നവജാത ശിശുവിനെ പൊന്തക്കാട്ടിൽ ഉപേക്ഷിച്ച് കടന്നു കളഞ്ഞ മാതാവിനെ പൊലീസ് കണ്ടെത്തി. പ്രസവിച്ച ശേഷം കുഞ്ഞിനെ തുമ്പോളിക്ക് സമീപത്തെ പൊന്തക്കാട്ടിൽ ഉപേക്ഷിയ്ക്കുകയായിരുന്നു യുവതി.
ആലപ്പുഴയിലെ പപ്പട ലഹളയാണ് ഇപ്പോൾ ട്രോളുകളിൽ നിറയുന്നത്. വിവാഹ സദ്യയില്‍ പപ്പടം വീണ്ടും നൽകാത്തതിനാണ് ആലപ്പുഴയിൽ കല്ല്യാണത്തിന് ഇടയ്ക്ക് കൂട്ടത്തല്ല് ഉണ്ടായത്. ആലപ്പുഴ ഹരിപ്പാട് മുട്ടത്താണ് സംഭവം. സംഭവത്തിൽ ഓഡിറ്റോറിയം ഉടമ ഉൾപ്പെടെ മൂന്ന് പേർക്ക് പരിക്കേറ്റു. വിവാഹ സദ്യക്കിടയില്‍ പപ്പടം വീണ്ടും നൽകാത്തതിനെ തുടർന്നുണ്ടായ തർക്കമാണ് കൂട്ടത്തല്ലിൽ കലാശിച്ചതെന്നും സംഭവത്തിൽ കേസെടുത്തതായും പോലീസ് വ്യക്തമാക്കുന്നു.
ജീവിതദുരിതങ്ങളോട് പൊരുതിയാണ് സെറിബ്രൽ പാൾസി നാഷണൽ ഫുട്ബോൾ ടൂർണമെന്റിനായി പത്തംഗ സംഘം ഡൽഹിയിലേക്ക് പറക്കുന്നത്. ഈ മാസം 28 വരെ ഡൽഹിയിലെ ജവഹർലാൽ നെഹ്റു സ്റ്റേഡിയത്തിലാണ് ടൂർണമെന്റ് നടക്കുന്നത്. കേരളം ഉൾപ്പടെ എട്ടു സംസ്ഥാനങ്ങളാണ് മത്സരങ്ങളിൽ മാറ്റുരയ്ക്കുന്നത്.
സംസ്ഥാന തലത്തിൽ കാനം - ഇസ്മായീൽ പക്ഷങ്ങൾ തമ്മിലാണ് ബലാബലം ശക്തമെങ്കിൽ ജില്ലയിലെ സ്ഥിതി വ്യത്യസ്തമാണ്. ജില്ലാ സെക്രട്ടറി ടി ജെ ആഞ്ചലോസും ആഞ്ചലോസ് വിരുദ്ധപക്ഷവും തമ്മിലാണ് ജില്ലയിൽ വിഭാഗീയത നിലനിൽക്കുന്നത്. നിലവിൽ കാനം പക്ഷക്കാരനായ ആഞ്ചലോസിനാണ് സംഘടനയിൽ മേൽക്കൈ.
ആലപ്പുഴ ബ്ലോക്ക് തിരഞ്ഞെടുപ്പുമായി ബന്ധപ്പെട്ട ഭിന്നതയാണ് എൻസിപി ജില്ലാ കമ്മിറ്റി ഓഫീസിൽ നടന്ന സംഘർഷത്തിന് കാരണം. ഭാരവാഹികൾക്കായി ഇരുവിഭാഗവും അവകാശ വാദം ഉന്നയിച്ച് രംഗത്ത് വന്നതോടെയാണ് തർക്കത്തിലേക്ക് എത്തിയത്. തുടർന്ന് താമസിച്ചെത്തിയ നേതാക്കളെ വോട്ടെടുപ്പ് രജിസ്റ്ററിൽ ഒപ്പിടുന്നതിൽ നിന്ന് എംഎൽഎ വിലക്കിയതോടെ കയ്യാങ്കളിയിലേക്ക് നീങ്ങുകയായിരുന്നു.
