R Ashwin Latest news : ರವಿಚಂದ್ರನ್ ಅಶ್ವಿನ್ ಕ್ರಿಕೆಟ್ ನಲ್ಲಿ ಕೆಲವು ಅದ್ಭುತ ದಾಖಲೆಗಳನ್ನು ಬರೆದಿದ್ದಾರೆ. ಕ್ರಿಕೆಟ್ ನಲ್ಲಿ ಸಾಧ್ಯವಿಲ್ಲ ಎನ್ನುವಂಥಹ ದಾಖಲೆ ಕೂಡಾ ಇವರ ಹೆಸರಿನಲ್ಲಿದೆ. ಆದರೆ ಇನ್ನು ಮುಂದೆ ಈ ಅನುಭವಿ ಆಟಗಾರನನ್ನು ಟೀಂ ಇಂಡಿಯಾದ ಜೆರ್ಸಿಯಲ್ಲಿ ಕಾಣುವುದು ಸಾಧ್ಯವಾಗುವುದಿಲ್ಲ. ಆಸ್ಟ್ರೇಲಿಯದಲ್ಲಿ ನಡೆಯುತ್ತಿರುವ ಬಾರ್ಡರ್ ಗವಾಸ್ಕರ್ ಟ್ರೋಫಿಯ ಮೂರನೇ ಟೆಸ್ಟ್ ಪಂದ್ಯ ಮುಗಿದ ತಕ್ಷಣ ಅಶ್ವಿನ್ ಅಂತರಾಷ್ಟ್ರೀಯ ಕ್ರಿಕೆಟ್‌ಗೆ ವಿದಾಯ ಹೇಳಿದ್ದಾರೆ.ಕ್ರೀಡೆಯಲ್ಲಿ ಹೆಸರು ಮಾಡುವುದರ ಜತೆಗೆ ಗಳಿಕೆಯಲ್ಲೂ ಅಶ್ವಿನ್ ಹಿಂದೆ ಬಿದ್ದಿಲ್ಲ. ಅಶ್ವಿನ್ ಹೆಸರಿನಲ್ಲಿ ಕೋಟಿಗಟ್ಟಲೆ ಆಸ್ತಿ ಇದೆ. ನಿವೃತ್ತಿಯ ನಂತರ ಅಶ್ವಿನ್ ಬಿಸಿಸಿಐನಿಂದ ಕೂಡಾ ಪಿಂಚಣಿ ಪಡೆಯುತ್ತಾರೆ. ಈ ಪಿಂಚಣಿ ಮೊತ್ತ ಎಷ್ಟಿರುತ್ತದೆ ಎನ್ನುವ ಕುತೂಹಲ ಸದ್ಯಕ್ಕೆ ಎಲ್ಲರನ್ನೂ ಕಾಡುತ್ತಿದೆ.
ಬಿಸಿಸಿಐ ಪಿಂಚಣಿ ಯೋಜನೆ :
ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ (ಬಿಸಿಸಿಐ) 2022 ರಲ್ಲಿ ಮಾಜಿ ಕ್ರಿಕೆಟಿಗರ ಪಿಂಚಣಿ ಯೋಜನೆಯನ್ನು ಹೆಚ್ಚಿಸಿದೆ. ಇದರ ಅಡಿಯಲ್ಲಿ, 2003-04 ರ ಅಂತ್ಯದವರೆಗೆ 25 ರಿಂದ 49 ಪಂದ್ಯಗಳನ್ನು ಆಡಿದ ಎಲ್ಲಾ ಪ್ರಥಮ ದರ್ಜೆ ಕ್ರಿಕೆಟಿಗರು ತಿಂಗಳಿಗೆ 30,000 ರೂಗಳನ್ನು ಪಡೆಯುತ್ತಾರೆ. ಈ ಹಿಂದೆ 2003-04 ರ ಅಂತ್ಯದವರೆಗೆ, 50 ರಿಂದ 74 ಪಂದ್ಯಗಳನ್ನು ಮತ್ತು 75 ಅಥವಾ ಅದಕ್ಕಿಂತ ಹೆಚ್ಚು ಪಂದ್ಯಗಳನ್ನು ಆಡಿದವರು ಕ್ರಮವಾಗಿ ರೂ 22,500 ಮತ್ತು ರೂ 30,000 ಪಡೆಯುತ್ತಿದ್ದರು. ಆದರೆ ಈಗ ಅವರು ಕ್ರಮವಾಗಿ ತಿಂಗಳಿಗೆ 45,000 ಮತ್ತು 52,500 ಪಡೆಯುತ್ತಿದ್ದಾರೆ. 2015ರಲ್ಲಿ ಬಿಸಿಸಿಐ, 1993ರ ಡಿಸೆಂಬರ್ 31ಕ್ಕೆ ಮೊದಲು ನಿವೃತ್ತಿ ಹೊಂದಿದ ಹಾಗೂ 25ಕ್ಕೂ ಹೆಚ್ಚು ಟೆಸ್ಟ್ ಪಂದ್ಯಗಳನ್ನು ಆಡಿರುವ ಎಲ್ಲಾ ಟೆಸ್ಟ್ ಕ್ರಿಕೆಟಿಗರಿಗೆ ತಿಂಗಳಿಗೆ 50 ಸಾವಿರ ರೂ.ಗಳನ್ನು ನೀಡುವುದಾಗಿ ಹೇಳಿತ್ತು. ಆದರೆ ಹೊಸ ಯೋಜನೆಯ ಪ್ರಕಾರ ಈ ಮೊತ್ತವನ್ನು ಈಗ 70,000 ರೂ.ಗೆ ಹೆಚ್ಚಿಸಲಾಗಿದೆ.
