CM Bhagwant Mann: ਸੀਐਮ ਮਾਨ ਨੇ ਸੁਖ ਵਿਲਾਸ ਨੂੰ ਲੈ ਕੇ ਕੀਤੇ ਵੱਡੇ ਖ਼ੁਲਾਸੇ; ਕਿਹਾ-ਨਿੱਜੀ ਫਾਇਦੇ ਲਈ ਖੁਦ ਹੀ ਬਦਲੇ ਨਿਯਮ

CM Bhagwant Mann:  ਮੁੱਖ ਮੰਤਰੀ ਭਗਵੰਤ ਮਾਨ ਨੇ ਕਾਨਫਰੰਸ ਕਰਕੇ ਬਾਦਲ ਪਰਿਵਾਰ ਉਤੇ ਨਿਸ਼ਾਨਾ ਸਾਧਿਆ। ਇਸ ਦੌਰਾਨ ਉਨ੍ਹਾਂ ਨੇ ਮੋਹਾਲੀ ਜ਼ਿਲ੍ਹੇ ਦੇ ਪਿੰਡ ਪੱਲਣਪੁਰ ਵਿੱਚ ਸਥਿਤ ਸੁਖ ਵਿਲਾਸ ਨੂੰ ਲੈ ਕੇ ਵੱਡੇ ਖ਼ੁਲਾਸੇ ਕੀਤੇ। ਉਨ੍ਹਾਂ ਨੇ ਦੱਸਿਆ ਕਿ ਇਹ ਜੰਗਲਾਤ ਵਿਭਾਗ ਦੀ ਜ਼ਮੀਨ ਹੈ, ਜਿਸ ਉਪਰ ਕੋਈ ਵੀ ਕਮਰਸ਼ੀਅਲ ਇਮਾਰਤ ਨਹੀਂ ਉਸਾਰੀ ਜਾ ਸਕਦੀ।

ਇਹ ਵੀ ਪੜ੍ਹੋ : Kisan Andolan Live: ਕਿਸਾਨ ਅੰਦੋਲਨ-17ਵਾਂ ਦਿਨ: ਦਿੱਲੀ ਵੱਲ ਮਾਰਚ ਨੂੰ ਲੈ ਕੇ ਸ਼ੰਭੂ ਬਾਰਡਰ 'ਤੇ ਕਿਸਾਨ ਕਰਨਗੇ ਤਿਆਰੀ

ਜਦਕਿ ਬਾਦਲ ਪਰਿਵਾਰ ਨੇ ਨਿਯਮਾਂ ਨੂੰ ਅਣਡਿੱਠਾ ਕਰਕੇ ਇਥੇ ਆਪਣੀ ਨਿੱਜੀ ਫਾਇਦੇ ਲਈ ਇਮਾਰਤ ਪਾਸ ਕਰਵਾ ਲਈ। ਉਨ੍ਹਾਂ ਨੇ ਪਿਛਲੀਆਂ ਸਰਕਾਰਾਂ ਉਤੇ ਦੋਸ਼ ਲਗਾਏ। ਉਨ੍ਹਾਂ ਨੇ ਕਿਹਾ ਕਿ ਪੰਜਾਬ ਬਚਾਓ ਯਾਤਰਾ ਕੱਢਣ ਵਾਲਿਆਂ ਨੇ ਹੀ ਪੰਜਾਬ ਨੂੰ ਚੂਨਾ ਲਗਾਇਆ ਹੈ।

ਮੁੱਖ ਮੰਤਰੀ ਭਗਵੰਤ ਮਾਨ ਨੇ ਇਸ ਪ੍ਰੈੱਸ ਕਾਨਫਰੰਸ 'ਚ ਬਾਦਲ ਪਰਿਵਾਰ ਅਤੇ ਉਨ੍ਹਾਂ ਵੱਲੋਂ ਕੱਢੀ ਜਾ ਰਹੀ ਪੰਜਾਬ ਬਚਾਓ ਯਾਤਰਾ 'ਤੇ ਹਮਲਾ ਬੋਲਿਆ।

ਸੀਐਮ ਭਗਵੰਤ ਮਾਨ ਨੇ ਕਿਹਾ ਕਿ ਬਾਦਲ ਪਰਿਵਾਰ ਨੇ ਅਜਿਹੇ ਕੰਮ ਕੀਤੇ ਹਨ, ਜਿਸ ਵਿੱਚ ਆਪਣੇ ਫਾਇਦੇ ਲਈ ਨਿਯਮ ਬਦਲੇ ਗਏ ਸਨ। CM ਭਗਵੰਤ ਮਾਨ ਨੇ ਕਿਹਾ- ਬਾਦਲ ਪਰਿਵਾਰ ਨੇ 1985-86 'ਚ ਪਿੰਡ ਪੱਲਣਪੁਰ 'ਚ 85 ਕਨਾਲ ਜ਼ਮੀਨ ਖਰੀਦੀ ਸੀ।

