એરફોર્સની તાકાત બન્યું રાફેલ, અંબાલા એરબેઝથી 5 વિમાનોએ કરી ફ્લાઈપાસ્ટ

અંબાલાઃ રાફેલ વિમાન આજે ઔપચારિક રૂપથી વાયુસેનાના લડાકૂ વિમાનોના બેડામાં સામેલ કરવામાં આવ્યા છે. રાફેલને અંબાલા એરબેઝ પર 17 સ્કવોડ્રન ગોલ્ડન એરોઝમાં સામેલ કરવામાં આવ્યા છે. અંબાલા એરબેઝ પર સવારે 10.20 કલાકે રાફેલની ઇંડક્શન સેરેમનીમાં તેને વાયુસેનામાં સોંપવામાં આવ્યા છે. આ સમયે રક્ષામંત્રી રાજનાથ સિંહ અને ફ્રાંસના રક્ષામંત્રી ફ્લોરેન્સ પાર્લે મુખ્ય અતિથિના રૂપમાં હાજર રહેશે. ભારત ચીનની સરહદ પર ચાલી રહેલા તણાવ વચ્ચે ભારત માટે આ સિદ્ધિ ખુબ મહત્વપૂર્ણ માનવામાં આવી રહી છે. 

રાફેલ માટે થઈ સર્વ ધર્મ પૂજા
5 ધર્મોના ધર્મગુરૂએ રાફેલની પૂજા કરાવી હતી. ત્યારબાદ રાફેલને વાયુસેનામાં સામેલ કરવામાં આવ્યા છે. રક્ષામંત્રી રાજનાથ સિંહ, ફ્રાન્સના રક્ષામંત્રી, ચીફ ઓફ ડિફેન્સ સ્ટાફ બિપિન રાવત, એરફોર્સ ચીફ ભદૌરિયા પણ આ પ્રસંગે હાજર રહ્યાં હતા. 

વાયુસેનાના બેડામાં સામેલ થયું રાફેલ
લડાકૂ વિમાન રાફેલને આજે ભારતીય વાયુસેનામાં ઔપચારિક રૂપથી સામેલ કરવામાં આવ્યું છે. અંબાલા એરબેઝ પર ભવ્ય સમારોહનું આયોજન કરવામાં આવ્યું હતું. વોટર કેનેનથી સલામી આપીને રાફેલ વિમાનોને વાયુસેનાના હેડામાં સામેલ કરવામાં આવ્યા છે. 

#RafaleInduction
IAF will formally induct the Rafale aircraft in the 17 Squadron 'Golden Arrows' today at Air Force Station, Ambala.
New bird in the arsenal of IAF. pic.twitter.com/cd6k54KJJ0

— Indian Air Force (@IAF_MCC) September 10, 2020

રાફેલ વિમાનની વિશેષતાઓ
1.  રાફેલ એક એવું ફાઈટર વિમાન છે જેને દરેક પ્રકારના મિશન પર મોકલી શકાય છે. ભારતીય વાયુસેનાની તેના પર ઘણા સમયથી નજર હતી. 
2. તે એક મિનિટમાં 60 હજાર ફૂટની ઉંચાઈ પર જઈ શકે છે. તેની ફ્યુલ કેપેસિટી 17 હજાર  કિગ્રા છે. 
3. રાફેલ જેટ દરેક ઋતુમાં એક સાથે અનેક કામ કરવામાં સક્ષમ છે, આથી તેને મલ્ટિરોલ ફાઈટર એરક્રાફ્ટના નામથી પણ ઓળખાય છે. 
4. તેમાં સ્કાલ્પ મિસાઈલ થે જે હવામાંથી જમીન પર વાર કરવામાં સક્ષમ છે. 
5. રાફેલની મારક ક્ષમતા 3700 કિમી સુધી છે જ્યારે સ્કાલ્પની રેન્જ 300 કિમી છે. 
6. વિમાનમાં ફ્યુલ ક્ષમતા 17000કિગ્રા છે. 
7. તે એન્ટી શિપ એટેકથી લઈને પરમાણુ એટેક, ક્લોઝ એર સપોર્ટ અને લેઝર ડાઈરેક્ટ લોન્ગ રેન્જ મિસાઈલ એટેકમાં પણ અવ્વલ છે. 
8. તે 24500 કિગ્રા સુધીનું વજન લઈ જવા માટે સક્ષમ છે અને 60 કલાકની વધારાની ઉડાણ ભરી શકે છે. 
9. તેની સ્પીડ 2223 કિમી પ્રતિ કલાક છે. 

કોરોના વાયરસ પર તમામ સમાચારો જાણવા માટે કરો ક્લિક...

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube