આ યલો શૉટથી કરો તમારી દિવસની શુભ શરૂઆત, શરીરને મળશે 4 ગજબના ફાયદા
Healthy Drink: આયુર્વેદ અને આધુનિક વિજ્ઞાન બન્નેએ હળદરના ફાયદાઓને માન્યતા આપી છે. હળદરમાં રહેલ કર્ક્યુમિન નામનું તત્વ તેને કુદરતી એન્ટી-ઈન્ફ્લેમેટરી અને એન્ટીઑકિસડન્ટ બનાવે છે.
Trending Photos
- 6
- 5
- 5
- 9
)
Healthy Drink: સુપરફૂડ તરીકે હળદરની લોકપ્રિયતા સદીઓ પહેલાની છે. આયુર્વેદ અને આધુનિક વિજ્ઞાન બન્નેએ હળદરના ફાયદાઓને માન્યતા આપી છે. હળદરમાં રહેલ કર્ક્યુમિન નામનું તત્વ તેને એન્ટી-ઈન્ફ્લેમેટરી અને એન્ટીઑકિસડન્ટ બનાવે છે. પરંતુ શું તમે જાણો છો કે, હળદર શૉટ પીવા તમારા સ્વાસ્થ્ય માટે કેટલા ફાયદાકારક હોય શકે છે?
જો તમે તમારી સવારની શરૂઆત હળદર શૉટની સાથે કરો છો, તો આ તમારી રોગપ્રતિકારક શક્તિને મજબૂત કરવાની સાથે-સાથે અનેક સ્વાસ્થ્ય ફાયદાઓ પણ આપે છે.
શું છે હળદર શૉટ?
હળદર શૉટ એક નેચરલ ડ્રિંક છે, જેને હળદરના પાવડર અથવા તાજી હળદર, લીંબુનો રસ, આદું અને કાળા મરીની સાથે તૈયાર કરવામાં આવે છે. આ એક નાનું પરંતુ શક્તિશાળી ડ્રિંક છે, જેને ખાલી પેટ પીવાથી સૌથી વધારે ફાયદો મળે છે.
હળદર શૉટના 4 મોટા ફાયદા
1. ઈમ્યૂનિટી બૂસ્ટર
હળદરમાં એન્ટીઓક્સીડેન્ડ ગુણ હોય છે, જે શરીરને ફ્રી-રેડિકલ્સથી બચાવે છે. હળદર શૉટ તમારી ઈમ્યૂન સિસ્ટમને મજબૂત બનાવે છે અને સરદી-ઉધરસ જેવી સમસ્યાઓથી બચાવે છે. ખાસ કરીને શિયાળામાં આ ફ્લૂ અને વાયરલ બીમારીઓથી બચાવવામાં મદદ કરે છે.
2. ડાઈઝેશન સુધારે છે
હળદરના શૉટમાં આદુ અને લીંબુના તત્વો હોય છે, જે પાચનતંત્રને સુધારે છે. તે પેટમાં ગેસ, અપચો અને એસિડિટી જેવી સમસ્યાઓને દૂર કરવામાં મદદ કરે છે.
3. ત્વચાને બનાવે છે ચમકદાર
હળદરમાં રહેલ કરક્યૂમિન ત્વચાની કોશિકાઓને રિપેર કરે છે અને ગ્લોઇંગ સ્કિન મેળવવામાં મદદ કરે છે. આ એન્ટી-ઈન્ફ્લેમેટરી ગુણોના કારણે ત્વચામાંથી પિંપલ્સ અને રેડનેશને ઓછા કરે છે.
4. વજન ઘટાડવામાં મદદરૂપ
હળદર શૉટ મેટાબોલિજ્મને ઝડપી બનાવે છે, જેના કારણે વજન ઘટાડવામાં મદદ મળે છે. આ ઉપરાંત તે શરીરમાં ચરબી જમા થતા અટકાવે છે અને શરીરને ડિટોક્સ કરે છે.
કેવી રીતે તૈયાર કરવું હળદર શૉટ?
- એક ગ્લાસ પાણી લો.
- તેમાં 1 ચમચી હળદર પાવડર (અથવા તાજી હળદરનો રસ) ઉમેરો.
- અડધું લીંબુ નિચોવી અને આદુનો રસ ઉમેરો.
- એક ચપટી કાળા મરી ઉમેરો અને તેને સારી રીતે મિક્સ કરો.
Disclaimer: પ્રિય વાચક, અમારા સમાચાર વાંચવા બદલ આભાર. આ સમાચાર ફક્ત તમને જાગૃત કરવાના હેતુથી લખવામાં આવ્યા છે. અમે આ લખવા માટે સામાન્ય માહિતીની મદદ લીધી છે. જો તમે ક્યાંય પણ તમારા સ્વાસ્થ્ય સંબંધિત કંઈપણ વાંચો છો, તો તેને અપનાવતા પહેલા ચોક્કસપણે ડોક્ટરની સલાહ લો.
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારીWhatsApp channel સાથે
