ಪ್ರತಿ ಷೇರಿಗೆ 110 ರೂ. ಡಿವಿಡೆಂಡ್ ಘೋಷಿಸಿದ ಈ ಕಂಪನಿ; ಇದರ ಲಾಭ ಪಡೆಯುವುದು ಹೇಗೆಂದು ತಿಳಿಯಿರಿ!!

Dividend Stock: ಭಾರತೀಯ ಷೇರು ಮಾರುಕಟ್ಟೆಯಲ್ಲಿರುವ ಎಲ್ಲಾ ಕಂಪನಿಗಳು ತಮ್ಮ ತ್ರೈಮಾಸಿಕ ಹಣಕಾಸು ಫಲಿತಾಂಶಗಳನ್ನು ಬಿಡುಗಡೆ ಮಾಡುತ್ತಿವೆ. ಫಂಡಮೆಂಟಲಿ ಸ್ಟ್ರಾಂಗ್‌ ಇರುವ ಅನೇಕ ಕಂಪನಿಗಳು ತಮ್ಮ ಸಾಮರ್ಥ್ಯಕ್ಕೆ ಅನುಗುಣವಾಗಿ ಡಿವಿಡೆಂಡ್ ಅಂದರೆ ಲಾಭಾಂಶವನ್ನು ಸಹ ನೀಡುತ್ತಿವೆ. ದೇಶದ ಪ್ರಮುಖ FMCG ಕಂಪನಿಯೊಂದು ತನ್ನ ಹೂಡಿಕೆದಾರರಿಗೆ ಭಾರೀ ಲಾಭಾಂಶವನ್ನು ಘೋಷಿಸಿದೆ.

ಹೌದು, ಈ ಕಂಪನಿಯು ತನ್ನ ಷೇರುದಾರರಿಗೆ ಪ್ರತಿ ಷೇರಿಗೆ 110 ರೂ.ಗಳ ಲಾಭಾಂಶವನ್ನು ನೀಡಲಿದೆ. ಅಮೆರಿಕದ ಗ್ರಾಹಕ ಸರಕುಗಳ ಕಂಪನಿ ಪ್ರಾಕ್ಟರ್ & ಗ್ಯಾಂಬಲ್ (P & G) ನ ಭಾರತೀಯ ಘಟಕವಾದ ಪ್ರಾಕ್ಟರ್ & ಗ್ಯಾಂಬಲ್ ಹೈಜೀನ್ & ಹೆಲ್ತ್‌ಕೇರ್ ಲಿಮಿಟೆಡ್ ತನ್ನ ಹೂಡಿಕೆದಾರರಿಗೆ ಪ್ರತಿ ಷೇರಿಗೆ 110 ರೂ.ನಷ್ಟು ಲಾಭಾಂಶವನ್ನು ನೀಡಲಿದೆ.

ಇದನ್ನೂ ಓದಿ: ಒಂದರ ಹಿಂದೆ ಒಂದರಂತೆ ರಾಜ್ಯದ ಜನತೆಗೆ ತಟ್ಟುತ್ತಿದೆ ಬೆಲೆ ಏರಿಕೆ ಬಿಸಿ : ಶೀಘ್ರದಲ್ಲಿಯೇ ಆಗಲಿದೆ ನಂದಿನಿ ಹಾಲಿನ ದರ ಏರಿಕೆ

ಡಿವಿಡೆಂಟ್‌ ಪಡೆಯಲು ಕೊನೆಯ ದಿನಾಂಕ

ಫೆಬ್ರವರಿ 11ರಂದು exchange filingನಲ್ಲಿ ಕಂಪನಿಯು ನಿರ್ದೇಶಕರ ಮಂಡಳಿಯು 10 ರೂ. ಮುಖಬೆಲೆಯ ಪ್ರತಿ ಷೇರಿಗೆ 110 ರೂ. ಮಧ್ಯಂತರ ಲಾಭಾಂಶವನ್ನು ಘೋಷಿಸಿದೆ. ಈ ಲಾಭಾಂಶದ ದಾಖಲೆ ದಿನಾಂಕ ಮತ್ತು ಪಾವತಿ ದಿನಾಂಕವನ್ನು P&G ಘೋಷಿಸಿದೆ. ಕಂಪನಿಯು ಫೆಬ್ರವರಿ 20ಅನ್ನು ಲಾಭಾಂಶ ಪಾವತಿಗೆ ದಾಖಲೆಯ ದಿನಾಂಕವಾಗಿ ನಿಗದಿಪಡಿಸಿದೆ. ಕಂಪನಿಯ ಷೇರುಗಳು ಫೆಬ್ರವರಿ 20ರಂದು ಎಕ್ಸ್-ಡಿವಿಡೆಂಡ್‌ನಲ್ಲಿ ವಹಿವಾಟು ನಡೆಸುತ್ತವೆ. ಫೆಬ್ರವರಿ 20ರಂದು ಖರೀದಿಸಿದ ಹೊಸ ಷೇರುಗಳಿಗೆ ಲಾಭಾಂಶದ ಪ್ರಯೋಜನ ಸಿಗುವುದಿಲ್ಲ. ಇದರ ಲಾಭಾಂಶದ ಲಾಭ ಪಡೆಯಲು ನೀವು ಫೆಬ್ರವರಿ 20ರ ಮೊದಲು ಷೇರುಗಳನ್ನು ಖರೀದಿಸಬೇಕಾಗುತ್ತದೆ.

