ଆପଣ ଜାଣନ୍ତି କି କୌଣସି ବ୍ୟକ୍ତିଙ୍କ ମୃତ୍ୟୁ ପରେ PAN-Voter ID-Aadhaar Card ସହିତ କ'ଣ କରିବା ଉଚିତ୍? ନ ଜାଣିଲେ ଆଜି ହିଁ ଜାଣି ନିଅନ୍ତୁ...

Death Person PAN-Aadhaar Card: ପାନ୍ କାର୍ଡ (PAN Card), ଭୋଟର ଆଇଡି କାର୍ଡ (Voter Id), ଆଧାର କାର୍ଡ (Aadhaar Card) ଏବଂ ପାସପୋର୍ଟ (Passport) ପ୍ରତ୍ୟେକ ଭାରତୀୟ ନାଗରିକଙ୍କ ପାଇଁ ଜରୁରୀ ଦସ୍ତାବିଜ ଅଟେ । ଏଗୁଡ଼ିକ କେବଳ ଦସ୍ତାବିଜ ନୁହେଁ, ପରିଚୟ ପତ୍ର ମଧ୍ୟ ହୋଇଥାଏ । ଯେକୌଣସି ଆର୍ଥିକ କାରବାର ଓ ସରକାରୀ ଯୋଜନାର ଲାଭ ପାଇବା ପାଇଁ ଏଗୁଡ଼ିକ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ହୋଇଥାଏ । ଏହି ଡକ୍ୟୁମେଣ୍ଟଗୁଡିକ ସରକାରୀ ପରିଚୟ ଭାବରେ କାର୍ଯ୍ୟ କରେ । କିନ୍ତୁ ଅନେକ ଲୋକଙ୍କ ମନରେ ପ୍ରଶ୍ନ ରହିଛି କି ମୃତ୍ୟୁ ପରେ ଏହି ଡକ୍ୟୁମେଣ୍ଟଗୁଡ଼ିକ ସହିତ କ’ଣ ହୁଏ । କ'ଣ ଏଗୁଡ଼ିକ ସ୍ୱୟଂଚାଳିତ ଭାବରେ ବାତିଲ ହୋଇଯାଏ ନା ପରିବାର ସଦସ୍ୟଙ୍କୁ ଏହାକୁ ବାତିଲ କରିବାକୁ ପଡ଼ିଥାଏ? ଆସନ୍ତୁ ଜାଣିବା ଏହା ବିଷୟରେ....

ଆଧାର କାର୍ଡ (Aadhaar Card)

ଅନେକ ଥର ଠକମାନେ ଆଧାର କାର୍ଡ (Aadhaar Card) ରୁ ଜରୁରୀ ତଥ୍ୟ ଚୋରି କରି ଠକାମି କରନ୍ତି । ଏଭଳି ପରିସ୍ଥିତିରେ ମୃତକଙ୍କ ଆଧାର କାର୍ଡର ଅପବ୍ୟବହାର ନହେବା ଦେଖିବା ମୃତକଙ୍କ ପରିବାରର ଦାୟିତ୍ୱ ଅଟେ । ୟୁନିକ୍ ଆଇଡେଣ୍ଟିଫିକେସନ୍ ଅଥରିଟି ଅଫ୍ ଇଣ୍ଡିଆ (UIDAI) ପାଖରେ ଆଧାର ସମ୍ବନ୍ଧୀୟ ସେବାଗୁଡିକର ତଦାରଖ କରୁଥିବା ଅଧିକାରୀଙ୍କ ମୃତକଙ୍କ ଆଧାର କାର୍ଡ ବାତିଲ କରିବାର କୌଣସି ପ୍ରକ୍ରିୟା ନାହିଁ । କିନ୍ତୁ ଯଦି ମୃତ ବ୍ୟକ୍ତି କୌଣସି ସରକାରୀ ଯୋଜନା ନେଇଛନ୍ତି, ତା’ହେଲେ ଏହା ମଧ୍ୟ ଆଧାର ସହିତ ଲିଂକ ହେବ । ଏଭଳି ପରିସ୍ଥିତିରେ ପରିବାର ସଦସ୍ୟଙ୍କୁ ସମ୍ପୃକ୍ତ ବିଭାଗକୁ ଏହି ସୂଚନା ଦେବାକୁ ପଡିବ ।

ପ୍ୟାନ୍ କାର୍ଡ (PAN Card)

