લાખોનો ટેક્સ ઓછો કરવા GST અધિકારીએ માગી લાંચ, ACBએ ઝડપ્યો

ઉદય રંજન/અમદાવાદ: ગુજરાત એસીબીના અમદાવાદ એકમે જીએસટીના વિભાગના રાજેશ સાંડપાને 21 હજારની લાંચ લેતા રંગે હાથે ઝડપી પાડયા છે. એસીબીને ફરિયાદ મળી હતી કે, રાજ્ય વેરા અધિકારી રાજેશ સાંડપાએ માર્ચ માસમાં ભરવાનો હોય એ ટેક્સ 300 ટકા લેખે 11 લાખ થતો હતો. 

પરંતુ આ ટેક્સને જો 74 હજાર જ કરવો હોય તો ફરિયાદીને જણાવ્યું કે, 21 હજારની લાંચ આપશે તો 11 લાખ માંથી માત્ર 74 હજાર જ ટેક્સ ભરવો પડશે. ત્યારે ફરિયાદીએ એસીબીને ફરિયાદ કરતા એસીબીએ છટકું ગોઠવીને લાલદરવાજા ખાતેના બહુમાળી ભવનની કચેરીમાં જ લાંચ લેતા રંગે હાથે ઝડપી લીધા હતો.

કોંગ્રેસના 3 MLAને દિલ્હીનું તેડું, લોકસભાની ટીકિટને લઇને રાહુલ ગાંધી સાથે મુલાકાત

પોલીસે આ સિવાયની અન્ય કેટલીક મિલ્કત છે તે અંગે જીએસટીના આધિકારીના ઘર પણ સર્ચ ઓપરેશન શરુ કરવામાં આવ્યું હતું. મહત્વનું છે, કે ટેક્સ અધિકારીએ વધુ ટેક્સ ન ભરવો પડે તે માટે અધિકારીએ એક કિમિયો સોધ્યો હતો. અને 11 લાખનો ટેક્સ 75 હજારનો કરવા માટે 21 હજાર રૂપિયાની લાંચ માંગી હતી.