School Closed: ପ୍ରବଳ ଥଣ୍ଡା ଓ କୁହୁଡ଼ି ପାଇଁ ଏହି ସ୍ଥାନମାନଙ୍କରେ ବନ୍ଦ ରହିବ ସ୍କୁଲ୍, ସରକାର ଦେଲେ ନିର୍ଦ୍ଦେଶ...

School Closed: ଉତ୍ତର ଭାରତରେ ପ୍ରବଳ ଥଣ୍ଡା ଏବଂ ଘନ କୁହୁଡି ଲାଗି ରହିଛି। ଖରାପ ପାଗ ଯୋଗୁଁ ଅନେକ ରାଜ୍ୟ ଛାତ୍ରମାନଙ୍କ ପାଇଁ ଲମ୍ବା ଛୁଟି ଘୋଷଣା କରିଛନ୍ତି। ସେହିପରି ଗୁରୁବାର ଦିନ ଦିଲ୍ଲୀ ସମେତ ଅନେକ ରାଜ୍ୟରେ ଘନ କୁହୁଡ଼ି ଓ ବର୍ଷା ହୋଇ ଟ୍ରାଫିକ ଜାମ୍ ହୋଇଥିବା ଦେଖିବାକୁ ମିଳିଛି। ୨୯ ଟି ଟ୍ରେନ୍ ଏବଂ ବିମାନ ବିଳମ୍ବ ହୋଇଥିଲା। ଶୁକ୍ରବାର ଘନ କୁହୁଡି ଏବଂ ବର୍ଷା ସମ୍ପର୍କରେ ଆଇଏମଡି ସତର୍କ ସୂଚନା ଜାରି କରିଛି। ବିଦ୍ୟାଳୟଗୁଡ଼ିକ କେଉଁଠାରେ ବନ୍ଦ ଅଛି ଆସନ୍ତୁ ଜାଣିବା...

ଉତ୍ତରପ୍ରଦେଶରେ ୧୭ ଜାନୁଆରୀ ପର୍ଯ୍ୟନ୍ତ ସ୍କୁଲ ବନ୍ଦ: ୟୁପି ମୌକ ଶିକ୍ଷା ନିର୍ଦ୍ଦେଶକ ପ୍ରତାପ ସିଂ ବାଘେଲ ଜାନୁଆରୀ ୧୬ ଏବଂ ୧୭ରେ ବିଦ୍ୟାଳୟରେ ଛୁଟି ଘୋଷଣା କରିବାକୁ ଏକ ଚିଠି ଜାରି କରିଛନ୍ତି। ଏହି ଚିଠି ମାଧ୍ୟମରେ କୁହାଯାଇଛି ଯେ ମୌଳିକ ଶିକ୍ଷା ପରିଷଦ ବିଦ୍ୟାଳୟ ଏବଂ ଅଷ୍ଟମ ପର୍ଯ୍ୟନ୍ତ ସ୍ୱୀକୃତିପ୍ରାପ୍ତ ବିଦ୍ୟାଳୟଗୁଡ଼ିକ ଶୁକ୍ରବାର ପର୍ଯ୍ୟନ୍ତ ବନ୍ଦ ରହିବ। ବର୍ତ୍ତମାନ ଜିଲ୍ଲା ମାଜିଷ୍ଟ୍ରେଟ ଏହି ନିର୍ଦ୍ଦେଶ ପାଳନ କରିବେ।