ଆୟକର ଦେବା ଓ ଅନେକ ଆର୍ଥିକ ସୁବିଧା ପାଇବା ପାଇଁ ପାନ୍ କାର୍ଡ (PAN Card) ରହିବା ବାଧ୍ୟତାମୂଳକ । ଏହା ଆପଣଙ୍କର ଖାତା ସହିତ ଲିଙ୍କ୍ ହୋଇଛି । ତେଣୁ ଜଣେ ବ୍ୟକ୍ତିଙ୍କ ମୃତ୍ୟୁ ପରେ ତାଙ୍କ ପରିବାର ଆୟକର ବିଭାଗ ସହିତ ଯୋଗାଯୋଗ କରିବା ଉଚିତ ଓ ପାନ କାର୍ଡ ସରେଣ୍ଡର କରିବା ଉଚିତ । କିନ୍ତୁ ସରେଣ୍ଡର କରିବା ପୂର୍ବରୁ ନିଶ୍ଚିତ କରନ୍ତୁ ଯେ ମୃତକଙ୍କ ସମସ୍ତ ଆକାଉଣ୍ଟ ବନ୍ଦ ଅଛି ।

ଅଧିକ ପଢ଼ନ୍ତୁ:-ଅନୁଷ୍କା ଓ ବିରାଟଙ୍କ ବଡିଗାର୍ଡ ସୋନୁଙ୍କ ଦରମା ଜାଣି ଆପଣଙ୍କ ଉଡ଼ିଯିବ ହୋସ୍, ବଡ଼ ବଡ଼ କମ୍ପୀନୀର CEOଙ୍କୁ ଦିଅନ୍ତି ଟକ୍କର

ଅଧିକ ପଢ଼ନ୍ତୁ:-ବଜେଟ୍ ପୂର୍ବରୁ ବିବାହିତ ଲୋକମାନେ ଏହି ଯୋଜନାରେ କରନ୍ତୁ ଆବେଦନ, ପ୍ରତି ମାସକୁ ମିଳିବ ୮ ହଜାର ଟଙ୍କା

ଅଧିକ ପଢ଼ନ୍ତୁ:-ଭାରତ-ନ୍ୟୁଜିଲ୍ୟାଣ୍ଡ ତୃତୀୟ ଦିନିକିଆ ମ୍ୟାଚର ବଦଳିବ ଭେନ୍ୟୁ? ହାଇକୋର୍ଟ ଶୁଣାଇଲେ ଏହି ବଡ଼ ନିଷ୍ପତ୍ତି

ଭୋଟର ପରିଚୟ ପତ୍ର (Voter ID Card)

ଆପଣଙ୍କୁ ଭୋଟ୍ ଦେବା ପାଇଁ ଆପଣଙ୍କର ଏକ ଭୋଟର ID ଥିବା ଆବଶ୍ୟକ । ଏହା ଆପଣଙ୍କର ନାମକୁ ଭୋଟର ତାଲିକାରେ ଅନ୍ତର୍ଭୁକ୍ତ କରିବାର ପ୍ରମାଣ । ମୃତ୍ୟୁ ପରେ ଏହାକୁ ବାତିଲ କରିହେବ । ଯଦି ଆପଣଙ୍କ ପରିବାରରେ କେହି ମରିଛନ୍ତି, ତେବେ ପରିବାରର ଯେକୌଣସି ବ୍ୟକ୍ତି ନିର୍ବାଚନ କାର୍ଯ୍ୟାଳୟକୁ ଯାଇ ଏହାକୁ ବାତିଲ କରିବାକୁ ଫର୍ମ ନମ୍ବର ୭ ପୂରଣ କରିପାରିବେ । ମନେରଖନ୍ତୁ ଏଥିପାଇଁ ମୃତକଙ୍କ ମୃତ୍ୟୁ ପ୍ରମାଣପତ୍ର ମଧ୍ୟ ଆବଶ୍ୟକ ହେବ ।

ପାସପୋର୍ଟ (Passport)

ଯଦି ଆମେ ପାସପୋର୍ଟ ବିଷୟରେ କଥା ହେଉ, ତେବେ ସରେଣ୍ଡର କିମ୍ବା ମୃତ୍ୟୁ ଉପରେ ପାସପୋର୍ଟ ବାତିଲ କରିବାର କୌଣସି ବ୍ୟବସ୍ଥା ନାହିଁ । ଯେତେବେଳେ ଏକ ପାସପୋର୍ଟର ଅବଧି ସମାପ୍ତ ହୁଏ, ଏହା ଡିଫଲ୍ଟ ଭାବରେ ଅବୈଧ ହୋଇଯାଏ ।