Mahakumbha 2025: ମହାକୁମ୍ଭ ଅବସରରେ ଶୁଭେଚ୍ଛା ଜଣାଇଲେ ପ୍ରଧାନମନ୍ତ୍ରୀ ମୋଦୀ

Mahakumbha 2025: ନୂଆଦିଲ୍ଲୀ: ଆଜିଠାରୁ ଆରମ୍ଭ ହୋଇଛି ବିଶ୍ୱ ପ୍ରସିଦ୍ଧ ପ୍ରୟାଗରାଜ ମହାକୁମ୍ଭ ୨୦୨୫। ଏଥିପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସମଗ୍ର ଦେଶବାସୀଙ୍କୁ ପୌଷ ପୂର୍ଣ୍ଣିମା ଓ ମହାକୁମ୍ଭ ଉଦ୍ଦେଶ୍ୟରେ ଶୁଭେଚ୍ଛା ଓ ଶୁଭକାମନା ଜଣାଇଛନ୍ତି। ଏକ୍ସରେ ପ୍ରଧାନମନ୍ତ୍ରୀ ଲେଖିଛନ୍ତି କି ମହାକୁମ୍ଭ ଆରମ୍ଭ ହୋଇଗଲାଣି। ଆଜି ସୋମବାର, ପୌଷ ପୂର୍ଣ୍ଣିମା ଅବସରରେ, ଲକ୍ଷ ଲକ୍ଷ ଭକ୍ତ ପ୍ରୟାଗରାଜରେ ପବିତ୍ର ବୁଡ଼ ପକାଇବେ। ଏହି ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦେଶବାସୀଙ୍କୁ ଶୁଭେଚ୍ଛା ଜଣାଇଛନ୍ତି।

ପ୍ରଧାନମନ୍ତ୍ରୀ ମୋଦୀ ସୋସିଆଲ ମିଡିଆ ପ୍ଲାଟଫର୍ମ X ରେ ଲେଖିଛନ୍ତି, “ପୌଷ ପୂର୍ଣ୍ଣିମାରେ ପବିତ୍ର ସ୍ନାନ ସହିତ, ପ୍ରୟାଗରାଜର ପବିତ୍ର ଭୂମିରେ ଆଜି ମହାକୁମ୍ଭ ଆରମ୍ଭ ହୋଇଛି। ଆମର ବିଶ୍ୱାସ ଏବଂ ସଂସ୍କୃତି ସହିତ ଜଡିତ ଏହି ଦିବ୍ୟ ଅବସରରେ, ମୁଁ ସମସ୍ତ ଭକ୍ତଙ୍କୁ ମୋର ଆନ୍ତରିକ ପ୍ରଣାମ ଏବଂ ଶୁଭେଚ୍ଛା ଜଣାଉଛି। ମୁଁ ଆଶା କରୁଛି ଯେ ଭାରତୀୟ ଆଧ୍ୟାତ୍ମିକ ପରମ୍ପରାର ଏହି ମହାନ ପର୍ବ ଆପଣମାନଙ୍କ ସମସ୍ତଙ୍କ ଜୀବନରେ ନୂତନ ଶକ୍ତି ଏବଂ ଉତ୍ସାହ ଆଣିଦେବ।

ସେ x ପୋଷ୍ଟରେ ଆହୁରି ଲେଖିଛନ୍ତି, “ମୁଁ ଏହା ଦେଖି ଖୁସି ଯେ ପ୍ରୟାଗରାଜ ଅଗଣିତ ଲୋକଙ୍କ ସହିତ ପରିପୂର୍ଣ୍ଣ, ଯେଉଁମାନେ ସେଠାକୁ ଆସୁଛନ୍ତି, ପବିତ୍ର ସ୍ନାନ କରୁଛନ୍ତି ଏବଂ ଆଶୀର୍ବାଦ ଲୋଡୁଛନ୍ତି। ସମସ୍ତ ତୀର୍ଥଯାତ୍ରୀ ଏବଂ ପର୍ଯ୍ୟଟକଙ୍କୁ ଏକ ସୁନ୍ଦର ରହଣି କାମନା କରୁଛି। ପ୍ରଧାନମନ୍ତ୍ରୀ ଆହୁରି ମଧ୍ୟ ଲେଖିଛନ୍ତି ଯେ “ଭାରତୀୟ ମୂଲ୍ୟବୋଧ ଏବଂ ସଂସ୍କୃତିକୁ ମୂଲ୍ୟ ଦେଉଥିବା କୋଟି କୋଟି ଲୋକଙ୍କ ପାଇଁ ଏକ ଅତ୍ୟନ୍ତ ସ୍ୱତନ୍ତ୍ର ଦିନ! ମହାକୁମ୍ଭ ୨୦୨୫ ପ୍ରୟାଗରାଜରେ ଆରମ୍ଭ ହୋଇଛି। ଯାହା ଅଗଣିତ ଲୋକଙ୍କୁ ବିଶ୍ୱାସ, ଭକ୍ତି ଏବଂ ସଂସ୍କୃତିର ଏକ ପବିତ୍ର ସଙ୍ଗମରେ ଏକାଠି କରି ପାରିଛି। ମହାକୁମ୍ଭ ଭାରତର ଅନନ୍ତ ଆଧ୍ୟାତ୍ମିକ ଐତିହ୍ୟର ପ୍ରତୀକ ଏବଂ ବିଶ୍ୱାସ ଏବଂ ସଦ୍ଭାବର ଉତ୍ସବ ପାଳନ କରେ ବୋଲି ପ୍ରଧାନମନ୍ତ୍ରୀ ଉଲ୍ଲେଖ କରିଛନ୍ତି।