52 ವಾರಗಳ ಕನಿಷ್ಠ ಮಟ್ಟಕ್ಕೆ ತಲುಪಿದ ಷೇರು ಬೆಲೆ

ಮಾರ್ಚ್ 7ರಂದು ಅಥವಾ ಅದಕ್ಕೂ ಮೊದಲು ಲಾಭಾಂಶ ಮೊತ್ತವನ್ನು ಹೂಡಿಕೆದಾರರ ಬ್ಯಾಂಕ್ ಖಾತೆಗಳಿಗೆ ವರ್ಗಾಯಿಸಲಾಗುವುದು ಎಂದು ಪ್ರಾಕ್ಟರ್ & ಗ್ಯಾಂಬಲ್ ಹೈಜೀನ್ & ಹೆಲ್ತ್‌ಕೇರ್ ಲಿಮಿಟೆಡ್ ತಿಳಿಸಿದೆ. ಮಂಗಳವಾರ ಕಂಪನಿಯ ಷೇರು ಬಿಎಸ್‌ಇಯಲ್ಲಿ 175.75 ರೂ. (1.28%) ಏರಿಕೆಯೊಂದಿಗೆ ರೂ 13950ಕ್ಕೆ ವಹಿವಾಟು ಅಂತ್ಯಗೊಳಿಸಿತ್ತು. ಇತ್ತೀಚಿನ ದಿನಗಳಲ್ಲಿ ಕಂಪನಿಯ ಷೇರುಗಳು ಗಮನಾರ್ಹ ಕುಸಿತ ಕಂಡಿವೆ. ಈ ಕಂಪನಿಯ ಷೇರುಗಳ 52 ವಾರಗಳ ಗರಿಷ್ಠ ಮೌಲ್ಯ 17,747.85 ರೂ. ಮತ್ತು 52 ವಾರಗಳ ಕನಿಷ್ಠ ಮೌಲ್ಯ 13,660.00 ರೂ. ಆಗಿದೆ. ಈ ಕಂಪನಿಯ ಪ್ರಸ್ತುತ ಮಾರುಕಟ್ಟೆ ಬಂಡವಾಳೀಕರಣ 44,705.74 ಕೋಟಿ ರೂ. ಇದೆ.

ಇದನ್ನೂ ಓದಿ: ನಗರ ಸ್ಥಳೀಯ ಸಂಸ್ಥೆಗಳಲ್ಲಿ ಇ-ಖಾತಾ ಹಂಚಿಕೆ: ಕರ್ನಾಟಕ ಸರ್ಕಾರದ ಹೊಸ ಆದೇಶ

ಕನ್ನಡ ಭಾಷೆಯಲ್ಲಿ ಇತ್ತೀಚಿನ ಕರ್ನಾಟಕ, ದೇಶ, ವಿದೇಶ, ಮನರಂಜನೆ, ಶಿಕ್ಷಣ, ಉದ್ಯೋಗ, ಆರೋಗ್ಯ, ಜೀವನಶೈಲಿ, ಆಧ್ಯಾತ್ಮ,  ಕ್ರೀಡೆ, ಕ್ರೈಂ, ವೈರಲ್, ವ್ಯಾಪಾರ, ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಈಗಲೇ ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು 
Twitter Link - https://bit.ly/3n6d2R8
Facebook Link - https://bit.ly/3Hhqmcj 
Youtube Link - https://www.youtube.com/live/RNn4I7iIaYE?si=3G4W5dh0oCdFnu-T
Instagram Link -  https://bit.ly/3LyfY2l 
Sharechat Link - https://bit.ly/3LCjokI 
Threads Link-  https://www.threads.net/@zeekannadanews 
WhatsApp Channel- bit.ly/46lENGm ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ.