Chandigarh Club Election: ਸੁਨੀਲ ਖੰਨਾ ਬਣੇ ਚੰਡੀਗੜ੍ਹ ਕਲੱਬ ਦੇ ਪ੍ਰਧਾਨ; ਖੰਨਾ ਨੇ 1580 ਵੋਟਾਂ ਹਾਸਲ ਕੀਤੀਆਂ

Chandigarh Club Election: ਚੰਡੀਗੜ੍ਹ ਕਲੱਬ ਦੀ ਚੋਣ ਲਈ 16 ਨਵੰਬਰ ਨੂੰ ਚੋਣ ਪ੍ਰਕਿਰਿਆ ਹੋਣ ਮਗਰੋਂ ਅੱਜ ਵੋਟਾਂ ਦੀ ਗਿਣਤੀ ਨੇਪਰੇ ਚੜ੍ਹ ਗਈ ਹੈ। ਕਲੱਬ ਪ੍ਰਧਾਨ ਦੇ ਅਹੁਦੇ ਲਈ ਤਿੰਨ ਉਮੀਦਵਾਰ ਆਹਮੋ-ਸਾਹਮਣੇ ਸਨ। ਇਸ ਵਾਰ ਪ੍ਰਧਾਨ ਦੇ ਅਹੁਦੇ ਲਈ ਸੁਨੀਲ ਖੰਨਾ, ਰਣਮੀਤ ਸਿੰਘ ਚਾਹਲ ਅਤੇ ਨਰੇਸ਼ ਚੌਧਰੀ ਮੈਦਾਨ ਵਿੱਚ ਸਨ। ਸੁਨੀਲ ਖੰਨਾ ਨੂੰ 1580 ਵੋਟਾਂ ਹਾਸਲ ਹੋਈਆਂ ਹਨ ਜਦਕਿ ਨਰੇਸ਼ ਚੌਧਰੀ ਨੂੰ 1452 ਵੋਟਾਂ ਪਈਆਂ। ਇਸ ਤਰ੍ਹਾਂ ਚੰਡੀਗੜ੍ਹ ਕਲੱਬ ਦੇ ਪ੍ਰਧਾਨ ਦੀ ਵਾਗਡੋਰ ਸੁਨੀਲ ਖੰਨਾ ਦੇ ਹੱਥ ਵਿੱਚ ਆ ਗਈ ਹੈ। ਇਸ ਤੋਂ ਇਲਾਵਾ ਅਨੁਰਾਗ ਅਗਰਵਾਲ ਉਪ ਪ੍ਰਧਾਨ ਬਣ ਗਏ ਹਨ।
ਕਾਬਿਲੇਗੌਰ ਹੈ ਕਿ ਇਹ ਚੋਣ ਅੱਠ ਸਾਲਾਂ ਬਾਅਦ ਹੋਈਆਂ ਹਨ। ਇਸ ਦੌਰਾਨ ਕੁੱਲ 7,441 ਵਿੱਚੋਂ 3,292 ਵੋਟਾਂ ਪਈਆਂ। ਇਨ੍ਹਾਂ ਵਿੱਚ 164 ਔਰਤਾਂ, 1157 ਸੀਨੀਅਰ ਸਿਟੀਜ਼ਨ ਅਤੇ ਲਗਪਗ 1,971 ਜਨਰਲ ਵਰਗ ਦੇ ਮੈਂਬਰ ਸ਼ਾਮਲ ਸਨ।