Stock Market Updates: ଷ୍ଟକ୍ ମାର୍କେଟରେ ଏକଜିଟ୍ ପୋଲର ପ୍ରଭାବ କ’ଣ ହେବ? ଏହି ବିଷୟ ଉପରେ ଧ୍ୟାନ ଦେବା ଉଚିଚ୍ ନିବେଶକ

Exit Polls 2024: ଲୋକସଭା ନିର୍ବାଚନ ପାଇଁ ପ୍ରଥମ ପର୍ଯ୍ୟାୟ ମତଦାନ ୧୯ ଏପ୍ରିଲରେ ହୋଇଥିଲା। ସେବେଠାରୁ ଷ୍ଟକ୍ ମାର୍କେଟରେ ପ୍ରଭାବ ଦେଖାଦେଇଛି। ନିର୍ବାଚନ ଅନିଶ୍ଚିତତା, ବିଶେଷକରି ପ୍ରାରମ୍ଭିକ ପର୍ଯ୍ୟାୟରେ କମ୍ ଭୋଟିଂ ପରେ ବିଦେଶୀ ନିବେଶକମାନେ ମଧ୍ୟ ବହୁ ପରିମାଣରେ ଟଙ୍କା ଉଠାଇ ନେଇଥିଲେ। ତେବେ ଏକଜିଟ୍ ପୋଲ୍ ବର୍ତ୍ତମାନ ଶାସକ ବିଜେପି ନେତୃତ୍ୱାଧୀନ ଏନଡିଏର ଦୃଢ଼ ପ୍ରତ୍ୟାବର୍ତ୍ତନକୁ ସୂଚାଉଛି। ଏକଜିଟ୍ ସର୍ଭେରୁ ଜଣାପଡିଛି ଯେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କ୍ରମାଗତ ତୃତୀୟ ଥର କ୍ଷମତାକୁ ଫେରିବେ। ବିଶେଷଜ୍ଞଙ୍କ ଠାରୁ ଆସନ୍ତୁ ଜାଣିବା ଷ୍ଟକ୍ ମାର୍କେଟର ଗତିବିଧି ଉପରେ ଏକଜିଟ୍ ପୋଲ୍ କ’ଣ ପ୍ରଭାବ ପକାଇବ ଓ ଏହା ନିବେଶକଙ୍କ ମନୋଭାବ ଉପରେ କିପରି ପ୍ରଭାବ ପକାଇବ। ଆହୁରି ମଧ୍ୟ, କେଉଁ କାରଣଗୁଡିକ ଆସନ୍ତା ସପ୍ତାହରେ ମାର୍କେଟରେ ପରିବର୍ତ୍ତନ ଆଣିବ।

ସେୟାର ମାର୍କେଟର ଗତି ବୃଦ୍ଧି ପାଇବ କି?
ଜିଓଜିଟ୍ ଆର୍ଥିକ ସେବାଗୁଡିକର ମୁଖ୍ୟ ନିବେଶ ରଣନୀତିଜ୍ଞ ଭି.କେ ବିଜୟକୁମାର ବିଶ୍ୱାସ କରନ୍ତି ଯେ ଏକଜିଟ୍ ପୋଲ୍ ଫଳାଫଳ ଯୋଗୁଁ ସୋମବାର ଷ୍ଟକ୍ ମାର୍କେଟରେ ବୃଦ୍ଧି ଘଟିପାରେ। ବିଜୟକୁମାର କହିଛନ୍ତି, 'ଏକଜିଟ୍ ସର୍ଭେ ଫଳାଫଳରୁ ଜଣାପଡିଛି ଯେ ଶାସକ ଏନଡିଏ ପ୍ରାୟ ୩୬୦ଟି ସିଟ୍ ନେଇ କ୍ଷମତାକୁ ଫେରୁଛି। ଏହି କାରଣରୁ, ମେ ମାସରେ ବଜାରରେ ତଥାକଥିତ ନିର୍ବାଚନ ଚାପ ସମ୍ପୂର୍ଣ୍ଣ ସମାପ୍ତ ହୋଇଛି। ବୁଲ୍ସ ମାନଙ୍କ ପାଇଁ ଏହା ଏକ ବଡ ସକରାତ୍ମକ ସଙ୍କେତ ଓ ସେମାନେ ସୋମବାର ଦିନ ମାର୍କେଟ ଏକ ବଡ ବୃଦ୍ଧି ଆଣିଦେବ।

କେଉଁ ସେକ୍ଟର ଗୁଡିକ ଉପରେ ରଖିବେ ନଜର?
ଇନ୍ଫ୍ରାଷ୍ଟ୍ରକ୍ଚର ଓ ପ୍ରଡ଼କ୍ଟ ଉପରେ ବର୍ତ୍ତମାନର ସରକାରଙ୍କର ବିଶେଷ ଧ୍ୟାନ ରହିଛି। ବିଜୟକୁମାର କହିଛନ୍ତି ଯେ ଫିନାନସିଆଲ୍, କ୍ୟାପିଟାଲ୍ସ ଗୁଡ୍, ଅଟୋମୋବାଇଲ ଓ ଟେଲିକମ୍ ସେକ୍ଟରରେ ସୋମବାର ଦିନ ଷ୍ଟକ୍ ମାର୍କେଟରେ ବୃଦ୍ଧି ଘଟାଇପାରେ। ଏଥି ସହିତ ଶୁକ୍ରବାର ଦିନ ବଜାର ବନ୍ଦ ହେବା ପରେ ଜିଡିପି ଆକଳନ ମଧ୍ୟ ଆସିଛି, ଯାହା ବିଶେଷଜ୍ଞଙ୍କ ଆକଳନଠାରୁ ବହୁତ ଭଲ ଥିଲା। ଏଭଳି ପରିସ୍ଥିତିରେ ଟେକ୍ନିକାଲ୍ ଓ ଫଣ୍ଡାମେଣ୍ଟାଲ ଉଭୟ ପକ୍ରିୟାରେ ଷ୍ଟକ୍ ଏକ ଗତି ହ୍ରାସ କରିବା ଜଣାପଡିଛି।

ଜିଡିପି ଡାଟା ଓ ଏକଜିଟ୍ ପୋଲ୍ ଉପରେ ପରବର୍ତ୍ତୀ ଗୁରୁତ୍ୱପୂର୍ଣ୍ଣ ଡେଭଲପମେଣ୍ଟ ୪ ଜୁନରେ (ମଙ୍ଗଳବାର) ହେବ, ଯେତେବେଳେ ଲୋକସଭା ନିର୍ବାଚନ ଫଳାଫଳ ଆନୁଷ୍ଠାନିକ ଭାବେ ଘୋଷଣା ହେବ। ଏହି ସରକାର ସମ୍ବନ୍ଧୀୟ ସମସ୍ତ ଅନିଶ୍ଚିତତା ଦୂର ହେବ ଓ ଷ୍ଟକ୍ ମାର୍କେଟ୍ ସେହି ଅନୁସାରେ ପ୍ରତିକ୍ରିୟା କରିପାରିବ। ଏହା ପରେ ରିଜର୍ଭ ବ୍ୟାଙ୍କ (ଆରବିଆଇ) ଏହାର ମୁଦ୍ରା ନୀତି ଜୁନ୍ ୭ ରେ ଘୋଷଣା କରିବ। ଏଥିରେ ଆମେ ଜାଣିବା ରେଟ୍ କଟାଯିବ କି ନାହିଁ। ନିବେଶକମାନେ ଏହା ଉପରେ ନଜର ରଖିବା ଉଚିତ୍।