ಇದನ್ನೂ ಓದಿ : ಟೀಂ ಇಂಡಿಯಾಗೆ ಮತ್ತೊಂದು ಆಘಾತ.. ಅಶ್ವಿನ್ ಬಳಿಕ ಈ ನಾಲ್ವರು ಸ್ಟಾರ್‌ ಆಟಗಾರರ ನಿವೃತ್ತಿ!? ಲಿಸ್ಟ್‌ನಲ್ಲಿದ್ದಾರೆ ಕಿಂಗ್..
ಅಶ್ವಿನ್‌ಗೆ ಎಷ್ಟು ಪಿಂಚಣಿ ಸಿಗಲಿದೆ? :
ಅಶ್ವಿನ್ ಅವರ ವೃತ್ತಿಜೀವನವು 106 ಟೆಸ್ಟ್ ಪಂದ್ಯಗಳನ್ನು ಹೊಂದಿದೆ. ಬಿಸಿಸಿಐನ ಪಿಂಚಣಿ ಯೋಜನೆಯ ಆಧಾರದ ಮೇಲೆ ನೋಡಿದರೆ, ಮಂಡಳಿಯು ಅವರಿಗೆ ಪ್ರತಿ ತಿಂಗಳು 52,500 ರೂಪಾಯಿಗಳನ್ನು ಪಿಂಚಣಿಯಾಗಿ ನೀಡಬಹುದು. ಆದರೆ,ಈ ಮೊತ್ತ ನಿಖರವಾಗಿ ಎಷ್ತಿರಲಿದೆ ಎನ್ನುವುದನ್ನು ಬಿಸಿಸಿಐ ನಿರ್ಧರಿಸಲಿದೆ. ಈ ದಿನಗಳಲ್ಲಿ ಮುಖ್ಯಾಂಶಗಳಲ್ಲಿ ಇರುವ ಮಾಜಿ ಕ್ರಿಕೆಟಿಗ ಅನಿಲ್ ಕುಂಬ್ಳೆ ಪ್ರತಿ ತಿಂಗಳು 30,000 ರೂ. ಪಿಂಚಣಿ ಪಡೆಯುತ್ತಾರೆ.
ಅಶ್ವಿನ್ ಅವರ ನಿವ್ವಳ ಮೌಲ್ಯ :
ಅಶ್ವಿನ್ ಕ್ರಿಕೆಟ್ ನಿಂದ ಹಣ ಗಳಿಸುವುದರ ಜೊತೆಗೆ ಜಾಹೀರಾತಿನಿಂದಲೂ ಉತ್ತಮ ಮೊತ್ತ ಗಳಿಸುತ್ತಾರೆ. ಇವುಗಳಲ್ಲಿ Myntra, Bombay Shaving Company, Manna Foods, Aristocrat Bags, Oppo, Moov, Specsmakers, Zoomcar, Coco Studio Tamil ಮತ್ತು Dream 11 ಸೇರಿವೆ. ವರದಿಗಳನ್ನು ನಂಬುವುದಾದರೆ ಅಶ್ವಿನ್ ಅವರ ಆಸ್ತಿ 132 ಕೋಟಿ ರೂ. ಮುಂಬರುವ ಐಪಿಎಲ್ ಸೀಸನ್‌ಗಾಗಿ ಅಶ್ವಿನ್ ಅವರನ್ನು ಚೆನ್ನೈ ಸೂಪರ್ ಕಿಂಗ್ಸ್ 9.75 ಕೋಟಿ ರೂ.ಗಳ ಬೃಹತ್ ಮೊತ್ತ ನೀಡಿ ಖರೀದಿಸಿತ್ತು.
ಇತ್ತೀಚಿನ ಅಪ್ಡೇಟ್ ಸುದ್ದಿಗಳನ್ನು ವೀಕ್ಷಿಸಲು ನಮ್ಮ Youtube Link - https://www.youtube.com/@ZeeKannadaNews/featured ಸಬ್ ಸ್ಕ್ರೈಬ್ಆಗಿರಿ.
ಅಶ್ವಿನ್ ವೃತ್ತಿಜೀವನ :
ಅನಿಲ್ ಕುಂಬ್ಳೆ (619) ನಂತರ ಭಾರತದ ಪರ ಅತಿ ಹೆಚ್ಚು ಟೆಸ್ಟ್ ವಿಕೆಟ್ ಪಡೆದ ಎರಡನೇ ಆಟಗಾರ ಅಶ್ವಿನ್. ಅವರು 106 ಟೆಸ್ಟ್ ಪಂದ್ಯಗಳಲ್ಲಿ ಒಟ್ಟು 537 ವಿಕೆಟ್‌ಗಳನ್ನು ಕಬಳಿಸಿದ್ದಾರೆ. ಈ ಅನುಭವಿ 116 ಏಕದಿನ ಪಂದ್ಯಗಳಲ್ಲಿ 156 ವಿಕೆಟ್ ಮತ್ತು 65 ಟಿ20 ಪಂದ್ಯಗಳಲ್ಲಿ 72 ವಿಕೆಟ್ ಪಡೆದಿದ್ದಾರೆ. ಬೌಲಿಂಗ್ ಮಾತ್ರವಲ್ಲ, ಬ್ಯಾಟ್‌ನಲ್ಲೂ ಅಶ್ವಿನ್ ಅದ್ಭುತ ಇನ್ನಿಂಗ್ಸ್ ಆಡಿದ್ದಾರೆ. ವಿಶೇಷವಾಗಿ ಟೆಸ್ಟ್ ನಲ್ಲಿ . ಅವರು 6 ಶತಕಗಳೊಂದಿಗೆ 3503 ಟೆಸ್ಟ್ ರನ್‌ಗಳನ್ನು ತಮ್ಮ ಖಾತೆಯಲ್ಲಿ ಹೊಂದಿದ್ದಾರೆ. ಏಕದಿನದಲ್ಲಿ 707 ರನ್ ಮತ್ತು ಟಿ20ಯಲ್ಲಿ 184 ರನ್ ಗಳಿಸಿದ್ದಾರೆ. ಅಶ್ವಿನ್ ಟೆಸ್ಟ್‌ನಲ್ಲಿ 37 ಐದು ವಿಕೆಟ್‌ಗಳನ್ನು ಪಡೆದಿದ್ದಾರೆ.
ಕನ್ನಡ ಭಾಷೆಯಲ್ಲಿ ಇತ್ತೀಚಿನ ಕರ್ನಾಟಕ, ದೇಶ, ವಿದೇಶ, ಮನರಂಜನೆ, ಶಿಕ್ಷಣ, ಉದ್ಯೋಗ, ಆರೋಗ್ಯ, ಜೀವನಶೈಲಿ, ಆಧ್ಯಾತ್ಮ, ಕ್ರೀಡೆ, ಕ್ರೈಂ, ವೈರಲ್, ವ್ಯಾಪಾರ, ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಈಗಲೇ ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು
Twitter Link - https://bit.ly/3n6d2R8
Facebook Link - https://bit.ly/3Hhqmcj
Youtube Link - https://www.youtube.com/live/RNn4I7iIaYE?si=3G4W5dh0oCdFnu-T
Instagram Link - https://bit.ly/3LyfY2l
Sharechat Link - https://bit.ly/3LCjokI
Threads Link- https://www.threads.net/@zeekannadanews
WhatsApp Channel- bit.ly/46lENGm ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ.
