ത‍ൃശൂ‍ർ: കാലിക്കറ്റ് സർവകലാശാല ഡി സോൺ കലോത്സവത്തിൽ സംഘർഷം. എസ് എഫ് ഐ - കെ എസ് യു പ്രവർത്തകർ തമ്മിലാണ് സംഘർഷമുണ്ടായത്. മാള ഹോളി ഗ്രേസിലാണ് കാലിക്കറ്റ് സർവകലാശാല ഡി സോൺ കലോത്സവം നടക്കുന്നത്. സംഘർഷത്തിൽ ഇരുപതോളം വിദ്യാർഥികൾക്ക് പരിക്കേറ്റതായാണ് വിവരം. സംഘർഷത്തെ തുടർന്ന് മത്സരങ്ങൾ നിർത്തിവച്ചിരിക്കുകയാണ്.
തിങ്കളാഴ്ച രാത്രി പതിനൊന്നരയോടെയാണ് വിദ്യാർഥികൾ തമ്മിൽ സംഘർഷം ആരംഭിച്ചത്. സംഭവത്തിൽ പത്തിലധികം കെ എസ് യു പ്രവർത്തകർക്കും ആറ് എസ് എഫ് ഐ പ്രവർത്തകർക്കും പരിക്കേറ്റു. പരിക്കേറ്റവരെ കൊണ്ടുപോയ ആംബുലൻസിന് നേരെയും ആക്രമണമുണ്ടായി.
കലോത്സവത്തിലെ മത്സരങ്ങൾ ആരംഭിക്കാൻ വൈകുന്നതും ഫലപ്രഖ്യാപനത്തിലെ അപാകതകളെയും സംബന്ധിച്ച് തുടക്കം മുതൽ തർക്കങ്ങൾ നിലനിന്നിരുന്നു. മത്സരങ്ങൾ നടത്താൻ സൗകര്യം ഇല്ലാത്തതിനാൽ വേദികൾ കുറവായത് വിദ്യാർഥികളെ ബുദ്ധിമുട്ടിലാക്കിയിരുന്നു.
ചൊവ്വാഴ്ച നടത്തേണ്ടിയിരുന്ന മത്സരങ്ങൾ ഇനി എന്ന് നടത്തുമെന്ന് വ്യക്തമല്ല. എല്ലാ ദിവസവും രാത്രി പത്തിന് നടത്തേണ്ട മത്സരങ്ങൾ ഏറെ വൈകി പിറ്റേന്ന് രാവിലെയാണ് നടത്തിയിരുന്നത്. പരിക്കേറ്റ വിദ്യാർഥികളെ ചാലക്കുടിയിലെയും മാളയിലെയും സ്വകാര്യ ആശുപത്രികളിൽ പ്രവേശിപ്പിച്ചു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apple.co/3hEw2hy
ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്‌സ്‌ക്രൈബ് ചെയ്യൂ. നിങ്ങളുടെ പിൻകോഡിലെ പുതിയ വാർത്തകളും വിശേഷങ്ങളും ഉടൻ അറിയാം. ഡൗൺലോഡ് ചെയ്യൂ പിൻന്യൂസ്.
