Top 10 News: ଓସ୍କାର ୨୦୨୫ ରେସରେ ଭାରତୀୟ ଫିଲ୍ମ 'ଅନୁଜା', ବିରୋଧୀ ଦଳଙ୍କୁ ଚେତାବନୀ ଦେଲେ ବାଚସ୍ପତି, ପଢ଼ନ୍ତୁ ଆଜିର ୧୦ ବଡ଼ ଖବର

Top 10 News Headlines 23 January 2025: H1. Odisha witnesses unusual warm weather: ଗୁରୁବାର ଦିନ ଅଧିକାରୀକ ସୂତ୍ରରୁ ଜଣାପଡ଼ିଛି ଯେ ଚଳିତ ବର୍ଷ ଜାନୁଆରୀରେ ଓଡ଼ିଶା ଅସ୍ୱାଭାବିକ ଭାବରେ ଉଚ୍ଚ ତାପମାତ୍ରାର ସମ୍ମୁଖୀନ ହେଉଛି। କୋରାପୁଟ ଜିଲ୍ଲାରେ ସର୍ବପ୍ରଥମେ ତାପମାତ୍ରା ରହିଛି ଯେଉଁଠାରେ ପାରଦ ଆଶ୍ଚର୍ଯ୍ୟଜନକ ଭାବେ ୩୩.୨ ଡିଗ୍ରୀ ସେଲସିୟସରେ ପହଞ୍ଚିଛି।

H2. Bhubaneswar Police Raid: ରାଜଧାନୀରେ ନିଶା କାରବାରକୁ ରୋକିବା ପାଇଁ କମିଶନରେଟ୍‌ ପୋଲିସ ଏକ ସ୍ପେଶାଲ ଡ୍ରାଇଭ୍‌ ଆରମ୍ଭ କରିଛି। ଏହି କ୍ରମରେ ରାଜଧାନୀରେ ଥିବା ଶିକ୍ଷାନୁଷ୍ଠାନ ଆଖପାଖ ଦୋକାନ ଉପରେ ଚଢାଉ ଚାଲିଛି। ପୋଲିସ ଏହି ଚଢ଼ାଉ ସମୟରେ ୪୨କେଜି ଗଞ୍ଜେଇ ଜବତ ସହ ୫ ଜଣଙ୍କୁ ଗିରଫ କରିଛି । ଏହା ସମେତ ଏମାନଙ୍କ ନିକଟରୁ ନଗଦ ୨୦ ହଜାର ଟଙ୍କା ଏବଂ ୩ଟି ବାଇକ ମଧ୍ୟ ଜବତ କରଯାଇଛି।

H3. Odisha Budget Session: ବିଧାନସଭା ଅଧିବେଶନ ପୂର୍ବରୁ ବାଚସ୍ପତି ସୁରମା ପାଢୀଙ୍କ ଏକ ବଡ଼ ବୟାନ ଦେଇଛନ୍ତି। ବାଚସ୍ପତିଙ୍କ ଗଣମାଧ୍ୟମ ଆଗରେ ସେ ପ୍ରକାଶ କରିଛନ୍ତି ଯେ ଗୃହରେ ବିଶୃଙ୍ଖଳା ବରଦାସ୍ତ କରାଯିବନି। ବିରୋଧୀ ଗଠନ ମୂଳକ ପରାମର୍ଶ ଦେଲେ ତାହା ଉପାଦେୟ ହେବ। କହିରଖୁଛୁ ଯେ ଫେବ୍ରୁଆରୀ ୧୩ରୁ ବଜେଟ୍ ଅଧିବେଶନ ଆରମ୍ଭ ହେବାକୁ ଥିବା ବେଳେ ୧୭ ତାରିଖରେ ବଜେଟ ଆଗତ ହେବ।

H4. Subhash Chandra Bose Jayanti: ଆଜି ନେତାଜୀ ସୁଭାଷ ଚନ୍ଦ୍ର ବୋଷଙ୍କ ଜନ୍ମବାର୍ଷିକୀରେ ଭାରତ ପରାକ୍ରମ ଦିବସ ପାଳନ କରିଥିଲେ। ନେତାଜୀ ସୁଭାଷ ଚନ୍ଦ୍ର ବୋଷଙ୍କ ଜନ୍ମବାର୍ଷିକୀରେ ତାଙ୍କୁ ଆଜାଦ ହିନ୍ଦ ଫୌଜ ସହିତ ତୁଳନା କରି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଗୁରୁବାର ଦିନ ଦେଶବାସୀଙ୍କୁ ଏକ ବିକଶିତ ଭାରତ ପାଇଁ ଏକତ୍ର ହେବାକୁ ନିବେଦନ କରିଛନ୍ତି।

H5. Arvind Kejriwal’s car attacked: ଦିଲ୍ଲୀ ବିଧାନସଭା ନିର୍ବାଚନ ପାଇଁ ନିର୍ବାଚନ ପ୍ରଚାର କରିବାକୁ ଯିବା ସମୟରେ ଆମ ଆଦମୀ ପାର୍ଟିର ରାଷ୍ଟ୍ରୀୟ ସଂଯୋଜକ ଅରବିନ୍ଦ କେଜରିୱାଲଙ୍କ କାର ଉପରେ ପୁଣି ଥରେ ଆକ୍ରମଣ ହୋଇଛି। ହରି ନଗରରେ ଅରବିନ୍ଦ କେଜରିୱାଲଙ୍କ କାର ଉପରେ ଆକ୍ରମଣ ହୋଇଛି। ଦିଲ୍ଲୀର ପୂର୍ବତନ ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲ ଇନଷ୍ଟାଗ୍ରାମରେ ପୋଷ୍ଟ କରି ଏହି ସୂଚନା ଦେଇଛନ୍ତି। 

