાનું ઉચ્ચ સ્તર 8480 રૂપિયા છે. તે જ સમયે, કંપનીના શેરનું 52-અઠવાડિયાનું લો લેવલ 2506.15 રૂપિયા છે.

(Disclamar: Zee 24 કલાક ફક્ત માહિતી આપે છે, આ રોકાણની સલાહ નથી. શેરબજારમાં રોકાણ કરવું જોખમી છે. કોઈપણ રોકાણ કરતા પહેલા એક્સપર્ટની સલાહ લો.)