Top 10 News: ଶ୍ରୀମନ୍ଦିର ଧାଡ଼ି ଦର୍ଶନ ପ୍ରସ୍ତାବ ଉପରେ ଲାଗିଲା ରୋକ, AIIMS ରେ ଭର୍ତ୍ତି ହେଲେ ପୂର୍ବତନ ପିଏମ, ୧୦ ବଡ଼ ଖବର

Top 10 News Headlines 26 December 2024: H1. Dhadi Darshan Trial Run At Srimandir Cancelled: ଶ୍ରୀମନ୍ଦିରର ନାଟ ମଣ୍ଡପରେ ପ୍ଲାଟଫର୍ମ ଓ ଧାଡ଼ି ଦର୍ଶନ ପ୍ରସ୍ତାବରେ ରୋକ୍‍ ଲାଗିଛି। ଅର୍ଥାତ୍‍ ଆସନ୍ତା କାଲିଠାରୁ ହେବାକୁ ଥିବା ପରୀକ୍ଷାମୂଳକ ଧାଡ଼ି ଦର୍ଶନ ଆଉ ହେବ ନାହିଁ। ଚଳିତ ମାସରେ ଭିଡ଼ ବହୁତ ହେବାର ସମ୍ଭାବନା ରହିଛି ଏଣୁ ଏହି ପ୍ରକ୍ରିୟାକୁ ସାମୟିକ ସ୍ଥଗିତ କରାଯାଇଥିବା ଆଇନ ମନ୍ତ୍ରୀ ପୃଥ୍ୱୀରାଜ ହରିଚନ୍ଦନ ସୂଚନା ଦେଇଛନ୍ତି। 

H2. CM Majhi On Student Union Elections: ଆସନ୍ତା ଶିକ୍ଷାବର୍ଷରେ କଲେଜ ଓ ବିଶ୍ୱବିଦ୍ୟାଳୟମାନଙ୍କରେ ଛାତ୍ର ସଂସଦ ନିର୍ବାଚନ ଅନୁଷ୍ଠିତ ହେବ। ଏନେଇ ସ୍ପଷ୍ଟ ସୂଚନା ଦେଇଛନ୍ତି ମୁଖ୍ୟମନ୍ତ୍ରୀ ମୋହନ ଚରଣ ମାଝି। ପୂର୍ବ ସରକାର ଚକ୍ରାନ୍ତ କରି ଛାତ୍ର ସଂସଦ ନିର୍ବାଚନ ବନ୍ଦ କରିଥିଲେ, ମାତ୍ର ଆମ ସରକାର ନିଶ୍ଚିତ ଭାବେ ଛାତ୍ର ସଂସଦ ନିର୍ବାଚନ କରିବ ଏବଂ ଏହା କେବେବି ବନ୍ଦ ହେବନାହିଁ, ଏହା ଆମର ପ୍ରତିଶ୍ରୁତି ବୋଲି କହିଛନ୍ତି ଶ୍ରୀ ମାଝି। 

H3. Naveen Patnaik On BJP: ବିଜୁ ଜନତା ଦଳ (ବିଜେଡି) ମୁଖ୍ୟ ତଥା ଓଡି଼ଶାର ପୂର୍ବତନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କେନ୍ଦ୍ର ଗୃହମନ୍ତ୍ରୀ ଅମିତ ଶାହାଙ୍କ ସମ୍ବିଧାନ ନିର୍ମାତା ବାବା ସାହେବ ଆମ୍ବେଦକରଙ୍କ ବୟାନ ଉପରେ ନିଜର ପ୍ରତିକ୍ରିୟା ଦେଇଛନ୍ତି। ସେ ଅମିତ ଶାହାଙ୍କ ବୟାନକୁ ଦୁର୍ଭାଗ୍ୟଜନକ ବୋଲି କହିଛନ୍ତି। ବିଜେଡିର ୨୮ ତମ ଫାଉଣ୍ଡେସନ ଦିବସ ପାଳନ ଅବସରରେ ପଟ୍ଟନାୟକ କହିଛନ୍ତି ଯେ ତାଙ୍କ ଦଳ ବାଲାଟ ପେପର ମାଧ୍ୟମରେ ନିର୍ବାଚନକୁ ସମର୍ଥନ କରୁଛି। 

