Photos: આ ગુજરાતીઓને સિંહ સાથેની સેલ્ફી લેવાનો શોખ ભારે પડ્યો હતો

આજે જુનાગઢની મહિલા ફોરેસ્ટ ઓફિસરની સેલ્ફીનો વિવાદ સામે આવ્યો છે. રસિલાબેન વાઢેર નામની મહિલા ઓફિસરે સિંહ સાથેની સેલ્ફી ફેસબુક પર પોસ્ટ કરતા વિવાદનો મધપૂડો છંછેડાયો છે. જે મહિલાને લેડી ટારઝનનું બિરુદ મળ્યુ હોય, તે જ આવી રીતે સિંહો સાથે સેલ્ફી લઈને સોશિયલ મીડિયામાં મૂકે તો તે વનવિભાગ માટે શરમજનક બાબત કહેવાય. તમને જણાવી દઈએ કે, આ અગાઉ પણ ગુજરાતના અનેક મહાનુભાવોની સિંહ સાથેની સેલ્ફીઓએ વિવાદ જગાવ્યો હતો. જેમાં નેતાઓ, ક્રિકેટર તથા સંતો પણ સામેલ છે. ત્યારે જોઈ લો કોની કોની સિંહ સાથેની સેલ્ફી વિવાદમાં આવી છે.