ଯୌତୁକ ନିର୍ଯ୍ୟାତନା ମାମଲାରେ ଆଇନର ଅପବ୍ୟବହାର ବନ୍ଦ ହେବା ଉଚିତ୍, କୋର୍ଟ ସତର୍କ ରୁହନ୍ତୁ: Supreme Court

Supreme Court On Marital Dispute Case: ସୁପ୍ରିମକୋର୍ଟ ଏକ ଗୁରୁତ୍ୱପୂର୍ଣ୍ଣ ମାମଲାର ରାୟ ଦେବା ସମୟରେ ବୈବାହିକ କ୍ରୁରତା ଆଇନର ଅପବ୍ୟବହାରକୁ ନେଇ ଗମ୍ଭୀର ଚିନ୍ତା ପ୍ରକଟ କରିଛନ୍ତି। ଅଦାଲତ ସ୍ପଷ୍ଟ କରିଛନ୍ତି ଯେ ମହିଳାମାନଙ୍କୁ ସେମାନଙ୍କର ବୈବାହିକ ଜୀବନରେ କ୍ରୁରତାରୁ ରକ୍ଷା କରିବା ପାଇଁ ପ୍ରସ୍ତୁତ ଆଇନର ଉଦ୍ଦେଶ୍ୟ ହେଉଛି ସେମାନଙ୍କର ଅଧିକାରର ସୁରକ୍ଷା। କିନ୍ତୁ ସାମ୍ପ୍ରତିକ ସମୟରେ ଏହି ଆଇନଗୁଡ଼ିକ ବ୍ୟକ୍ତିଗତ ସ୍ୱାର୍ଥ ପାଇଁ ଅସ୍ତ୍ର ଭାବରେ ବ୍ୟବହୃତ ହେଉଛି।

ଜଷ୍ଟିସ ବି.ଭି ନାଗରତ୍ନା ଏବଂ ଏନ କୋଟିଶ୍ୱର ସିଂଙ୍କ ଏକ ବେଞ୍ଚ ତେଲେଙ୍ଗାନା ହାଇକୋର୍ଟର ଏକ ମାମଲାର ଶୁଣାଣି କରିଛି। ଯେଉଁଥିରେ ଜଣେ ମହିଳା ତାଙ୍କ ସ୍ୱାମୀଙ୍କୁ ନିର୍ଦ୍ଦୟ ବୋଲି ଅଭିହିତ କରିଥିଲେ। ତେବେ ନ୍ୟାୟ ବ୍ୟବସ୍ଥାର ବିଶ୍ୱସନୀୟତା ଏବଂ ଆଇନଗତ ଢାଞ୍ଚାର ଅଖଣ୍ଡତା ଉପରେ ଆଇନର ଏପରି ଅପବ୍ୟବହାର ନକାରାତ୍ମକ ପ୍ରଭାବ ପକାଇଥାଏ ବୋଲି କହି କୋର୍ଟ ଏହି ମାମଲାକୁ ଖାରଜ କରି ଦେଇଛନ୍ତି।

ଭାରତୀୟ ଦଣ୍ଡ ସଂହିତା (ଆଇପିସି) ର ଧାରା ୪୯୮ (ଏ) ସ୍ୱାମୀ ଏବଂ ଶାଶୁ ଘରମାନଙ୍କ ଦ୍ୱାରା ପତ୍ନୀଙ୍କ ପ୍ରତି ହେଉଥିବା ଅତ୍ୟାଚାରକୁ ରୋକିବା ପାଇଁ  ସୃଷ୍ଟି କରାଯାଇଥିଲା। ଏହାର ଅପବ୍ୟବହାର ମାମଲା ବଢ଼ିବାରେ ଲାଗିଛି। ସୁପ୍ରିମକୋର୍ଟ କହିଛନ୍ତି ଯେ ଏହି ବ୍ୟବସ୍ଥା ମହିଳାଙ୍କ ପ୍ରତି ହେଉଥିବା ଅତ୍ୟାଚାରକୁ ରୋକିବା। କିନ୍ତୁ ବ୍ୟକ୍ତିଗତ ଭେଣ୍ଡେଟା ଏବଂ ବୈବାହିକ ବିବାଦ ପାଇଁ ଏହା ଏକ ଅସ୍ତ୍ର ଭାବରେ ବ୍ୟବହୃତ ହେଉଛି।

