Mahakumbha Stampede: ମହାକୁମ୍ଭରେ ପୁଣି ଦଳାଚକଟା, ୭ ମୃତ ଆଶଙ୍କା

Mahakumbha Stampede: ନୂଆଦିଲ୍ଲୀ: ମହାକୁମ୍ଭରେ ପୁଣି ଅଘଟଣ। ମୌନୀ ଅମାବାସ୍ୟାରେ ହୋଇଥିବା ଅଘଟଣ ମନରୁ ନ ଲିଭୁଣୁ ପୁଣିଥରେ ଆଉ ଏକ ବଡ଼ ଧରଣର ଅଘଟଣ ଘଟିଛି। ମହାକୁମ୍ଭ ଠାରୁ ମାତ୍ର ୩ କିଲୋମିଟର ଦୂରରେ ପୁଣି ଥରେ ଦଳଚକଟା ଘଟଣା ସାମ୍ନାକୁ ଆସିଛି। ଏହି ଘଟଣା କଳ୍ପବାସୀ ପୋଲିସ ଷ୍ଟେସନ ନିକଟରୁ ସାମ୍ନାକୁ ଆସିଛି। ତେବେ ଏହି ଦୁର୍ଘଟଣାରେ ପ୍ରାୟ ୭ ଜଣଙ୍କ ମୃତ୍ୟୁ ହୋଇଥିବା ନେଇ କଳ୍ପବାସ ପୋଲିସ ଷ୍ଟେସନ ନିକଟରୁ ସୂଚନା ରହିଛି। 

ମିଳିଥିବା ସୂଚନା ଅନୁଯାୟୀ ସଙ୍ଗମ ସ୍ଥଳରୁ ମାତ୍ର ୩ କିମି ଦୂରରେ ଥିବା ଝୁସି ଅଞ୍ଚଳରେ ପୁଣିଥରେ ଦଳାଚକଟା ଘଟଣା ସାମ୍ନାକୁ ଆସିଛି। ଶ୍ରଦ୍ଧାଳୁଙ୍କ ମଧ୍ୟରେ ଅତ୍ୟଧିକ ଭିଡ ହୋଇଯିବାରୁ ଏଭଳି ଘଟଣା ଘଟିଥିବା ଦେଖିବାକୁ ମିଳିଛି। ଏହି ଘଟଣାରେ ୭ ଜଣଙ୍କ ମୃତ୍ୟୁ ହୋଇଥିବା ନେଇ ସୂଚନା ରହିଛି। ଏନେଇ ସ୍ଥାନୀୟ କଳ୍ପବାସ ଥାନା ଅଧିକାରୀ ରୁଦ୍ରକୁମାର ସିଂହ ସୂଚନା ପ୍ରଦାନ କରିଛନ୍ତି। 

ସେପଟେ କିନ୍ତୁ ଏହାକୁ ନେଇ ପ୍ରଶାସନ ପକ୍ଷରୁ କୌଣସି ସୂଚନା ଗଣମାଧ୍ୟମକୁ ପ୍ରଦାନ କରାଯାଇନାହିଁ। ଏଠାରେ କହିରଖୁକି ଗତ ବୁଧବାର ମୌନୀ ଅମାବାସ୍ୟା ଅବସରରେ ଏକ ବଡ଼ଧରଣର ଠେଲାପେଲା ହେବାରୁ ପ୍ରାୟ ୩୦ ଜଣଙ୍କ ମୃତ୍ୟୁ ହୋଇଥିଲା। ବୁଧବାର ରାତି ପ୍ରାୟ ୧ଟାରୁ ୨ଟା ମଧ୍ୟରେ ଏହି ବଡ଼ ଧରଣର ଦଳାଚକଟା ଘଟଣା ସାମ୍ନାକୁ ଆସିଥିଲା। 

Also Read: Mahakumbh Stampede News: ଭାଇରାଲ ହେଉଛି ମହାକୁମ୍ଭରେ ହୋଇଥିବା ଦଳାଚକଟା ସମୟରେ କିଛି ଫଟୋ