Aajira Panipaga: ଏହି ସବୁ ସ୍ଥାନରେ ପ୍ରବଳ ବର୍ଷା ସମ୍ଭାବନା, ଆଲର୍ଟ ଜାରି କଲା ପାଣିପାଗ ବିଭାଗ...

Aajira Panipaga: ଦିଲ୍ଲୀ-ଏନସିଆରରେ ପାଣିପାଗରେ ପରିବର୍ତ୍ତନ ଦେଖିବାକୁ ମିଳିଛି। ଆଗାମୀ ଦିନରେ ପାଗ କିପରି ରହିବ ଏ ନେଇ ଭାରତୀୟ ପାଣିପାଗ ବିଭାଗ (IMD) ପୂର୍ବାନୁମାନ ଜାରି କରିଛି। ରାଜଧାନୀ ଦିଲ୍ଲୀରେ ଦିନ ସମୟରେ ଖରା ରହିବା ନେଇ ପୂର୍ବାନୁମାନ ଜାରି କରାଯାଇଛି। ପ୍ରବଳ ଥଣ୍ଡାରୁ ଏବେ ଲୋକଙ୍କୁ କିଛି ମାତ୍ରାରେ ଆଶ୍ୱସ୍ତି ମିଳିଛି। ଗତ ଦୁଇ ଦିନ ହେଲା ଦିଲ୍ଲୀ-ଏନସିଆରର ପାଣିପାଗରେ ପରିବର୍ତ୍ତନ ଆସିଛି। ସକାଳ ଓ ସନ୍ଧ୍ୟାରେ ଥଣ୍ଡା ଏବଂ କୁହୁଡି ଯୋଗୁଁ ଲୋକମାନେ ସମସ୍ୟାର ସମ୍ମୁଖୀନ ହେଉଥିଲେ ମଧ୍ୟ ଦିନରେ ବର୍ଦ୍ଧିତ ତାପମାତ୍ରା ହେତୁ ଶୀତ ଦାଉରୁ ସାମାନ୍ୟ ରକ୍ଷା ମିଳିଛି। 

ଜାନୁଆରୀ ୨୧ରେ ଦିଲ୍ଲୀ-ଏନସିଆରରେ ଖରା ହେବା ନେଇ ପୂର୍ବାନୁମାନ କରିଛି IMD। ପାଣିପାଗ ବିଭାଗ ଅନୁଯାୟୀ ସର୍ବାଧିକ ତାପମାତ୍ରା ୨୬ ଡିଗ୍ରୀ ସେଲସିୟସ ପର୍ଯ୍ୟନ୍ତ ରହିପାରେ। ସେପଟେ କାଶ୍ମୀର ଏବଂ ତା’ର ପାହାଡ଼ିଆ ଅଞ୍ଚଳରେ ତୁଷାରପାତ ହେବାର ମଧ୍ୟ ସମ୍ଭାବନା ରହିଛି। ଦୁଇ ଦିନ ଧରି ୟୁପି ଏବଂ ବିହାରର କେତେକ ସ୍ଥାନରେ ବର୍ଷା ହେବ ବୋଲି ବିଭାଗ ପୂର୍ବାନୁମାନ କରିଛି। ଏଭଳି ପରିସ୍ଥିତିରେ ଉଭୟ ରାଜ୍ୟରେ ଶୀତ ପୁଣି ଥରେ ଫେରିପାରେ।

ସୋମବାର ଦିନ ଦିଲ୍ଲୀରେ ରେକର୍ଡ ହୋଇଥିବା ସର୍ବନିମ୍ନ ତାପମାତ୍ରା ୧୧.୪ ଡିଗ୍ରୀ ସେଲସିୟସ ଥିଲା ଯାହା ସ୍ୱାଭାବିକଠାରୁ ପ୍ରାୟ ୩.୮ ଡିଗ୍ରୀ ସେଲସିୟସ ଅଧିକ ଅଟେ। ସୋମବାର ଦିଲ୍ଲୀର କିଛି ଅଞ୍ଚଳରେ କୁହୁଡ଼ି ମଧ୍ୟ ଦେଖିବାକୁ ମିଳିଥିଲା। ଆଇଏମଡି ଅନୁଯାୟୀ ମଙ୍ଗଳବାର ଦିନ ରାଜଧାନୀରେ ପାଗ ସ୍ପଷ୍ଟ ରହିବ। ସକାଳ ଏବଂ ସନ୍ଧ୍ୟାରେ ଥଣ୍ଡା ସହିତ ହାଲୁକା କୁହୁଡ଼ି ହେବାର ସମ୍ଭାବନା ରହିଛି। ଦିଲ୍ଲୀର ସର୍ବନିମ୍ନ ତାପମାତ୍ରା ୧୦-୧୨ ଏବଂ ସର୍ବାଧିକ ତାପମାତ୍ରା ୨୩-୨୬ ଡିଗ୍ରୀ ସେଲସିୟସ ହୋଇପାରେ। ୨୨ ଏବଂ ୨୩ ଜାନୁଆରୀରେ ବର୍ଷା ଓ ବଜ୍ରପାତ ହେବାର ସମ୍ଭାବନା ବିଭାଗ ପ୍ରକାଶ କରିଛି। ଏହା ପରେ, ଲଗାତାର କିଛି ଦିନ ସକାଳ ଏବଂ ସନ୍ଧ୍ୟାରେ କୁହୁଡି ରହିବା ନେଇ ସୁଚନା ଦେଇଛି ପାଣିପାଗ ବିଭାଗ।

