'અપ્સરા'થી કમ નથી મહાકુંભમાં પહોંચેલી આ સાધ્વી, ગ્લેમર ઈન્ડસ્ટ્રીને ઠૂકરાવીને પહેર્યા પીળા ચોલા; ખૂબસૂરતીની આગળ અનન્યા-સુહાના ફેલ

મહાકુંભમાં પોતાને સાધ્વી ગણાવનારી મહિલાનો ઈન્ટરવ્યુ વાઈરલ થતાં જ તેની સુંદરતાની દૂર-દૂર સુધી ચર્ચા થવા લાગી. તે માત્ર 30 વર્ષની છે અને તેનું નામ હર્ષા રિછરિયા છે. ઉત્તરાખંડની રહેવાસી હર્ષા માત્ર 2 વર્ષ પહેલા જ સાધ્વી બની છે. આ પહેલા તે સેલિબ્રિટી એન્કર અને મોડલ રહી ચૂકી છે.

હર્ષાનું સોશિયલ મીડિયા તેમની ખૂબસૂરત ફોટાઓથી ભરેલું છે. જેમાં ક્યારેક તે જીન્સ અને ટોપ પહેરેલી જોવા મળી હતી તો ક્યારેક તે કોટનની સાડીમાં અપ્સરા લાગી રહી છે. પરંતુ એટલું તો ચોક્કસ છે કે, જો તમે તેના ફોટા જોશો તો તેની સુંદરતાના દીવાના થઈ જશો.

હર્ષાનો એક ઈન્ટરવ્યુ સોશિયલ મીડિયા પર વાયરલ થયો છે, જેમાં તેમણે પોતાના વિશે ઘણી વાતો કહી હતી. જે બાદ તે થોડા જ સમયમાં દરેક જગ્યાએ ફેમસ થઈ ગઈ હતી. રિપોર્ટ્સ અનુસાર સાધ્વી બનતા પહેલા હર્ષા મેકઅપ આર્ટિસ્ટ અને યોગ ટીચર પણ રહી ચૂકી છે. તેમણે ઘણા લગ્નો પણ હોસ્ટ કર્યા છે. જેની તસવીરો તેના ઈન્સ્ટાગ્રામ એકાઉન્ટ પર જોવા મળી રહી છે.

હર્ષા રિછારિયાને ફરવાનો પણ ઘણો શોખ છે. ત્યાં સુધી કે તેમની થોડા સમય પહેલાની દુબઈ રીલ પર ખૂબ જ ચર્ચા થઈ રહી છે. મહાકુંભમાં પહોંચેલી હર્ષાના સોશિયલ મીડિયા પર પણ ઘણા ફોલોઅર્સ છે. ઇન્સ્ટાગ્રામ પર તેના 752K ફોલોઅર્સ છે. જેમાં સતત વધારો થઈ રહ્યો છે.

હર્ષાએ જણાવ્યું કે, 2 વર્ષ પહેલા જ આ બધુ છોડીને સાધ્વી બની છે. તેમનો દાવો કરે છે કે, તે આચાર્ય મહામંડલેશ્વર સ્વામી કૈલાશાનંદગીરી જી મહારાજની શિષ્ય છે. આ ગ્લેમર વર્લ્ડ છોડવાનું કારણ તેમણે સુકૂન જણાવ્યું છે. હાલમાં હર્ષાની ખૂબસૂરતીની એટલી બધી ચર્ચા છે કે લોકો તેની સરખામણી બોલીવુડની હિરોઈન સાથે કરી રહ્યા છે.