ନିକଟରେ ବେଙ୍ଗାଲୁରୁର ଜଣେ ଆଇଟି ଟେକ୍ନିସିଆନଙ୍କ ଆତ୍ମହତ୍ୟା ଏହି ସମସ୍ୟାକୁ ଆହୁରି ଗୁରୁତର କରିଦେଇଛି। ଅଭିଯୋଗ ହେଉଛି ଯେ ଟେକ୍ନିସିଆନଙ୍କ ପତ୍ନୀ ଏବଂ ପତ୍ନୀଙ୍କ ପରିବାର ମିଥ୍ୟା ଅଭିଯୋଗ ଆଣି ୩ କୋଟି ଟଙ୍କା ସେଟଲମେଣ୍ଟ କରିବାକୁ ଦାବି କରିଛନ୍ତି। ବୈବାହିକ ମାମଲା କିପରି ଅପବ୍ୟବହାର ହୋଇପାରିବ ଏହାର ଏକ ବଡ଼ ଉଦାହରଣ।

ଅଦାଲତ ସ୍ପଷ୍ଟ କରିଛନ୍ତି ଯେ ଆଇନର ଅପବ୍ୟବହାର କେବଳ ଏହାର ଉଦ୍ଦେଶ୍ୟକୁ କ୍ଷୁର୍ଣ୍ଣ କରେ ନାହିଁ। କିନ୍ତୁ ଏହାର ନ୍ୟାୟ ପ୍ରକ୍ରିୟା ଉପରେ ମଧ୍ୟ ଗୁରୁତର ପ୍ରଭାବ ପକାଇଥାଏ। ସୁପ୍ରିମକୋର୍ଟ ମଧ୍ୟ ନୂତନ ଭାରତୀୟ ଦଣ୍ଡ ସଂହିତା ଧାରା ୪୯୮(ଏ) ରୁ ଧାରା ୮୬ କୁ ପରିବର୍ତ୍ତନ ଉପରେ ଆଲୋକପାତ କରିଛନ୍ତି। ଏହି ବ୍ୟବସ୍ଥାରେ ଦୋଷୀମାନଙ୍କ ପାଇଁ କଠୋର ଦଣ୍ଡ ପ୍ରଦାନ କରାଯାଇଛି। ଯେଉଁଥିରେ ତିନି ବର୍ଷ ଜେଲ ଏବଂ ଜରିମାନା ଅନ୍ତର୍ଭୁକ୍ତ। କୋର୍ଟ କହିଛନ୍ତି ଯେ ଏହି ଆଇନର ଉଦ୍ଦେଶ୍ୟ ହେଉଛି ମହିଳାଙ୍କ ସୁରକ୍ଷା। କିନ୍ତୁ ଏହାକୁ ଏକ ସନ୍ତୁଳିତ ଢଙ୍ଗରେ କାର୍ଯ୍ୟକାରୀ କରିବାକୁ ପଡିବ। ଯାହାଦ୍ୱାରା ଏହାର ଅପବ୍ୟବହାର ବନ୍ଦ ହୋଇପାରିବ।

ବ୍ୟକ୍ତିଗତ ଭେଣ୍ଡେଟା ପାଇଁ ଏହି ଆଇନର ବ୍ୟବହାର କେବଳ ନ୍ୟାୟ ବ୍ୟବସ୍ଥା ପାଇଁ ଚ୍ୟାଲେଞ୍ଜ ନୁହେଁ ବୋଲି କୋର୍ଟ ମନ୍ତବ୍ୟ ଦେଇଛନ୍ତି। ବରଂ ଏହା ପ୍ରକୃତ ପୀଡିତମାନଙ୍କୁ ମଧ୍ୟ କ୍ଷତି ପହଞ୍ଚାଏ। ଯେଉଁମାନେ ପ୍ରକୃତରେ ଅତ୍ୟାଚାରର ସମ୍ମୁଖୀନ ହେଉଛନ୍ତି। ସୁପ୍ରିମକୋର୍ଟ ନ୍ୟାୟିକ ଉପାୟ ଅବଲମ୍ବନ କରିବାକୁ କୋର୍ଟକୁ କହିଛନ୍ତି। ଯେଉଁଥିରେ ପୀଡିତଙ୍କ ସୁରକ୍ଷା ଏବଂ ଅପବ୍ୟବହାର ରୋକିବା ମଧ୍ୟରେ ଏକ ସନ୍ତୁଳନ ସୁନିଶ୍ଚିତ ହେବ।