ଯାତ୍ରା ଅଭିନେତା ପ୍ରିୟୁସଙ୍କ OYO ରୁମ୍ ଡାଏଲଗ ଭିଡିଓ ଭାଇରାଲ୍ ! ପଢନ୍ତୁ ଖବର

Jollywood News: ଯାତ୍ରା ମଞ୍ଚର ଚର୍ଚ୍ଚିତ ଅଭିନେତା ପିୟୁସ ତ୍ରିପାଠୀଙ୍କର ଏକ ଭିଡିଓ ବର୍ତ୍ତମାନ ଖୁବ ଭାଓରାଲ୍ ହେଉଛି। ଏହି ଭିଡ଼ିଓଟିରେ ପିୟୁସ ତାଙ୍କ ଗର୍ଲ ଫ୍ରେଣ୍ଡଙ୍କ ବାହା ଘର ପରେ ଓୟୋ ରୁମ୍ ଯିବେ ବୋଲି କହୁଛନ୍ତି। ଯାହା ଏବେ ଖୁବ୍ ଭାଇରାଲ ହେବାରେ ଲାଗିଛି। ଭିଡ଼ିଓଟିକୁ ୧ ମିଲିୟନରୁ ଅଧିକ ଲୋକେ ଦେଖି ସାରିଲେଣି।

ଭିଡିଓରେ ତାଙ୍କ ଗର୍ଲଫେଣ୍ଡ କହୁଛନ୍ତି କି ତାଙ୍କ ପାଇଁ ବିବାହ ପ୍ରସ୍ତାବ ଆସିଲାଣି। କେବେ ତମେ ମତେ ବିବାହ କରିବ? ଯଦି ତମେ କିଛି ନକରିବ ତାହାଲେ ମତେ ଆଉ କିଏ ବାହା ହୋଇ ନେଇଯିବ। ଆଉ ଏହାର ଉତ୍ତରରେ ପିୟୁସ ଗୀତ ଗାଇ କହୁଛନ୍ତି ଯେ, ତମେ ଯଦି ବାହା ହେଇଯିବ ତେବେ ମୁଁ ଆଉ କାହା ସହ ଓୟୋ ରୁମରେ ଯାଇ ଶୋଇବି। ଆଉ ଯେଉଁ ଭଳି ତାଙ୍କ ପ୍ରେମିକାଙ୍କ ସହ କଥା ହେଉଛନ୍ତି ତାହା ଦର୍ଶକଙ୍କୁ ବହୁତ ପସନ୍ଦ ଆସୁଛି। ପ୍ରକୃତ କଥା ହେଉଛି ଏହି ଭିଡ଼ିଓଟି ଏକ ଷ୍ଟେଜ ପ୍ରୋଗ୍ରାମର। ଯାତ୍ରାରେ ଅଭିନୟ କରିଥିବା ସମୟର ଏହି ଛୋଟ ଭିଡ଼ିଓଟିରେ ପିୟୁସ ଗୀତ ଗାଇବା ଶୈଳୀରେ ଏମିତି କିଛି କଥା କହି ତାଙ୍କ ପ୍ରେମିକାଙ୍କ ସହ ମସ୍ତି କରୁଛନ୍ତି।

ପିୟୁସ୍ ତ୍ରିପାଠୀ ଯାତ୍ରା ଜଗତର ଏକ ଦମଦାର ନାଁ। ତାଙ୍କ ନିଖୁଣ ଅଭିନୟ ତାଙ୍କୁ ଆଜି ସମାଜରେ ପରିଚିତ କରାଇ ପାରିଛି। ଯାତ୍ରା ଷ୍ଟେଜରେ ନିଜର ଭିନ୍ନ ଷ୍ଟାଇଲରେ ଡାଇଲଗ୍, ଫାଇଟିଂ ଆଉ ଡ୍ୟାନ୍ସ ପାଇଁ ସେ ଆଜି ଓଡ଼ିଶାର ପ୍ରତ୍ୟୋକ ଜନସାଧାରଣଙ୍କ ହୃଦୟରେ ରାଜ୍ କହୁଛନ୍ତି। ବିଶେଷ କରି ଖଣ୍ଡଗିରି ଯାତ୍ରାରେ ତାଙ୍କର ବହି ଷ୍ଟୋରୀ ଦେଖିବା ପାଇଁ ଲୋକେ ରାତି ୪ଟାରୁ ଟିକେଟ କାଉଣ୍ଟରରେ ଧାଡ଼ି ଲଗାଉଥିବାର ଦେଖିବାକୁ ମିଳିଛି। ନିଜ ଅଭିନୟରେ ସେ ଲୋକଙ୍କୁ ଏପରି ବାନ୍ଧି ଦିଅନ୍ତି ଯେ, ଲୋକେ ତାଙ୍କ ଦୁଃଖରେ କାନ୍ଦି ପକାନ୍ତି, ସେ ହସିଲେ ଲୋକେ ତାଳି ମାରନ୍ତି, ଆଉ ତାଙ୍କ ନେଗେଟିଭ ରୋଲରେ କାହାକୁ ହଇରାଣ କଲେ ଲୋକେ ରାଗିଯାଇ ଚେୟାର ବି ଫିଙ୍ଗନ୍ତି।