ഏത് അടിയന്തര സാഹചര്യത്തെയും നേരിടാൻ സജ്ജമാണെന്നും ജില്ലയിലെ ജലനിരപ്പ് ഉയർന്ന ചെങ്ങന്നൂരിലും സമീപപ്രദേശങ്ങളിലും ആദ്യഘട്ട സന്ദർശനം നടത്തുമെന്ന് സംഘം അറിയിച്ചു. എന്നാൽ ആലപ്പുഴയിൽ ആശങ്കപ്പെടേണ്ട സാഹചര്യമില്ലെന്ന് ജില്ലാ കളക്ടർ വി ആർ കൃഷ്ണതേജ വ്യക്തമാക്കി.
നിലവിൽ ആലപ്പുഴ ജില്ലയിൽ നിലവിൽ ആശങ്കപ്പെടേണ്ട സാഹചര്യമില്ലെന്ന് ജില്ലാ കളക്ടർ വി ആർ കൃഷ്ണ തേജ പറഞ്ഞു. മണിമല,അച്ചൻകോവിൽ ആറുകളിൽ ജലനിരപ്പ് അപകടനിലയിലല്ല. കിഴക്കൻ വെള്ളം ഒഴുകിയെത്തുന്നതിനാൽ പമ്പ നദിയിൽ മാത്രമാണ് ജലനിരപ്പ് ഉയരുന്നത്. ഇവിടെയും ആശങ്കപ്പെടേണ്ട സാഹചര്യമില്ല. ഈ പ്രദേശങ്ങളിൽ കൂടുതൽ ജാഗ്രത പുലർത്തും. എൻ ഡി ആർ എഫ് സംഘം ചെങ്ങന്നൂരിലും സമീപപ്രദേശങ്ങളിലും സന്ദർശനം നടത്തുമെന്നും കളക്ടർ.
കിഴക്കൻ വെള്ളത്തിന്റെ വരവും തോരാതെ പെയ്യുന്ന മഴയും ശക്തിപ്രാപിച്ചതോടെയാണ് കുട്ടനാട്ടിലെ ജലനിരപ്പ് ഉയർന്നത്. പള്ളാത്തുരുത്തി, കാവാലം, പ്രദേശങ്ങളിൽ അപകട നിലയ്ക്കും മുകളിലാണ് ജലനിരപ്പ്. റെഡ് അലേർട്ട് പ്രഖ്യാപിച്ച സാഹചര്യത്തിൽ ജില്ലയിലെ പ്രഫഷണൽ കോളേജുകൾ ഉൾപ്പടെയുള്ള വിദ്യാഭ്യാസ സ്ഥാപനങ്ങൾക്ക് കളക്ടർ അവധി പ്രഖ്യാപിച്ചിട്ടുണ്ട്.
ആനകുത്തിയാലും കുലുങ്ങില്ലെന്ന പഴമൊഴി അന്വർഥമാക്കുകയാണ് കുര്യാക്കോസ്. വയറു കൊണ്ടും മറ്റും നിരവധി അഭ്യാസങ്ങൾ കുര്യാക്കോസിന് ചെയ്യാനാവും. വയറു വെള്ളംപോലെയാക്കാനും അതേ സമയം തന്നെ പാറപോലെ ഉറപ്പിച്ച് നിര്‍ത്താനും ഒരുപോലെ കഴിയും. വെള്ളംപോലെ ഇളകുന്ന വയറിനെ നൊടിയിടയിലാണ് പാറപോലെ ഉറപ്പിക്കുന്നത്.
സിറ്റി ഗ്യാസ് വിതരണ സംവിധാനം നടപ്പാക്കുന്നതിന് എ.ജി ആന്‍റ് പി പ്രദം എന്ന കമ്പനിയെ പെട്രോളിയം ആന്‍റ് നാച്ചുറല്‍ ഗ്യാസ് റെഗുലേറ്ററി ബോര്‍ഡ് ചുമതലപ്പെടുത്തിയിട്ടുണ്ട്. നിയമസഭയിൽ സുജിത് വിജൻപിള്ളയുടെ സബ്മിഷന് മറുപടി നൽകുകയായിരുന്നു മുഖ്യമന്ത്രി പിണറായി വിജയൻ.
By accepting cookies, you agree to the storing of cookies on your device to enhance site navigation, analyze site usage, and assist in our marketing efforts.
