କଂଗ୍ରେସ ନେତା ସୁରଜେୱାଲାଙ୍କ ବିରୋଧରେ ଜାରି ହେଲା ଜାମିନ ବିହୀନ ୱାରେଣ୍ଟ, ଜାଣନ୍ତୁ ମାମଲା

Varanasi court issues non-bailable warrant against Randeep Surjewala: କଂଗ୍ରେସ ନେତା ରଣଦୀପ ସିଂ ସୁରଜେୱାଲାଙ୍କ ବିରୋଧରେ ବିଚାରାଧୀନ ମାମଲାର ଶୁଣାଣି ସୋମବାର ଦିନ ସ୍ୱତନ୍ତ୍ର ବିଚାରପତି (ସାଂସଦ-ବିଧାୟକ) ଅବନୀଶ ଗୌତମଙ୍କ କୋର୍ଟରେ ହୋଇଥିଲା । ଶୁଣାଣିରେ ନିରନ୍ତର ଅନୁପସ୍ଥିତି ଥିବାରୁ ସୁରଜେୱାଲାଙ୍କ ବିରୋଧରେ ଜାମିନ ବିହୀନ ୱାରେଣ୍ଟ ଜାରି କରାଯାଇଛି । ଏହାର କାର୍ଯ୍ୟକାରିତା ନିଶ୍ଚିତ କରିବାକୁ ଦିଲ୍ଲୀ ପୋଲିସ କମିଶନରଙ୍କୁ ଏହି ଦାୟିତ୍ୱ ଦିଆଯାଇଛି ।

ପରବର୍ତ୍ତୀ ଶୁଣାଣି ୧୬ ଡିସେମ୍ବରରେ ହେବ
ଗିରଫଦାରୀ ଉପରେ ଡିସେମ୍ବର ୧୪ ପର୍ଯ୍ୟନ୍ତ ସୁପ୍ରିମକୋର୍ଟଙ୍କ ରୋକ ଲଗାଇଛି । ଏହାକୁ ଦୃଷ୍ଟିରେ ରଖି କୋର୍ଟ ଶୁଣାଣି ପାଇଁ ପରବର୍ତ୍ତୀ ତାରିଖ ଭାବରେ ଡିସେମ୍ବର ୧୬ ଦେଇଛନ୍ତି ।

କ'ଣ ରହିଛି ପୂରା ମାମଲା
ବହୁ ଚର୍ଚ୍ଚିତ ସମ୍ଭାସିନୀ ମାମଲାରେ କଂଗ୍ରେସ ନେତାଙ୍କୁ ଅଭିଯୁକ୍ତ କରିବା ବିରୋଧରେ ୨୧ ଅଗଷ୍ଟ ୨୦୦୦ ରେ ତତ୍କାଳୀନ ଯୁବ କଂଗ୍ରେସ ରାଷ୍ଟ୍ରୀୟ ସଭାପତି ସୁରଜେୱାଲା ଓ କଂଗ୍ରେସ ନେତା ଏସପି ଗୋସ୍ୱାମୀଙ୍କ ନେତୃତ୍ୱରେ ଦଳର କର୍ମୀମାନେ ଆୟୁକ୍ତ କାର୍ଯ୍ୟାଳରରେ ସ୍ଲୋଗାନ ଦେଇଥିଲେ । ଏହି ସମୟ ମଧ୍ୟରେ ସେଠାରେ ଉତ୍ତେଜନା ଓ ଭଙ୍ଗାରୁଜା ହୋଇଥିବା ଅଭିଯୋଗ ହୋଇଥିଲା । କ୍ୟାଣ୍ଟ ପୋଲିସ ସୁରଜେୱାଲା ଓ ଅନ୍ୟ ନେତାମାନଙ୍କୁ ମଧ୍ୟ ଗିରଫ କରିଥିଲା । ଯାଞ୍ଚ ପରେ ପୋଲିସ ସୁରଜେୱାଲା ଓ ଅନ୍ୟମାନଙ୍କ ବିରୋଧରେ କୋର୍ଟରେ ଏକ ଚାର୍ଜସିଟ୍ ଦାଖଲ କରିଥିଲା ।