H4. BJD Spokesperson Ipsita Sahu Slapped: ଗୁରୁବାର ଦିନ ଶଙ୍ଖ ଭବନରେ ‘ବିଜୁ ଜନତା ଦଳ’ରେ ଏକ ବଡ଼ ଗୋଷ୍ଠୀ କନ୍ଦଳ ଦେଖିବାକୁ ମିଳିଛି। ବିଜେଡି ନେତ୍ରୀଙ୍କ ହାତାହାତିର ଏକ ଖବର ଏବେ ରାଜ୍ୟ ରାଜନୀତିରେ ହଇଚଇ ସୃଷ୍ଟି କରିଛି। ଏହାର ଏକ ଭିଡିଓ ମଧ୍ୟ ଏବେ ସୋସିଆଲ ମିଡିଆରେ ଘୂରି ବୁଲିବାରେ ଲାଗିଛି। ଖବର ଅନୁସାରେ ବିଜେଡିର ପ୍ରତିଷ୍ଠା ଦିବସରେ ବିଜେଡି ମୁଖପାତ୍ର ଇପ୍ସିତା ସାହୁଙ୍କୁ ଚାପୁଡା ମାରିଛନ୍ତି ନିଜ ଦଳର ଅନ୍ୟ ଜଣେ ମହିଳା କର୍ମୀ।

H5. Pradhan mantri Rashtriya Bal Puraskar: ରାଷ୍ଟ୍ରପତି ଦ୍ରୌପଦୀ ମୁର୍ମୁ ଆଜି ରାଷ୍ଟ୍ରିପତି ଭବନରେ ୧୭ ଜଣ ପିଲାଙ୍କୁ ପ୍ରଧାନମନ୍ତ୍ରୀ ଜାତୀୟ ଶିଶୁ ପୁରସ୍କାରରେ ସମ୍ମାନିତ କରିଛନ୍ତି। ସାତଟି ବର୍ଗରେ ସେମାନଙ୍କର ଅତୁଳନୀୟ ଅବଦାନ ପାଇଁ ପିଲାମାନଙ୍କୁ ଏହି ପୁରସ୍କାର ପ୍ରଦାନ କରାଯାଇଛି। ଶିଶୁ ବିଜେତାମାନଙ୍କ ମଧ୍ୟରେ, କଳା ଏବଂ ସଂସ୍କୃତି କ୍ଷେତ୍ରରେ କିଛି ରେକର୍ଡ ସେଟ୍ କରିଥିଲେ ଏବଂ କେତେକ ସେମାନଙ୍କ ସାହସିକତା ସହିତ ଅନେକ ଜୀବନ ରକ୍ଷା କରିଥିଲେ।

H6. Punjab Bandh: MSP ଗ୍ୟାରେଣ୍ଟି ବିରୋଧରେ କ୍ରମାଗତ ଭାବରେ ବିରୋଧ କରୁଥିବା କୃଷକମାନେ କିସାନ ମଜଦୁର ସାଙ୍ଗହର ସମିତିର ପତାକା ତଳେ ପଞ୍ଜାବ ବନ୍ଦ ଘୋଷଣା କରିଛନ୍ତି। କମିଟି ନେତା ଶ୍ରାବଣ ସିଂ ପାଣ୍ଡେର୍ ଗୁରୁବାର ଦିନ କହିଛନ୍ତି ଯେ ଡିସେମ୍ବର ୩୦ ରେ ପଞ୍ଜାବ ବନ୍ଦ ଡାକରା ଦିଆଯାଇଛି। ଏହି ବନ୍ଦରେ ବିଭିନ୍ନ ଲୋକ ଏବଂ ଗୋଷ୍ଠୀରୁ ଆମେ ସମର୍ଥନ ପାଇଛୁ। 

