Leena Nagwanshi Suicide: ଜୀବନ ହାରିଲେ ମଡେଲ, ଘରୁ ମିଳିଲା ମୃତଦେହ

Leena Nagwanshi Suicide: ଅଭିନେତ୍ରୀ ତୁନିଶା ଶର୍ମାଙ୍କ ଆତ୍ମହତ୍ୟା ଖବର ଲୋକଙ୍କ ମନରୁ ନ ଯାଉଣୁ ବର୍ତ୍ତମାନ ଆଉ ଜଣେ ମଡେଲ ଜୀବନ ହାରିଛନ୍ତି । ୨୨ ବର୍ଷିୟ ମଡେଲ ଲୀନା ନାଗବଂଶୀ ଆତ୍ମହତ୍ୟା କରିଥିବା ଅଭିଯୋଗ ହୋଇଛି । ସେ ନିଜ ଘରେ ଫାଶି ଲଗାଇ ଆତ୍ମହତ୍ୟା କରିଥିବା ସୂଚନା ମିଳିଛି । ମୃତଦେହ ନିକଟରୁ କୌଣସି ସୁଇସାଇଡ୍ ନୋଟ ଜବତ କରାଯାଇନି । ପୋଲିସ ଘଟଣାସ୍ଥରେ ପହଞ୍ଚି ତଦନ୍ତ ଆରମ୍ଭ କରିଛି। ତେବେ, ଏଭଳି ପରିସ୍ଥିତିରେ ଲୀନା କାହିଁକି ଏପରି ନିଷ୍ପତି ନେଲେ ତାହା ଏ-ପର୍ଯ୍ୟନ୍ତ ଜଣାପଡି ନାହିଁ ।

ଇନଷ୍ଟାଗ୍ରାମରେ ନିଜର ଗ୍ଲାମରସ୍ ରିଲ୍ ପାଇଁ ଲୀନା ନାଗଭବଂଶୀ ଅଧିକ ଲୋକପ୍ରିୟତା ହାସଲ କରିଥିଲେ। ସେ ୟୁଟ୍ୟୁବରେ ମଧ୍ୟ ବହୁତ ସକ୍ରିୟ ଥିଲେ। ନିକଟରେ ଲୀନା ଆତ୍ମହତ୍ୟା କରିଥିବା ଅଭିଯୋଗ ହୋଇଛି। ଗଣମାଧ୍ୟମ ରିପୋର୍ଟ ଅନୁଯାୟୀ ତାଙ୍କ ମୃତଦେହ ଘରେ ଭିତରେ ଝୁଲୁଥିବା ଦେଖିବାକୁ ମିଳିଥିଲା।  କୁହାଯାଉଛି ଯେ ଲୀନା ୨୬ ଡିସେମ୍ବରରେ ଆତ୍ମହତ୍ୟା କରିଥିଲେ। ଗଣମାଧ୍ୟମ ରିପୋର୍ଟ ଅନୁଯାୟୀ, ଲୀନାଙ୍କ ମା ବଜାରକୁ ଯାଇଥିଲେ ଏବଂ ସେ ଫେରିବା ପରେ କବାଟ ବାଡେଇ ଥିଲେ। କିନ୍ତୁ ସେ କବାଟ ଖୋଲି ନ ଥିଲେ। ଏପରିକି ଅନେକ ଥର କଲ କରିବା ପରେ ମଧ୍ୟ ସେ କଲ ରିସିଭ କରି ନ ଥିଲେ। ପରେ ସ୍ଥାନୀୟ ଲୋକଙ୍କ ସହାୟତାରେ ଘରର କବାଟ ଭଙ୍ଗା ଯାଇଥିଲେ।  ଏବଂ ଘର ଭିତରେ ଲୀନା ରଶି ଲଗାଇ ଝୁଲି ପଡିଥିବା ଦେଖିବାକୁ ମିଳିଥିଲା। 