H6. Ram Gopal Varma Jail: ଚଳଚ୍ଚିତ୍ର ନିର୍ଦ୍ଦେଶକ ରାମ ଗୋପାଳ ବର୍ମାଙ୍କ ସମସ୍ୟା ବଢ଼ିଯାଇଛି। ମୁମ୍ବାଇର ଅନ୍ଧେରୀ ମାଜିଷ୍ଟ୍ରେଟ୍ କୋର୍ଟ ଏକ ଚେକ୍ ବାଉନ୍ସ ମାମଲାରେ ରାମ ଗୋପାଳ ବର୍ମାଙ୍କୁ ତିନି ମାସ ଜେଲଦଣ୍ଡ ଶୁଣାଇଛନ୍ତି। ବିଗତ ସାତ ବର୍ଷ ଧରି ଚାଲିଥିବା ମାମଲାର ଶୁଣାଣି କରୁଥିବା ଅନ୍ଧେରୀ ମାଜିଷ୍ଟ୍ରେଟ୍ କୋର୍ଟ ମଙ୍ଗଳବାର ଦିନ ଏହି ରାୟ ଶୁଣାଇଛନ୍ତି। 

H7. Foreign Secretary will travel to Beijing: ବୈଦେଶିକ ସଚିବ ବିକ୍ରମ ମିଶ୍ରି ରବିବାରଠାରୁ ଦୁଇ ଦିନିଆ ଗସ୍ତରେ ବେଜିଂ ଯିବେ। ବୈଦେଶିକ ମନ୍ତ୍ରଣାଳୟ (MEA) ଗୁରୁବାର କହିଛି ଯେ ବିକ୍ରମ ମିଶ୍ରୀ ବୈଦେଶିକ ସଚିବ ସ୍ତରୀୟ ବୈଠକ ପାଇଁ ଚୀନ ଗସ୍ତ କରୁଛନ୍ତି। ଏହି ବୈଠକର ଗୁରୁତ୍ୱ ହେଉଛି ଭାରତ-ଚୀନ୍ ସମ୍ପର୍କ ପାଇଁ ରାଜନୈତିକ, ଅର୍ଥନୈତିକ ଏବଂ ପରବର୍ତ୍ତୀ ପଦକ୍ଷେପ ବିଷୟରେ ଆଲୋଚନା କରିବା। 

H8. 12 Passengers jumped to the Rail track: ଟ୍ରେନରେ ଅଗ୍ନିକାଣ୍ଡ ହୋଇଛି ବୋଲି ଛାନିଆ ହୋଇ ଟ୍ରାକ୍‍କୁ ଡେଇଁ ପଡ଼ିବାରୁ ପୁଷ୍ପକ ଏକ୍ସପ୍ରେସ୍‍ ଯାତ୍ରୀଙ୍କ ଉପରେ ମାଡ଼ି ଯାଇଛି କର୍ଣ୍ଣାଟକ ଏକ୍ସପ୍ରେସ। ଏହାଦ୍ୱାରା ୧୨ ଜଣଙ୍କ ମୃତ୍ୟୁ ହୋଇଛି। ମୁମ୍ବାଇଠାରୁ ୪୦୦ କିଲୋମିଟର ଦୂର ଜଳଗାଓଁଠାରେ ଏହି ଦୁର୍ଘଟଣା ଘଟିଛି।

H9. Anuja Nominated For Oscar 2025: ଓସ୍କାର ୨୦୨୫ ଭାରତୀୟ ଚଳଚ୍ଚିତ୍ର ଇଣ୍ଡଷ୍ଟ୍ରି ପାଇଁ ଏକ ବଡ଼ ଖବର ଆଣିଛି। ଏଥିରେ 'ଅନୁଜା' ଚଳଚ୍ଚିତ୍ର ଭାରତକୁ ପ୍ରତିନିଧିତ୍ୱ କରିବାକୁ ପ୍ରସ୍ତୁତ। ଗୁନୀତ ମୋଙ୍ଗା ଏବଂ ପ୍ରିୟଙ୍କା ଚୋପ୍ରା ଅଭିନୀତ ଏହି ଫିଲ୍ମଟି ଓସ୍କାର ୨୦୨୫ ରେ ସର୍ବୋତ୍ତମ ଲାଇଭ୍ ଆକ୍ସନ୍ ସର୍ଟ ଫିଲ୍ମ ବର୍ଗରେ ମନୋନୀତ ହୋଇଛି। 

H10. Flop Show By India Test Stars: ଚମ୍ପିଆନ୍ସ ଟ୍ରଫି ପାଇଁ ଚୟନ ହୋଇଥିବା ଭାରତୀୟ ଦଳର ଶ୍ରେଷ୍ଠ ପାଞ୍ଚ ଜଣ ବ୍ୟାଟସମ୍ୟାନ ଗୁରୁବାର ଦିନ (୨୩ ଜାନୁଆରୀ) ରଣଜୀ ରଣକ୍ଷେତ୍ରରେ ପ୍ରବେଶ କରିଛନ୍ତି। ଚିନ୍ତାଜନକ କଥା ହେଉଛି ଏହି ୫ ଜଣ ବ୍ୟାଟସମ୍ୟାନଙ୍କ ମଧ୍ୟରୁ କେବଳ ଜଣେ ବ୍ୟାଟସମ୍ୟାନ ଦୁଇ ଅଙ୍କ ଅତିକ୍ରମ କରିପାରିଥିଲେ। ପାଞ୍ଚ ଜଣ ବ୍ୟାଟସମ୍ୟାନ୍ ମିଶି ମୋଟ ୨୩ ରନ୍ କରିଥିଲେ।