ଖଣ୍ଡଗିରି ଯାତ୍ରାକୁ ଆଉ ଅଳ୍ପ କେଇଟା ଦିନ ରହିଲା। ଚଳିତ ବର୍ଷ ଖଣ୍ଡଗିରି ଯାତ୍ରାର ପାଖାପାଖି ୧୮ଟି ଯାତ୍ରା ପାର୍ଟି ପଡ଼ିବ। ପ୍ରତିବର୍ଷ ଭଳି ଯାତ୍ରା ଦେଖିବାକୁ ଆଉ ମେଳା ବୁଲିବାକୁ ଲୋକଙ୍କର ପ୍ରବଳ ଭିଡ଼ ହୁଏ। ଆଉ ଏବର୍ଷ ମଧ୍ୟ ଭିଡ଼ ବଢ଼ିବ। ପିୟୁସଙ୍କ ଅଭିନୟ ଦର୍ଶକ ପସନ୍ଦ କରୁଥିବାରୁ ତାଙ୍କ ଯାତ୍ରାରେ ପ୍ରବଳ ଭିଡ଼ ହେବ ଏବଂ ଦର୍ଶକଙ୍କ ଭଲ ପାଇବା ମିଳିବ ବୋଲି ଆଶା କରାଯାଉଛି। ଚଳିତ ବର୍ଷ ଭିଡ଼କୁ ଦୃଷ୍ଟିରେ ରଖି ସମସ୍ତ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି। ବାହାର ବିକାଳି ମାନେ ରାସ୍ତା ମଝିରେ ଭିଡ଼ ଜମାଉଥିବାରୁ ସେମାନଙ୍କୁ ବାରଣ କରାଯାଇଛି। ଏନେଇ ପୋଲିସ ପ୍ରଶାସନ ଏଵଂ ଯାତ୍ରା କମିଟି ସମସ୍ତେ ପ୍ରସ୍ତୁତି କରିସାରିଛନ୍ତି। ଚଳିତ ବର୍ଷ ଅଶ୍ଳୀଳ ନୃତ୍ୟକୁ ମଧ୍ୟ ପ୍ରସୟ ଦିଆଯିବ ନାହିଁ। ଯେଉଁଥିପାଇଁ ପୂର୍ବରୁ ୩ ଚର୍ଚ୍ଚିତ ଆଇଟମ୍ ଗାର୍ଲ୍ ନିଶା ମହାରଣା, ରାନୀ ପ୍ରିୟଦର୍ଶିନୀ ଓ ସାହୁ ଭାଉଜଙ୍କୁ ବ୍ୟାନ୍ କରାଯାଇଛି। କିଭଳି ସବୁକିଛି ସୁରୁଖୁରୁରେ ହେବ ସେ ନେଇ ପୋଲିସ, ପ୍ରଶାସନ ଓ କମିଟି ବିଶେଷ ଭାବେ ନଜର ରଖିଛନ୍ତି।

Also Read- Weekly Lucky Zodiac Sign: ନୂଆ ସପ୍ତାହରେ ତ୍ରିଗ୍ରାହୀ ଯୋଗ, ୫ ରାଶିର ଭାଗ୍ୟ ଉଜ୍ୱଳ

Also Read- Video: ଅବା ଡବା ଗୀତରେ ଏମିତି ନାଚିଲେ ବୃଦ୍ଧ, ଏକାଥରେ ଭାଇରାଲ୍