ପରେ ପୋଲିସ ଘଟଣାସ୍ଥଳରେ ପହଞ୍ଚିଥିଲା । ପୋଲିସ ଲୀନାଙ୍କ ମୃତଦେହକୁ ପୋଷ୍ଟମର୍ଟମ ପାଇଁ ପଠାଇଛି ଏବଂ ପ୍ରାଥମିକ ଅନୁସନ୍ଧାନରୁ ଏହା ଆତ୍ମହତ୍ୟା ବୋଲି କୁହାଯାଉଛି। ଆଶ୍ଚର୍ଯ୍ୟର କଥା, ଖ୍ରୀଷ୍ଟମାସ ଅବସରରେ ଲୀନା ନାଗବଂଶୀ ତାଙ୍କ ମୃତ୍ୟୁର ତିନି ଦିନ ପୂର୍ବରୁ ଇନଷ୍ଟାଗ୍ରାମରେ ରିଲ ତିଆରି କରିଥିଲେ ଏବଂ ସେୟାର କରିଥିଲେ। ଏହି ସମୟରେ, ଏହି ଖବର ସାମ୍ନାକୁ ଆସିବା ପରେ ଲୀନାଙ୍କ ଫଲୋର୍ସମାନଙ୍କୁ ଚକିତ ହୋଇଯାଇଛନ୍ତି।

ଡିସେମ୍ବର ୨୪ରେ ଟିଭି ଅଭିନେତ୍ରୀ ତୁନିଶା ଶର୍ମା ଆତ୍ମହତ୍ୟା କରିଥିଲେ। ଗଣମାଧ୍ୟମର ରିପୋର୍ଟ ମୁତାବକ ତୁନିଶା ଏକ ସୁଟିଂ ସେଟର ମେକଅପ୍ ରୁମ୍ ଭିତରେ ଆତ୍ମହତ୍ୟା କରିଥିଲେ । ସେ ରଶି ଲଗାଇ ଆତ୍ମହତ୍ୟା କରିଥିବା କଥା କୁହାଯାଉଛି । ସିରିୟଲ ସେଟ୍ରେ ଟି-ବ୍ରେକ ସମୟରେ ଶୌଚାଳୟ ଯାଇଥିଲେ ତୁନିଷା । ତେବେ ଦୀର୍ଘ ସମୟ ପରେ ସେଠାରୁ ନ ବାହାରିବାରୁ ଶେଷରେ କବାଟ ଭଙ୍ଗାଯାଇଥିଲା । କବାଟ ଭଙ୍ଗାଯିବା ପରେ ତାଙ୍କୁ ଝୁଲନ୍ତା ଅବସ୍ଥାରେ ଦେଖିବାକୁ ମିଳିଥିଲା । ସେପଟେ ଆତ୍ମହତ୍ୟା ସମ୍ପର୍କରେ ସୂଚନା ପାଇଁ ସ୍ଥାନୀୟ ପୋଲିସ ଘଟଣାସ୍ଥଳରେ ପହଂଚି ଛାନଭିନ୍ ଚଳାଇଥିଲା । ୨୦ ବର୍ଷୀୟ ଅଭିନେତ୍ରୀ ତୁନିଷା ପ୍ରଥମେ ଶିଶୁକଳାକାର ଭାବେ ନିଜ କ୍ୟାରିୟର ଆରମ୍ଭ କରିଥିଲେ । ‘ଭାରତ କା ବୀର ପୁତ୍ର ମହାରଣା ପ୍ରତାପ’ ସିରିୟଲ ଜରିଆରେ ସେ ଡେବ୍ୟୁ କରିଥିଲେ । ତୁନିଶା ତାଙ୍କ ପ୍ରେମିକ ସିଜନ ଖାନଙ୍କ ପାଇଁ ଆତ୍ମହତ୍ୟା କରିଥିବା କହିଛନ୍ତି ତୁନିଶାଙ୍କ ମାଆ । ତୁନିଶାର ମୃତ୍ୟୁ ପାଇଁ ସେ ବୟଫ୍ରେଣ୍ଡ ସିଜନା ଖାନଙ୍କୁ ଦାୟୀ କରିଛନ୍ତି । ପ୍ରେମରେ ପ୍ରତାରଣା ଓ ଅନ୍ୟ ଝିଅମାନଙ୍କ ସର୍ମ୍ପକ ରଖି ଧୋକା ଦେଇଥିବା ଯୋଗୁଁ ତୁନିଶା ବାଧ୍ୟ ହୋଇ ଆତ୍ମହତ୍ୟା କରିଥିବା ଅଭିଯୋଗ କରିଛନ୍ତି ଭିନିତା ଶର୍ମା ।