ਇਸ ਖੇਤਰ ਵਿੱਚ ਉਸਾਰੀ ਨਹੀਂ ਹੋ ਸਕਦੀ, ਇਹ ਜੰਗਲੀ ਖੇਤਰ ਹੈ। 2009 ਵਿੱਚ ਬਾਦਲ ਸਰਕਾਰ ਨੇ ਈਕੋ-ਟੂਰਿਜ਼ਮ ਪਾਲਿਸੀ ਲੈ ਕੇ ਆਈ ਅਤੇ ਇਸ ਦੇ ਤਹਿਤ ਇੱਕ ਸੋਧ ਕੀਤੀ ਕਿ ਇੱਥੇ ਇੱਕ ਹੋਟਲ ਬਣਾਇਆ ਜਾ ਸਕਦਾ ਹੈ। ਲਾਭਾਂ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਇੱਥੇ ਕੁਝ ਹੋਰ ਸੋਧਾਂ ਕੀਤੀਆਂ ਗਈਆਂ ਸਨ। ਪਹਿਲਾਂ ਬਾਦਲ ਪਰਿਵਾਰ ਦਾ ਇੱਥੇ ਪੋਲਟਰੀ ਫਾਰਮ ਸੀ, ਫਿਰ ਉਨ੍ਹਾਂ ਨੇ ਇੱਥੇ ਹੋਟਲ ਬਣਾਉਣ ਲਈ ਸੀ.ਐਲ.ਯੂ. ਕਰਵਾਈ ਗਈ, ਉਹ ਖੁਦ ਸਰਕਾਰ ਵਿੱਚ ਸੀ, ਕਿਸ ਨੇ ਨਾਂਹ ਕਰਨੀ ਸੀ?

ਪੰਜਾਬ ਲੈਂਡ ਪ੍ਰੀਜ਼ਰਵੇਸ਼ਨ ਐਕਟ 1900 ਤਹਿਤ ਇੱਥੇ ਕੋਈ ਉਸਾਰੀ ਨਹੀਂ ਕੀਤੀ ਜਾ ਸਕਦੀ ਪਰ ਬਾਦਲ ਪਰਿਵਾਰ ਨੇ ਆਪਣੀ ਹੀ ਸਰਕਾਰ ਤੋਂ 2 ਮਾਰਚ 2009 ਨੂੰ 7.27 ਹੈਕਟੇਅਰ (ਕਰੀਬ 20 ਏਕੜ) ਜ਼ਮੀਨ ਦੀ ਮਨਜ਼ੂਰੀ ਲੈ ਲਈ।

ਪੰਜਾਬ ਹੈਰੀਟੇਜ ਅਪਰੂਵਲ ਬੋਰਡ ਨੇ ਇਸ ਈਕੋ ਟੂਰਿਜ਼ਮ ਰਿਜ਼ੋਰਟ ਲਈ 16 ਦਸੰਬਰ 2010 ਨੂੰ ਪ੍ਰਵਾਨਗੀ ਦਿੱਤੀ ਸੀ। ਤਾਜ ਟਰੈਵਲ ਪ੍ਰਾਈਵੇਟ ਲਿਮਟਿਡ ਨੂੰ 9 ਮਾਰਚ 2012 ਨੂੰ 23 ਕਨਾਲ 16 ਮਰਲੇ ਪੱਲਣਪੁਰ ਖੇਤਰ ਲਈ ਪ੍ਰਵਾਨਗੀ ਦਿੱਤੀ ਗਈ ਸੀ। ਇਹ ਦੋਵੇਂ ਕੰਪਨੀਆਂ ਬਾਦਲ ਪਰਿਵਾਰ ਦੀਆਂ ਹਨ। ਮੈਟਰੋ ਈਕੋ ਗ੍ਰੀਨ ਰਿਜ਼ੋਰਟ ਨੇ 5 ਜੁਲਾਈ 2013 ਤੋਂ ਤਾਜ ਟਰੈਵਲ ਤੋਂ ਆਪਣੀ ਜਗ੍ਹਾ ਖਰੀਦੀ ਹੈ।

ਇਸ ਤੋਂ ਬਾਅਦ ਪਾਕੇਟ ਏ ਵਿੱਚ 86.16 ਕਨਾਲ, ਪਾਕੇਟ ਬੀ ਵਿੱਚ 55.16 ਕਨਾਲ ਅਤੇ ਪਾਕੇਟ ਸੀ ਵਿੱਚ 23.16 ਕਨਾਲ ਜ਼ਮੀਨ ਇਕੱਠੀ ਹੋ ਗਈ। ਬਾਦਲ ਪਰਿਵਾਰ ਕੋਲ ਮੈਟਰੋ ਈਕੋ ਗ੍ਰੀਨ ਰਿਜ਼ੋਰਟ ਦੇ ਸਭ ਤੋਂ ਵੱਧ ਸ਼ੇਅਰ ਹਨ। ਸੁਖਬੀਰ ਬਾਦਲ ਕੋਲ 100 ਰੁਪਏ ਪ੍ਰਤੀ ਸ਼ੇਅਰ ਦੇ 1.83 ਲੱਖ ਸ਼ੇਅਰ, ਹਰਸਿਮਰਤ ਕੌਰ ਬਾਦਲ ਕੋਲ 81,500 ਅਤੇ ਡੱਬਵਾਲੀ ਕੋਲ 5350 ਸ਼ੇਅਰ ਹਨ। ਇਸ ਨੂੰ ਬਣਾਉਣ ਦਾ ਕੰਮ 27 ਮਈ 2013 ਨੂੰ ਸ਼ੁਰੂ ਹੋਇਆ। ਵਪਾਰਕ ਗਤੀਵਿਧੀ 1 ਅਪ੍ਰੈਲ 2016 ਤੋਂ ਸ਼ੁਰੂ ਹੋਈ ਸੀ। ਓਬਰਾਏ ਸੁਖਵਿਲਾਸ ਦੇ ਨਾਂ 'ਤੇ ਰਿਜ਼ੋਰਟ ਚੱਲ ਰਿਹਾ ਹੈ।

ਇਹ ਵੀ ਪੜ੍ਹੋ : Kisan Andolan News: ਸ਼ੁਭਕਰਨ ਦੇ ਪਿੰਡ 'ਚ ਲੱਗਾ ਧਰਨਾ ਹੋਇਆ ਸਮਾਪਤ; ਜਾਣੋ ਕਿਹੜੀ ਮੰਗ ਪੂਰੀ ਹੋਣ ਪਿਛੋਂ ਚੁੱਕਿਆ ਧਰਨਾ