સમગ્ર ગુજરાતમાં ચકચાર મચાવી દેનાર સિરિયલ કિલરનો ખેલ ખતમ! 12 લોકોની હત્યા કરનારની છે રૂંવાડા ઉભા કરી દે એવી કહાની

હિમાંશું ભટ્ટ/મોરબી: થોડા સમય પહેલા અમદાવાદ પોલીસ દ્વારા 13 વર્ષમાં 12 લોકોની હત્યા કરનાર તાંત્રિક નવલસિંહની ધરપકડ કરવામાં આવી હતી અને તેનું પોલીસ કસ્ટડી દરમિયાન મોત નિપજ્યુ હતું. જોકે તેણે રાજકોટની એક યુવતીની હત્યા કરી હતી અને તેના કટકા કરીને ડેડબોડી વાંકાનેર શહેર નજીક ખાડો ખોદીને દાટી દીધી હોવા અંગેની જે તે સમયે મૃતકે પોલીસને હકીકત આપી હતી. જેના આધારે અમદાવાદ પોલીસ વાંકાનેર સીટી પહોંચી હતી અને જે જગ્યા ઉપર લાશ દાટી હોવાની માહિતી હતી. ત્યાં જેસીબીની મદદથી ખોદકામ કરવામાં આવતા સ્થળ ઉપરથી મૃતક યુવતીનું માથું સહિતના શરીરના અવશેષો મળી આવતા પોલીસે તેને કબજે કરીને તે અવશેષોને પીએમ માટે લઈ જવા માટેની કાર્યવાહી હાથ ધરી છે

અમદાવાદ પોલીસ વાંકાનેર પહોંચી યુવતીનો મૃતદેહ કાઢ્યો
અમદવાદના સરખેજ પોલીસે હત્યાના ગુનામાં તાંત્રિક નવલસિંહ ચાવડાને પકડ્યો હતો. તેણે જે લોકોની હત્યા કરેલ હતી તે મૃતકોના મૃતદેહો મળ્યાં તેની આસપાસના વિસ્તારમાં નવલસિંહના લોકેશન મળી આવ્યા છે. અને ખાસ કરીને મૃતક નગમા મુકાસમ નો મૃતદેહ જે જગ્યાએ દાટ્યો હતો ત્યાંથી શોધી કાઢવા માટે થઈને અમદાવાદ પોલીસ વાંકાનેર પહોંચી હતી અને વાંકાનેર પોલીસને સાથે રાખીને વીસીપરાની રેલવે ફાટક પાસે સરધારકા રોડના ખૂણા પાસે આવેલ મેલડી માતાજીના મંદિર નજીક ખોદકામ કરવામાં આવ્યુ હતુ. જે જગ્યામાં ખોદકામ કરવામાં આવ્યું હતું ત્યાં જુદા જુદા કોથળામાંથી મૃતક યુવતીનું માથું સહિતના અવશેષો મળી આવ્યા હતા. જેને પોલીસે કબજે કર્યા છે અને પીએમ માટે લઈ જવાની કાર્યવાહી હાથ ધરાઈ છે. 

સીરીયલ કિલરે પુત્રી નગમાની હત્યા કરીને મૃતદેહના ટૂકડા કર્યા 
ઉલ્લેખનીય છે કે, જેની હત્યાઓ કરી હતી તેમાં અસલાલી- વિવેક ભાનુભાઈ ગોહિલની વર્ષ 2021 સુરેન્દ્રનગર બી ડિવીઝન દિપેશભાઈ પાટડિયા, તેમના પત્ની પ્રફુલ્લાબેન અને પુત્રી ઉત્સવી ની માર્ચ 2023માં આ પરિવારના મૃતદેહો દુધરેજ ગામ નજીક કેનાલના નાળા નીચે મળ્યાં હતાં. પડધરી પોલીસ સ્ટેશન વિસ્તારમાં રાજકોટના ભગવતીપરામાં રહેતા કાદરભાઈ અલીભાઈ મુકાસમ, તેમની પત્ની ફરીદાબહેન અને પુત્ર આસિફનો મૃતદેહ મોટા રામપર ગામના જંગલમાંથી મળી આવ્યો હતો. પુત્રી નગમાની હત્યા કરીને મૃતદેહના ટૂકડા કર્યા હતા. જે વાંકાનેર પાસે દાટી દિધા હતા, અંજાર વિસાતારમાં રાજ બાવાજી નામના શખ્સની પાઉડર પીવડાનીને હત્યા કરી હતી અને બે વર્ષ પહેલાં આરોરીએ તેની માતા અને દાદીની હત્યા કરી હતી. 

છેલ્લા 13 વર્ષમાં 12 જેટલા લોકોની હત્યા કરી
સમગ્ર ગુજરાતની અંદર ચકચાર મચાવી દેનાર સીરીયલ કિલર તાંત્રિક નવલસિંહની થોડા સમય પહેલા અમદાવાદના સરખેજ પોલીસ દ્વારા ધરપકડ કરવામાં આવી હતી અને ત્યારબાદ તેની પૂછપરછ દરમિયાન તેને છેલ્લા 13 વર્ષમાં 12 જેટલા લોકોની હત્યા કરી હોવાની માહિતી સામે આવી હતી. જેમાં રાજકોટમાં રહેતા કાદરઅલી મુકાસમના પરિવારનો પણ સમાવેશ થાય છે તેની મળતી વિગત પ્રમાણે રાજકોટના 62 વર્ષના વૃદ્ધ કાદર અલી મુકાસમ ઘરના કલેશ અને પરેશાની દૂર કરવા તાંત્રિક નવલસિંહના આશરે ગયા હતા. 

નવલસિંહે તમામને પાવડર પીવડાવીને હત્યા કરી
ત્યાર બાદ કાદરભાઈ તેમના પત્ની અને પુત્રના મૃતદેહ પડધરી નજીક મોટા રામપાર ગામે જંગલમાં ખરાબ હાલતમાં પડેલી રીક્ષામાંથી મળ્યા હતા, અને તમામને આપઘાત કર્યાની વિગતો સાથે પોલીસે તપાસ પૂર્ણ કરી હતી. જોકે નવલસિંહે આ તમામને પણ પાવડર પીવડાવીને હત્યા કર્યાની વિગતો સામે આવી છે. અને નવલસિંહે 13 વર્ષમાં કુલ 12 હત્યા કરી હતી. તેના પરિનવારના ત્રણ સભ્યોને બાદ કરતાં બાકીના આઠ લોકોની હત્યા બાબતે નવલસિંહની કેફિયતની આપી હતી જેથી મોબાઈલફોન લોકેશન પોલીસે મેળવ્યા હતા અને પરિવારજનોના પણ કોલ રેકોર્ડસ મેળવ્યા હતા. 

ખાડો ખોદીને પોલીસ દ્વારા માનવ કંકાલ શોધી કાઢવામાં આવ્યું!
હાલમાં વાંકાનેર નજીક થી ખાડો ખોદીને પોલીસ દ્વારા જે માનવ કંકાલ ને શોધી કાઢવામાં આવ્યું છે તેને લઈને હવે અમદાવાદ પોલીસ વાંકાનેરથી અમદાવાદ તરફ જવા માટે રવાના થઈ રહી છે અને જે જગ્યાએથી માનવ કંકાલ મળ્યુ છે તે જગ્યા વાંકાનેર શહેર પોલીસ વિસ્તારમાં આવતી હોવાથી આ અંગેની હવે વાંકાનેર સિટી પોલીસ સ્ટેશન ખાતે પણ નોંધ કરીને પોલીસ દ્વારા આગળની કાર્યવાહી કરવામાં આવશે અત્રે ઉલ્લેખનીય છે કે જે બાર વ્યક્તિઓની હત્યા કરવામાં આવી હતી. 

પાખંડી તાંત્રિકે વિધિના બહાને ફસાવીને યુવતીની કરેલી હત્યાનો પુરાવો મળ્યો!
તેમાંથી મોટાભાગના લોકોની અંતિમવિધિ થઈ ગઈ હતી પરંતુ નગમાં નામની જે યુવતીની હત્યા થઈ હતી તેનો મૃતદેહ મળી આવ્યો ન હતો અને તેના કટકા કરીને તેને વાંકાનેર નજીક દાટી દેવામાં આવ્યો હતો. જો કે તે મૃતદેહને આજે પોલીસ દ્વારા શોધી કાઢવામાં આવતા આ પાખંડી તાંત્રિકે વિધિના બહાને ફસાવીને યુવતીની કરેલી હત્યાનો પુરાવો પોલીસે કબજે કરેલ છે.