କାଶ୍ମୀରରେ ୩ ଦିନ ପର୍ଯ୍ୟନ୍ତ ତୁଷାରପାତ: ବିଭାଗର ସୂଚନାନୁସାରେ, ଗତ କିଛି ଦିନ ହେବ କାଶ୍ମୀରର ଅନେକ ଅଞ୍ଚଳରେ ଥଣ୍ଡା ଲହରୀ ଜାରି ରହିଛି। ସୋମବାର ଅନେକ ଅଞ୍ଚଳରେ ତାପମାତ୍ରା ଶୂନରୁ ତଳକୁ ଖସି ଆସିଛି। ବିଭାଗର ସୂଚନାନୁସାରେ, ରବିବାର ରାତିରେ ଶ୍ରୀନଗରର ତାପମାତ୍ରା ଶୂନରୁ କମ୍ ରହିଥିଲା। ଅନେକ ସ୍ତାନରେ ତାପମାତ୍ରା ୩.୨ ଡିଗ୍ରୀ ପର୍ଯ୍ୟନ୍ତ ଥିବା ରେକର୍ଡ କରାଯାଇଥିଲା। ଶନିବାର ରାତିରେ ତାପମାତ୍ରା ୦.୯ ଡିଗ୍ରୀ ଥିଲା। ଆସନ୍ତା ତିନି ଦିନ ପାଇଁ କାଶ୍ମୀରରେ ତୁଷାରପାତ ଦେଖାଯିବା ନେଇ ପାଣିପାଗ ବିଭାଗ ତରଫରୁ ସୂଚନା ଦିଆଯାଇଛି। ବିଭାଗର ସୂଚନାନୁସାରେ, ପାହାଡ ଅଞ୍ଚଳ 'ଚିଲା-ଇ-କାଲାନ'ର ଅଧୀନରେ ରହିଛି, ଏହି ସମୟ ମଧ୍ୟରେ ଥଣ୍ଡା ଶିଖରରେ ପହଞ୍ଚିଛି।

ମଙ୍ଗଳବାର ମଧ୍ୟ ରାଜସ୍ଥାନର ଅନେକ ଅଞ୍ଚଳରେ କୁହୁଡ଼ି ହେବାର ଆଶଙ୍କା ରହିଛି। ଏଥି ସହିତ ପାଲି, ଗଙ୍ଗାନଗର ଏବଂ ଜୈସଲମେର ଜିଲ୍ଲାରେ ତାପମାତ୍ରା କ୍ରମାଗତ ଭାବରେ ୯ ଡିଗ୍ରୀ ତଳେ ରେକର୍ଡ କରାଯାଇଛି। ବିଭାଗର ସୂଚନାନୁସାରେ, ନୂତନ ବିଶୃଙ୍ଖଳା ହେତୁ ଜାନୁଆରୀ ୨୨ରେ ବିକାନେର, ଜୟପୁର ଏବଂ ଭରତପୁର ଅଞ୍ଚଳରେ ବର୍ଷା ହୋଇପାରେ। 

ପଞ୍ଜାବ-ହରିୟାଣାରେ ଥଣ୍ଡା ଜାରି ରହିବ। ସକାଳ ଓ ସନ୍ଧ୍ୟାରେ କୁହୁଡି ହେବ। ପଞ୍ଜାବରେ ଅମୃତସର ସବୁଠାରୁ ଥଣ୍ଡା ହୋଇଛି, ସେଠାରେ ତାପମାତ୍ରା ୪.୮ ଡିଗ୍ରୀ ସେଲସିୟସରେ ରେକର୍ଡ କରାଯାଇଛି। ହରିୟାଣାର ଅମ୍ବାଲାର ସର୍ବନିମ୍ନ ତାପମାତ୍ରା ୧୦.୪ ଡିଗ୍ରୀରେ ରେକର୍ଡ କରାଯାଇଛି। ଚଣ୍ଡିଗଡ଼ର ସର୍ବନିମ୍ନ ତାପମାତ୍ରା ୮.୯ ଡିଗ୍ରୀ ରେକର୍ଡ କରାଯାଇଛି, ଯାହା ସ୍ୱାଭାବିକଠାରୁ ୧ ଡିଗ୍ରୀ ଅଧିକ।