ଗାଜିଆବାଦ ବିଦ୍ୟାଳୟଗୁଡ଼ିକ ମଧ୍ୟ ବନ୍ଦ: ଗାଜିଆବାଦ ଜିଲ୍ଲା ମାଜିଷ୍ଟ୍ରେଟ ଇନ୍ଦ୍ର ବିକ୍ରମ ସିଂ ପ୍ରବଳ ଶୀତ ଯୋଗୁଁ  ପ୍ରଥମରୁ ରୁ ଅଷ୍ଟମ ଶ୍ରେଣୀ ପର୍ଯ୍ୟନ୍ତ ଛାତ୍ରଛାତ୍ରୀଙ୍କ ପାଇଁ ସ୍କୁଲ ବନ୍ଦ କରିବାକୁ ବିଜ୍ଞପ୍ତି ଜାରି କରିଛନ୍ତି। CBSE, ICSCE ଏବଂ UP ବୋର୍ଡ ସହିତ ଜଡିତ ସମସ୍ତ ବୋର୍ଡର ଛାତ୍ରମାନଙ୍କ ପାଇଁ ଜାନୁଆରୀ ୧୮ ପର୍ଯ୍ୟନ୍ତ ବିଦ୍ୟାଳୟଗୁଡ଼ିକ ବନ୍ଦ ରହିବ। ମାତ୍ର ଶିକ୍ଷାନୁଷ୍ଠାନର କର୍ମଚାରୀମାନେ ବିଦ୍ୟାଳୟକୁ ଆସିବେ।

ବିହାରରେ କେତେ ଦିନ ସ୍କୁଲ ବନ୍ଦ ରହିବ: ପାଟନା ଜିଲ୍ଲା ମାଜିଷ୍ଟ୍ରେଟ୍ ବିଦ୍ୟାଳୟ, ଅଙ୍ଗନୱାଡି କେନ୍ଦ୍ର ଏବଂ ପ୍ରାଥମିକ ବିଦ୍ୟାଳୟରେ ଜାନୁୟାରୀ ୧୮ ପର୍ଯ୍ୟନ୍ତ ସମସ୍ତ ଶିକ୍ଷାଗତ କାର୍ଯ୍ୟ ବନ୍ଦ କରିବାକୁ ନିର୍ଦ୍ଦେଶ ଦେଇଛନ୍ତି। ଅଷ୍ଟମ ଶ୍ରେଣୀରୁ ଅଧିକ ବିଦ୍ୟାଳୟର ଛାତ୍ରମାନଙ୍କ ପାଇଁ ଶିକ୍ଷାଦାନ ସମୟ ସକାଳ  ୯ଟାରୁ ଦ୍ୱିପହର ୩.୩୦ ମଧ୍ୟରେ ପୁନଃ ସ୍ଥିର ହୋଇଛି। ଦରଭଙ୍ଗାସ୍ଥିତ ସ୍କୁଲ ବନ୍ଦ କରିବାକୁ ନିଷ୍ପତ୍ତି ନିଆଯାଇଛି।

ଜାମ୍ମୁ କାଶ୍ମୀରରେ ୨୮ ଫେବୃଆରୀ ପର୍ଯ୍ୟନ୍ତ ଛୁଟି: ଜାମ୍ମୁ କାଶ୍ମୀରରେ ମଧ୍ୟ ସ୍କୁଲ ବନ୍ଦ ରହିବ। ପୂର୍ବରୁ ସମସ୍ତ ସ୍କୁଲ ଏବଂ କଲେଜଗୁଡ଼ିକୁ ୧୨ ଫେବୃଆରୀର ପର୍ଯ୍ୟନ୍ତ ବନ୍ଦ ରଖିବାକୁ ନିଷ୍ପତ୍ତି ନିଆଯାଇଥିଲା ମାତ୍ର ଏବେ ତାହା ବୃଦ୍ଧି କରାଯାଇ ୨୮ ପର୍ଯ୍ୟନ୍ତ ବନ୍ଦ ରଖିବାକୁ ନିର୍ଦ୍ଦେଶ ଜାରି କରାଯାଇଛି। ବିଦ୍ୟାଳୟ ଶିକ୍ଷା ମନ୍ତ୍ରୀ ସାକିନା ଲାଟୁ ଏହି ସୂଚନା ଦେଇଛନ୍ତି। ଜାମ୍ମୁ କାଶ୍ମୀରର ସର୍ବନିମ୍ନ ତାପମାତ୍ରା ଶୂନ ଡିଗ୍ରୀ ସେଲସିୟସରୁ କମ୍ ଏବଂ ତୁଷାରପାତ ହେଉଛି।