Sarkari Naukri: પ્રાણીઓને પ્રેમ કરો છો? તો મેળવો સરકારી નોકરી, 10મું પાસ ઉમેદવારો માટે શાનદાર તક

RSMSSB Animal Attendant Recruitment 2023: 10 પાસ ઉમેદવારો માટે સરકારી નોકરી મેળવવાની આ એક સોનેરી તક છે. રાજસ્થાન કર્મચારી સિલેકશન બોર્ડ (RSMSSB) એ એનિમલ એટેન્ડન્ટની પોસ્ટ માટે લગભગ 6 હજાર ખાલી જગ્યાઓ બહાર પાડી છે. રસ ધરાવતા અને લાયક ઉમેદવારો બોર્ડની અધિકૃત વેબસાઇટ rsmssb.rajasthan.gov.in પર જઈને ઓનલાઈન અરજી કરી શકે છે.

એનિમલ એટેન્ડન્ટ, પ્રાણીઓની સંભાળ, વ્યાયામ અને સંવર્ધન પ્રવૃત્તિઓનું ધ્યાન રાખે છે. પ્રાણીઓને પ્રેમ કરતા હોય તેવા લાયક ઉમેદવારો 17 ફેબ્રુઆરી 2024 સુધી સત્તાવાર વેબસાઇટ દ્વારા અરજી કરી શકે છે. બોર્ડ (RSMSSB) દ્વારા જાહેર કરાયેલ એનિમલ એટેન્ડન્ટ ડાયરેક્ટ રિક્રુટમેન્ટ 2023 નોટિફિકેશન મુજબ ઓનલાઈન અરજી પ્રક્રિયા 19 જાન્યુઆરીથી શરૂ થઈ ગઈ છે, જ્યારે ભરતી પરીક્ષા એપ્રિલ અથવા જૂન 2024માં લેવામાં આવશે.

ખાલી જગ્યા માટે વિગતો
આ ભરતી અભિયાન સંસ્થામાં 5934 જગ્યાઓ ભરશે. તેમાં નોન-ટીએસપી (નોન-શિડ્યુલ્ડ એરિયા) વિસ્તારમાં 5281 પોસ્ટ અને ટીએસપી (શેડ્યુલ્ડ એરિયા) વિસ્તારમાં 653 પોસ્ટનો સમાવેશ થાય છે.

10મું પાસ કરી શકે છે અરજી?
માન્ય બોર્ડમાંથી માધ્યમિક (વર્ગ 10મું) અથવા તેની સમકક્ષ પરીક્ષા પાસ કરેલ ઉમેદવારો અરજી કરી શકે છે. આ ઉપરાંત દેવનાગરી લિપિમાં લખેલી હિન્દીનું કાર્યકારી જ્ઞાન અને રાજસ્થાનની સંસ્કૃતિનું જ્ઞાન હોવું જોઈએ. 01 જાન્યુઆરી 2025ના રોજ અરજદારોની વય મર્યાદા લઘુત્તમ 18 વર્ષ અને મહત્તમ 40 વર્ષ હોવી જોઈએ. જો કે, અનામત વર્ગના ઉમેદવારોને સરકારી ધારાધોરણો મુજબ મહત્તમ વય છૂટ આપવામાં આવશે. અરજી કરતા પહેલા ઉમેદવારોએ ભરતી માટેનું નોટિફિકેશન કાળજીપૂર્વક વાંચવું જોઈએ.

અરજી ફી
જનરલ/ઓબીસી કેટેગરીના ઉમેદવારોએ રૂ. 600 અને ઓબીસી એનસીએલ/એસસી/એસટી કેટેગરીના ઉમેદવારોએ રૂ. 400 ચૂકવવા પડશે, જ્યારે કરેક્શન ફી રૂ. 300 છે. આ ફી એક વખતની નોંધણી માટે છે, હવે ઉમેદવારે એકવાર OTR ફી ભર્યા પછી વારંવાર અરજી ફી ચૂકવવાની રહેશે નહીં. Emitra CSC સેન્ટર, ડેબિટ કાર્ડ, ક્રેડિટ કાર્ડ, નેટ બેન્કિંગ દ્વારા પરીક્ષા ફી ચૂકવણી કરી શકે છે.