Hijab controversy: પ્રિયંકા ગાંધીએ કહ્યું- 'બિકિની પહેરે કે હિજાબ, આ નક્કી કરવાનો મહિલાઓનો અધિકાર'

નવી દિલ્હીઃ કર્ણાટકમાં ચાલી રહેલા હિજાબ વિવાદ પર હવે કોંગ્રેસ મહાસચિવ પ્રિયંકા ગાંધી વાડ્રાએ પણ પોતાની પ્રતિક્રિયા આપી છે. પ્રિયંકા ગાંધી વાડ્રાએ કહ્યું કે શું પહેરવું તે નક્કી કરવાનો મહિલાઓનો અધિકાર છે અને કપડાંને લઈને ઉત્પીડન બંધ થવું જોઈએ.

તેમણે 'છોકરી છું, લડી શકુ છું'' હૈશટૈગ સાથે ટ્વીટ કર્યું, '"ભલે તે બિકીની હોય, બુરખો હોય, જીન્સ હોય કે હિજાબ હોય, મહિલાઓને શું પહેરવું તે નક્કી કરવાનો અધિકાર છે, પ્રિયંકા ગાંધીએ કહ્યું, "આ અધિકારની ગેરેન્ટી ભારતીય સંવિધાને આપી છે. મહિલાઓ પર અત્યાચાર બંધ કરો."

Whether it is a bikini, a ghoonghat, a pair of jeans or a hijab, it is a woman’s right to decide what she wants to wear.

This right is GUARANTEED by the Indian constitution. Stop harassing women. #ladkihoonladsaktihoon

— Priyanka Gandhi Vadra (@priyankagandhi) February 9, 2022

શું છે મામલો
ઉલ્લેખનીય છે કે તાજેતરના દિવસોમાં કર્ણાટકના કેટલાક તાલીમ કેન્દ્રોમાં 'હિજાબ'ની તરફેણમાં અને વિરૂદ્ધ પ્રદર્શનો થયા છે. આ વિવાદ વચ્ચે રાજ્ય સરકારે રાજ્યમાં આગામી ત્રણ દિવસ માટે શાળા-કોલેજોમાં રજા જાહેર કરી છે. તે જ સમયે, આ મામલો હાઈકોર્ટમાં પહોંચ્યો છે, જ્યાં ગયા દિવસે હિજાબ વિવાદ કેસની સુનાવણી થઈ હતી.

મુસ્લિમ વિદ્યાર્થિનીઓએ હાઈકોર્ટમાં કરી અરજી
મુસ્લિમ વિદ્યાર્થિનીઓએ હિજાબ પહેરવાના તેમના અધિકારને પુનઃસ્થાપિત કરવા માટે કોર્ટનો સંપર્ક કર્યો હતો. આ મામલે આજે પણ સુનાવણી ચાલુ રહેશે. પરંતુ ભાજપે વિદ્યાર્થીનીઓના વકીલ સામે વાંધો ઉઠાવ્યો છે. ભાજપનું કહેવું છે કે વિદ્યાર્થીનીઓના વકીલો કોંગ્રેસના નેતાઓ છે અને આનાથી સાબિત થાય છે કે આ વિવાદને ઉશ્કેરવામાં કોંગ્રેસનો હાથ છે.

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube