ವಿದ್ಯಾರ್ಥಿಗಳೇ ಸಿಹಿಸುದ್ದಿ... ಕರ್ನಾಟಕ ಸೇರಿದಂತೆ ದೇಶದ ಎಲ್ಲಾ ಶಾಲಾ-ಕಾಲೇಜುಗಳಿಗೆ ಜನವರಿ 1ರ ಬಳಿಕ ಮೂರು ದಿನ ವಿಶೇಷ ರಜೆ ಘೋಷಣೆ! ಕಾರಣ...

1 /9

ಹೊಸ ವರ್ಷ ಸಮೀಪಿಸುತ್ತಿದೆ. ಹಬ್ಬಗಳು ಮತ್ತು ಆಚರಣೆಗಳ ಉದ್ದನೆಯ ಸರತಿ ಸಾಲು ಇನ್ಮುಂದೆ ಶುರುವಾಗಲಿದೆ. ಇನ್ನು ಈ ಸಂದರ್ಭದಲ್ಲಿ ಖುಷಿಯಲ್ಲಿ ಹಬ್ಬಗಳನ್ನು ಎಂಜಾಯ್‌ ಮಾಡೋದು ಒಂದು ಕಡೆಯಾದ್ರೆ, ಶಾಲೆಗಳಿಗೆ ರಜೆ ಪಡೆಯುವ ಮಜಾ ಮತ್ತೊಂದು ಕಡೆ.

2 /9

ಇನ್ನು ಈ ಬಾರಿಯ ರಜೆಯ ಮಜಾ ಜನವರಿ 1 ರಂದು ಶುರುವಾಗಲಿದೆ. ದೇಶದ ಅನೇಕ ಶಾಲೆಗಳಲ್ಲಿ ಚಳಿಗಾಲದ ರಜೆಯನ್ನು ಈಗಾಗಲೇ ಘೋಷಿಸಲಾಗಿದೆ. ಉತ್ತರ ಭಾರತದಲ್ಲಿ ಚಳಿಗಾಲದ ರಜೆಯಾದರೆ, ದಕ್ಷಿಣದಲ್ಲಿ ಮಕರ ಸಂಕ್ರಾತಿ, ಪೊಂಗಲ್‌, ಗಣರಾಜ್ಯೋತ್ಸವ ಸೇರಿದಂತೆ ಒಂದಷ್ಟು ಐಚ್ಛಿಕ ರಜೆಗಳನ್ನು ಈಗಾಗಲೇ ಸರ್ಕಾರ ಕ್ಯಾಲೆಂಡರ್‌ ಬಿಡುಗಡೆ ಮಾಡುವಾಗ ಘೋಷಣೆ ಮಾಡಿದೆ.  

3 /9

ಕರ್ನಾಟಕ ಸೇರಿದಂತೆ ದೇಶದ ಇತರ ರಾಜ್ಯಗಳಲ್ಲಿ ಜನವರಿ ತಿಂಗಳಲ್ಲಿ ಯಾವಾಗೆಲ್ಲಾ ರಜೆ ಘೋಷಣೆ ಮಾಡಲಾಗಿದೆ, ಅದರ ಹಿನ್ನೆಲೆ ಏನು ಎಂಬುದನ್ನು ತಿಳಿದುಕೊಳ್ಳೋಣ.  

4 /9

ಚಳಿಗಾಲದ ರಜೆ (ಜನವರಿ 1 ರಿಂದ ಜನವರಿ 15): ಜನವರಿ ಪ್ರಾರಂಭದಿಂದ ಚಳಿ ಮಿತಿ ಮೀರುತ್ತದೆ. ಈ ಹಿನ್ನೆಲೆಯಲ್ಲಿ ಉತ್ತರ ಭಾರತದಲ್ಲಿ ಚಳಿಗಾಲದ ರಜೆ ಎಂದು 15 ದಿನಗಳ ಕಾಲ ರಜೆ ಘೋಷಣೆ ಮಾಡಲಾಗಿದೆ.  

5 /9

ಇದರ ಹೊರತಾಗಿ ಹಬ್ಬ ಹರಿದಿನ ಎಂದು ರಜೆಯನ್ನು ನೀಡಲಾಗಿದೆ. ಜನವರಿ 1ರಂದು ಕರ್ನಾಟಕ ಸೇರಿದಂತೆ ಬಹಳಷ್ಟು ರಾಜ್ಯದ ಶಾಲೆಗಳಿಗೆ ರಜೆಯನ್ನು ನೀಡಲಾಗಿದೆ. ಇದಕ್ಕೆ ಕಾರಣ ಹೊಸ ವರ್ಷದ ಸಂಭ್ರಮ. ಜನವರಿ 1 ಎಂದರೆ ಗ್ರೆಗೋರಿಯನ್‌ ಕ್ಯಾಲೆಂಡರ್‌ ಪ್ರಕಾರ ಹೊಸ ವರ್ಷ ಪ್ರಾರಂಭವಾಗುವುದು. ಈ ಹಿನ್ನೆಲೆಯಲ್ಲಿ ಎಲ್ಲಾ ಕಡೆ ಹೊಸ ವರ್ಷವನ್ನು ಅದ್ಧೂರಿಯಾಗಿ ಬರ ಮಾಡಿಕೊಳ್ಳಲಾಗುತ್ತದೆ. ಡಿಸೆಂಬರ್‌ 31ರ ರಾತ್ರಿ ಸಂಭ್ರಮ ಪ್ರಾರಂಭವಾಗಿ ಜನವರಿ 1ರ ರಾತ್ರಿವರೆಗೂ ಎಂಜಾಯ್‌ ಮಾಡಲಾಗುತ್ತದೆ. ಈ ಹಿನ್ನೆಲೆಯಲ್ಲೇ ರಜೆ ಘೋಷಣೆ ಮಾಡಲಾಗಿದೆ.  

6 /9

ಇನ್ನು ಜನವರಿ 6ರಂದು ಸಿಖ್ಖರ ಧರ್ಮಗುರು ಗುರು ಗೋವಿಂದ್ ಸಿಂಗ್ ಅವರ ಜನ್ಮದಿನ. ಈ ದಿನ ವಿಶೇಷವಾಗಿ ಪಂಜಾಬ್ ಮತ್ತು ಉತ್ತರ ಪ್ರದೇಶಗಳಲ್ಲಿ ಶಾಲೆಗಳು ಮತ್ತು ಕಾಲೇಜುಗಳನ್ನು ಮುಚ್ಚಲಾಗುತ್ತದೆ. ಇನ್ನುಳಿದಂತೆ ಇತರ ರಾಜ್ಯಗಳಲ್ಲಿರುವ ಸಿಖ್‌ ಧರ್ಮಕ್ಕೆ ಸೇರಿದ ಶಿಕ್ಷಣ ಸಂಸ್ಥೆಗಳಿಗೂ ವಿಶೇಷ ರಜೆ ಘೋಷಣೆ ಮಾಡಲಾಗುತ್ತದೆ. ಈ ಸಮುದಾಯದ ಜನರು, ತಮ್ಮ ಗುರುವಿಗೆ ನೀಡುವ ಗೌರವಾರ್ಥವಾಗಿ ವಿಶೇಷ ಪ್ರಾರ್ಥನೆ ಮತ್ತು ಕಾರ್ಯಕ್ರಮಗಳನ್ನು ಆಯೋಜನೆ ಮಾಡುತ್ತಾರೆ.  

7 /9

ಜನವರಿ 14ರಂದು ಮಕರ ಸಂಕ್ರಾತಿ ಆಚರಣೆ ಮಾಡಲಾಗುತ್ತದೆ. ಇನ್ನೂ ಕೆಲವೆಡೆ ಜನವರಿ 15ರಂದು ಆಚರಿಸಲಾಗುತ್ತದೆ. ಅಂದರೆ ಶಬರಿಮಲೆ ಅಯ್ಯಪ್ಪ ಸನ್ನಿಧಾನದಲ್ಲಿ ಮಕರ ಜ್ಯೋತಿ ಬೆಳಗುವ ಸಮಯವನ್ನು ಆಧರಿಸಿ ಕೆಲವು ಕಡೆಗಳಲ್ಲಿ ಈ ಎರಡು ದಿನಗಳಲ್ಲಿ ಒಂದು ದಿನವನ್ನು ಸಂಕ್ರಾತಿ ಎಂದು ಆಚರಿಸುತ್ತಾರೆ. ಈ ಹಿನ್ನೆಲೆಯಲ್ಲಿ ಕರ್ನಾಟಕದ ಬಹುತೇಕ ಶಾಲಾ ಕಾಲೇಜುಗಳಿಗೆ ಜನವರಿ 14 ಅಥವಾ 15ರಂದು ರಜೆ ಘೋಷಣೆ ಮಾಡಲಾಗುತ್ತದೆ.  

8 /9

ಇದರ ಹೊರತಾಗಿ ಮಕರ ಸಂಕ್ರಾಂತಿಯನ್ನು ಅನೇಕ ರಾಜ್ಯಗಳಲ್ಲಿ ಸಂಭ್ರಮದಿಂದ ಆಚರಿಸಲಾಗುತ್ತದೆ. ಕರ್ನಾಟಕ, ತಮಿಳುನಾಡು, ಆಂಧ್ರಪ್ರದೇಶ, ತೆಲಂಗಾಣದಂತಹ ರಾಜ್ಯಗಳಲ್ಲಿ ಮಕರ ಸಂಕ್ರಾಂತಿ ಎಂದು ಆಚರಿಸಿದರೆ, ಅಸ್ಸಾಂ ರಾಜ್ಯದಲ್ಲಿ ಮಾಘ ಬಿಹು ಎಂದು ಆಚರಿಸಲಾಗುತ್ತದೆ.  

9 /9

ಇದಲ್ಲದೆ, ಪ್ರತಿ ವರ್ಷ, ಜನವರಿ 26 ರಂದು ಭಾರತೀಯ ಸಂವಿಧಾನವನ್ನು ಅಂಗೀಕರಿಸಿದ ದಿನವೆಂದು ಗಣರಾಜ್ಯೋತ್ಸವವನ್ನು ಆಚರಿಸಲಾಗುತ್ತದೆ. ಈ ದಿನದಂದು ಧ್ವಜಾರೋಹಣ ನಡೆಸಿ ಸಮಾರಂಭಗಳನ್ನು ಆಯೋಜಿಸಿ ಸಂಭ್ರಮಿಸಲಾಗುತ್ತದೆ. ಆದರೆ ಈ ಬಾರಿ ಈ ದಿನ ಭಾನುವಾರದಂದೇ ಆಗಮಿಸಿದ್ದು ಎಂದಿನಂತೆ ರಜೆ ಇರಲಿದೆ.