पौष पूर्णिमा पर पवित्र स्नान के साथ ही आज से प्रयागराज की पुण्यभूमि पर महाकुंभ का शुभारंभ हो गया है। हमारी आस्था और संस्कृति से जुड़े इस दिव्य अवसर पर मैं सभी श्रद्धालुओं का हृदय से वंदन और अभिनंदन करता हूं। भारतीय आध्यात्मिक परंपरा का यह विराट उत्सव आप सभी के जीवन में नई ऊर्जा…

— Narendra Modi (@narendramodi) January 13, 2025

ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ମଧ୍ୟ ଜଣାଇଲେ ଶୁଭେଚ୍ଛା
ଏହି ପବିତ୍ର ଅବସରରେ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ସମସ୍ତ ଭକ୍ତ, ସନ୍ଥ, ମହାତ୍ମା, କଳ୍ପବାସୀ ଏବଂ ପରିଦର୍ଶକଙ୍କୁ ସ୍ୱାଗତ କରିଥିଲେ ଏବଂ ମହାକୁମ୍ଭର ପ୍ରଥମ ସ୍ନାନ ପାଇଁ ଶୁଭକାମନା ଜଣାଇଥିଲେ। ତାଙ୍କ ବାର୍ତ୍ତାରେ ମୁଖ୍ୟମନ୍ତ୍ରୀ ଯୋଗୀ କହିଛନ୍ତି, “ଆସ, ମହାକୁମ୍ଭ ୨୦୨୫ରେ ଅଂଶଗ୍ରହଣ କରି ସନାତନ ସଂସ୍କୃତିର ଏହି ଗୌରବମୟ ପରମ୍ପରାର ଏକ ଅଂଶ ହୁଅ। ମାଆ ଗଙ୍ଗାଙ୍କ କୃପାରୁ ଆପଣଙ୍କ ଜୀବନ ସୁଖ, ଶାନ୍ତି ଏବଂ ସମୃଦ୍ଧିରେ ପରିପୂର୍ଣ୍ଣ ହେଉ। ” ମୁଖ୍ୟମନ୍ତ୍ରୀ କହିଛନ୍ତି ଯେ ମହାକୁମ୍ଭ ଭାରତର ଆଧ୍ୟାତ୍ମିକ ଏବଂ ସାଂସ୍କୃତିକ ମର୍ଯ୍ୟାଦାର ପ୍ରତୀକ। ଏହି ଘଟଣା 'ବିବିଧତା ମଧ୍ୟରେ ଏକତା'ର ଭାବନାକୁ ଜୀବନ୍ତ କରିଥାଏ। ମାତା ଗଙ୍ଗାଙ୍କ ପବିତ୍ର ଜଳରେ ସ୍ନାନ ଏବଂ ଧ୍ୟାନ କରିବାକୁ ଆସୁଥିବା ସମସ୍ତ ଭକ୍ତଙ୍କ ଇଚ୍ଛା ପୂରଣ ହେଉ।

ପୌଷ ପୂର୍ଣ୍ଣିମା ଅବସରରେ ଆଜି ପ୍ରଥମ ସ୍ନାନ
ଏଠାରେ କହି ରଖୁ କି ଆଜି ପୌଷ ପୂର୍ଣ୍ଣିମାରେ ପ୍ରଥମ ସ୍ନାନ। ଆଜି ଏହି ଅବସରରେ, ଲକ୍ଷ ଲକ୍ଷ ଭକ୍ତ ଗଙ୍ଗା, ଯମୁନା ଏବଂ ସରସ୍ୱତୀଙ୍କ ପବିତ୍ର ସଙ୍ଗମରେ ସ୍ନାନ କରୁଛନ୍ତି। ଆଜିଠାରୁ ଭକ୍ତମାନେ ପଞ୍ଚଚାଳିଶ ଦିନ ବ୍ୟାପୀ କଳ୍ପବାସ ଆରମ୍ଭ କରିବେ। ସଙ୍ଗମ କୂଳରେ ଆଧ୍ୟାତ୍ମିକ ଆନନ୍ଦ ଏବଂ ଧାର୍ମିକ ବିଶ୍ୱାସର ଏକ ଅନନ୍ୟ ଦୃଶ୍ୟ ଦୃଶ୍ୟମାନ ହୁଏ। ଭାରତ ଏବଂ ବିଦେଶରୁ ଆସୁଥିବା ଭକ୍ତମାନଙ୍କ ପାଇଁ ମହାକୁମ୍ଭ ଜୀବନର ଏକ ଅନନ୍ୟ ଅଭିଜ୍ଞତା ହେବାକୁ ଯାଉଛି। ସଙ୍ଗମର ସମସ୍ତ ପ୍ରବେଶ ପଥରେ ଭକ୍ତଙ୍କ ଭିଡ଼ ଜମିଛି। ମହାକୁମ୍ଭରେ ଯାନବାହାନ ପ୍ରବେଶ ଉପରେ ମଧ୍ୟ ନିଷେଧ ରହିଛି। ସୁରକ୍ଷା ପାଇଁ ହଜାର ହଜାର ସୈନିକ ନିୟୋଜିତ ହୋଇଛନ୍ତି। ପୋଲିସ ସ୍ପିକର ମାଧ୍ୟମରେ ଲକ୍ଷ ଲକ୍ଷ ଲୋକଙ୍କ ଭିଡ଼କୁ ପରିଚାଳନା କରୁଛି।