Bangladesh Crisis: 'ଆମକୁ ଭାରତକୁ ଆସିବାକୁ ଦିଅନ୍ତୁ' ପାଣିରେ ଠିଆ ହୋଇ ହଜାର ହଜାର ବାଂଲାଦେଶୀ ହିନ୍ଦୁ BSF କୁ କରୁଛନ୍ତି ନିବେଦନ

Bangladeshis on Indian Border: ବାଂଲାଦେଶରେ ଏକ ନୂତନ ସରକାର ଗଠନ ହୋଇଥିଲେ ମଧ୍ୟ ସେଠାରେ ହିଂସା ଜାରି ରହିଛି। ପ୍ରଦର୍ଶନକାରି ଅଳ୍ପସଂଖ୍ୟକ ଲୋକଙ୍କୁ ଟାର୍ଗେଟ୍ କରୁଛନ୍ତି । ଏଥି ମଧ୍ୟରେ ବାଂଲାଦେଶର ଅନେକ ହିନ୍ଦୁ ପରିବାର ନିଜ ଘର ଛାଡି ଭାରତ ଆସିବାକୁ ଚାହାଁନ୍ତି।

ଭାରତ-ବାଂଲାଦେଶ ସୀମାରେ ହଜାର ହଜାର ହିନ୍ଦୁ ସମ୍ପ୍ରଦାୟର ଲୋକ (Bangladeshis on Indian Border) ଉପସ୍ଥିତ ଅଛନ୍ତି। ବେଙ୍ଗଲ କୁଚବିହାରର ସୀତାଲୁଚି ଠାରେ ପ୍ରାୟ ୧୦୦୦ ବାଂଲାଦେଶୀ ଜଳାଶୟରେ ଠିଆ ହୋଇଛନ୍ତି ଓ ସେମାନଙ୍କୁ ଭାରତରେ ପ୍ରବେଶ କରିବାକୁ ଅନୁମତି ଦେବାକୁ ବିଏସଏଫକୁ ଲଗାତାର ଅନୁରୋଧ କରୁଛନ୍ତି।

'ଜୟ ଶ୍ରୀ ରାମ'ର ନାରା ଦେଉଛନ୍ତି ଲୋକେ
ତେବେ ସୀମା ସୁରକ୍ଷାକୁ ନେଇ ବିଏସଏଫ ମଧ୍ୟ ସତର୍କ ରହିଛି। ବିଏସ୍ଏଫ୍ ଅଧିକାରୀ କହିଛନ୍ତି ଯେ ବର୍ତ୍ତମାନ ପର୍ଯ୍ୟନ୍ତ ଭାରତରେ ପ୍ରବେଶ କରିବାକୁ ଚେଷ୍ଟା କରୁଥିବା ଏହା ହେଉଛି ସବୁଠାରୁ ବଡ ଗ୍ରୁଫ୍।

କୋଚବିହାରରେ କାଶିଆର ବାରୁନି ଅଞ୍ଚଳର ପଠାନଟୁଲି ଗ୍ରାମରେ ସୀମା ପାର ହେବାକୁ ଚେଷ୍ଟା କରୁଥିବା ଲୋକମାନେ ଏତେ ହତାଶ ଯେ ସେମାନେ ବାଡ଼ ପାର୍ଶ୍ୱରେ ଥିବା ଜଳଭଣ୍ଡାରରେ ଘଣ୍ଟା ଘଣ୍ଟା ଅପେକ୍ଷା କରିଥିଲେ। କିଛି ଲୋକ 'ଜୟ ଶ୍ରୀ ରାମ' ଏବଂ 'ଭାରତ ମାତା କି ଜୟ' ନାରା ମଧ୍ୟ ଦେଉଥିଲେ।

ବିଏସ୍ଏଫ୍ କର୍ମଚାରୀମାନେ ଏହି ଲୋକଙ୍କୁ ସୀମାର ଜିରୋ ପଏଣ୍ଟରୁ ୧୫୦ ୟାର୍ଡ ପୂର୍ବରୁ ବାଡ଼ ପାର ହେବାରେ ଅଟକାଇଥିଲେ। ବିଏସଏଫ ସୈନିକଙ୍କ ବାରମ୍ବାର ନିବେଦନ ସତ୍ତ୍ୱେ ଏହି ଲୋକମାନେ ବାଂଲାଦେଶର ରଙ୍ଗପୁର ଜିଲ୍ଲାର ଦୋ ଖାୱା ଏବଂ ଗେଣ୍ଡୁଗୁରି ଗ୍ରାମରେ ନିଜ ଘରକୁ ଫେରିବାକୁ ପ୍ରସ୍ତୁତ ନଥିଲେ।

Aug 9 at India-Bangladesh border in Cooch Behar where over 1,000 Bangladeshis tried to enter India.
India's BSF said: "It's not possible to give entry w/o protocols & it will take time. We are speaking to BGB. We know what is happening in Bangladesh & understand the situation." pic.twitter.com/M1WNVQKX47

— Neha Banka 네하 방카 (@nehabnk) August 10, 2024

ବିଏସଏଫ ଏକ ବିଜ୍ଞପ୍ତିରେ କୁହାଯାଇଛି, “ଏହି ଉଦୀୟମାନ ଚ୍ୟାଲେଞ୍ଜ ବିଏସଏଫ ପାଇଁ ନୂଆ। ବାଂଲାଦେଶର ଲୋକମାନେ ଗତ କିଛି ଦିନ ହେବ ବେଙ୍ଗଲର ଉତ୍ତର ୨୪ ପରଗାଣାର ପେଟ୍ରାପୋଲକୁ ଆସୁଛନ୍ତି।

ଆପଣଙ୍କୁ କହିରିଖୁଛୁ ଯେ ସୀମା ଉପରେ ନଜର ରଖିବା ପାଇଁ ସରକାର ଏକ କମିଟି ଗଠନ କରିଛନ୍ତି। ସୀମା ସୁରକ୍ଷା ବଳର ଇଷ୍ଟର୍ନ କମାଣ୍ଡର ଏଡିଜି କମିଟିର ଅଧ୍ୟକ୍ଷ ହୋଇଛନ୍ତି। ଏହାପୂର୍ବରୁ ସୀମା ସୁରକ୍ଷା ବାହିନୀ ବାଂଲାଦେଶ ସୀମାରେ ସଜାଗତା ବୃଦ୍ଧି କରିଛି। ଏଠାରେ ଏହା ଉଲ୍ଲେଖଯୋଗ୍ୟ ଯେ ବାଂଲାଦେଶରେ ହିଂସା ଘଟଣା ଭାରତ ସରକାରଙ୍କ ଚିନ୍ତା ବଢ଼ାଇ ଦେଇଛି।

Also Read: Vinesh Phogat ଙ୍କୁ ପଦକ ମିଳିବା ନେଇ ଆଜି ରାତିରେ ହେବ ନିଷ୍ପତ୍ତି, ଜାଣନ୍ତୁ କେତେବେଳେ ରାୟ ଶୁଣାଇବେ କୋର୍ଟ