H7. Former prime minister Dr Manmohan Singh admitted to AIIMS: ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂଙ୍କ ସ୍ୱାସ୍ଥ୍ୟ ଅବସ୍ଥା ଗୁରୁତର ରହିଛି। ନିଶ୍ୱାସ ନେବାରେ ଅସୁବିଧା ଯୋଗୁଁ ତାଙ୍କୁ ଦିଲ୍ଲୀର AIIMS ରେ ଭର୍ତ୍ତି କରାଯାଇଥିବା କୁହାଯାଉଛି। ସୂଚନାନୁସାରେ ପରିବାର ୯୨ ବର୍ଷୀୟ ପୂର୍ବତନ ପ୍ରଧାନମନ୍ତ୍ରୀଙ୍କୁ AIIMS ର ଜରୁରୀକାଳୀନ ୱାର୍ଡକୁ ନେଇ ଯାଇଥିଲେ। ଯେଉଁଠାରେ ତାଙ୍କୁ ଯାଞ୍ଚ ପରେ ଭର୍ତ୍ତି କରାଯାଇଥିଲା।

H8. Annamalai's vows to end DMK rule: ତାମିଲନାଡୁ ବିଜେପି ସଭାପତି କେ ଅନ୍ନାମାଲାଇ ଘୋଷଣା କରିଛନ୍ତି ଯେ ସେ ରାଜ୍ୟର ମୁଖ୍ୟମନ୍ତ୍ରୀ ଏମ.କେ ଷ୍ଟାଲିନ ଏବଂ ତାଙ୍କ ଦଳ ଡିଏମକେଙ୍କୁ କ୍ଷମତାରୁ ହଟାଇବା ପର୍ଯ୍ୟନ୍ତ ସେ ଜୋତା ଏବଂ ଚପଲ ପିନ୍ଧିବେ ନାହିଁ। ଗୁରୁବାର ଦିନ କୋଏମ୍ବାଟୁରରେ ଏକ ସାମ୍ବାଦିକ ସମ୍ମିଳନୀରେ ସେ ସମସ୍ତଙ୍କ ସାମ୍ନାରେ ଏହା ଘୋଷଣା କରିଛନ୍ତି। ଏହି ସମୟରେ ସେ ଜୋତା କାଢ଼ି ନିଜ ହାତରେ ନେଇଥିଲେ। 

H9. Jairam Ramesh Announces 'Samvidhan Bachao' Yatra: ମୁଖ୍ୟ ବିରୋଧୀ ଦଳ କଂଗ୍ରେସ ଆସନ୍ତା ବର୍ଷ ଜାନୁୟାରୀ ୨୬ ରୁ ଏକ ବର୍ଷ ଯାଏଁ 'ସମ୍ବିଧାନ ବାଚାଓ ରାଷ୍ଟ୍ରିୟ ପଦ ଯାତ୍ରା' କରିବାକୁ ଯାଉଛି। କର୍ଣ୍ଣାଟକର ବେଲାଗାବୀରେ କଂଗ୍ରେସ କାର୍ଯ୍ୟକାରିଣୀ ବୈଠକ ପରେ ଗଣମାଧ୍ୟମ ସହ କଥାବାର୍ତ୍ତା କରି ଦଳର ସାଧାରଣ ସମ୍ପାଦକ ଜୟରାମ ରମେଶ ଏହି ସୂଚନା ଦେଇଛନ୍ତି।

H10. Virat Kohli Fined 20 Percent Match Fee: ମେଲବୋର୍ଣ୍ଣ ଟେଷ୍ଟର ପ୍ରଥମ ଦିନ ଶେଷ ହେବା ମାତ୍ରେ ଆଇସିସି ଭେଟେରାନ ବ୍ୟାଟ୍ସମ୍ୟାନ୍ ବିରାଟ କୋହଲିଙ୍କ ଉପରେ ଜରିମାନା ଲଗାଇଛି। ବାସ୍ତବରେ ବିରାଟ ଅଷ୍ଟ୍ରେଲୀୟ ଓପନର୍ ସାମ୍ କନଷ୍ଟାସ୍ ଙ୍କୁ ଧକ୍କା ଦେଇଥିଲେ। ଏହି ଘଟଣା ପରେ ଆଇସିସି ବିରାଟଙ୍କ ମ୍ୟାଚ୍ ଫି ର ୨୦ ପ୍ରତିଶତ କାଟିଛି ଏବଂ ତାଙ୍କୁ ଲେବଲ୍-1 ରେ ଦୋଷୀ ସାବ୍ୟସ୍ତ କରାଯାଇଛି।