Infosys layoffs: ୭୦୦ କର୍ମଚାରୀଙ୍କୁ ଡରେଇ ଧମକେଇ ଛଟେଇ, ଶ୍ରମ ମନ୍ତ୍ରାଳୟରେ ପହଞ୍ଚିଲା ମାମଲା

Infosys Job Cuts: ସୂଚନା ପ୍ରଯୁକ୍ତି ବିଦ୍ୟା କର୍ମଚାରୀ ସିନେଟ୍ ଏନ୍ଆଇଟିଇଏସ୍ ଇନଫୋସିସ୍ ବିରୋଧରେ ଶ୍ରମ ମନ୍ତ୍ରଣାଳୟ ନିକଟରେ ଆନୁଷ୍ଠାନିକ ଭାବେ ଏକ ଅଭିଯୋଗ କରିଛି। ଏହା ଶ୍ରମ ଆଇନର ଉଲ୍ଲଂଘନ ବୋଲି ଏନ୍ଆଇଟିଇଏସ୍ ଦାବି କରିଛି। ଶ୍ରମ ମନ୍ତ୍ରୀ ମନସୁଖ ମାଣ୍ଡଭିୟାଙ୍କ ନିକଟରେ ଦାଖଲ କରିଥିବା ଅଭିଯୋଗରେ ଏନ୍ଆଇଟିଇଏସ୍ ଅଭିଯୋଗ କରିଛି ଯେ ଅଫର ଲେଟର ମିଳିବା ସତ୍ତ୍ୱେ ଇନଫୋସିସ୍ ନିକଟରେ କମ୍ପାନୀରେ ଯୋଗ ଦେଇଥିବା କ୍ୟାମ୍ପସ୍ ନିଯୁକ୍ତି ଗୁଡ଼ିକୁ ଚାକିରିରୁ ବହିଷ୍କାର କରାଯାଇଛି। ଅପରପକ୍ଷରେ କମ୍ପାନୀ ଆଭ୍ୟନ୍ତରୀଣ ମୂଲ୍ୟାୟନ କାର୍ଯ୍ୟକ୍ରମରେ ବିଫଳତାକୁ ଛଟେଇର କାରଣ ବୋଲି ଦର୍ଶାଇଛି।

ନିଯୁକ୍ତି ପାଇଥିବା କର୍ମଚାରୀଙ୍କୁ ବଳପୂର୍ବକ ଚାକିରିରୁ ହଟାଯାଇଛି
ଏନଆଇଟିଇଏସ୍ ର ଓକିଲ ତଥା ସଭାପତି ହରପ୍ରୀତ ସିଂ ସାଲୁଜା ଶ୍ରମ ମନ୍ତ୍ରୀଙ୍କୁ ଲେଖିଥିବା ଏକ ଚିଠିରେ କହିଛନ୍ତି ଯେ ସେମାନେ ପ୍ରଭାବିତ କର୍ମଚାରୀଙ୍କ ଠାରୁ ଅନେକ ଅଭିଯୋଗ ପାଇଛନ୍ତି, ଯାହା ପ୍ରକାଶ କରିଛି ଯେ ଇନଫୋସିସ୍ ଲିମିଟେଡ୍ ନିକଟରେ କ୍ୟାମ୍ପସ ନିଯୁକ୍ତିକୁ ଜୋର ଜବରଦସ୍ତ ହଟାଇଛି। ଇନଫୋସିସ୍ ର ଏହି ପଦକ୍ଷେପ ଆଇଟି ଶିଳ୍ପ ପାଇଁ ବିପଜ୍ଜନକ, କାରଣ ଏହା ଅନ୍ୟ କମ୍ପାନୀ ଗୁଡ଼ିକୁ ମଧ୍ୟ ଏହା କରିବାକୁ ବାଧ୍ୟ କରିପାରେ ବୋଲି ସଂସ୍ଥା ବିଶ୍ୱାସ କରୁଛି। ସଂସ୍ଥା କର୍ମଚାରୀଙ୍କ ଅଭିଯୋଗର ନକଲ ମଧ୍ୟ ସେମାନଙ୍କ ଅଭିଯୋଗ ସହ ଯୋଡ଼ିଛି।

ଶ୍ରମ ମନ୍ତ୍ରଣାଳୟ ନିକଟରେ ଏନ୍ ଆଇଟିଇଏସ୍ ପକ୍ଷରୁ ଉପସ୍ଥାପିତ ହୋଇଛି ୩ଟି ଦାବି
ଶିଳ୍ପ ବିବାଦ ଆଇନ, ୧୯୪୭ର ଉଲ୍ଲଂଘନ ଯୋଗୁଁ ଏନ୍ଆଇଟିଇଏସ୍ ଇନଫୋସିସ୍ ବିରୋଧରେ କଠୋର ଦଣ୍ଡନୀୟ କାର୍ଯ୍ୟାନୁଷ୍ଠାନ ଗ୍ରହଣ କରିବା ସହ ଘଟଣାର ତଦନ୍ତ କରିବାକୁ ଦାବି କରିଛି।
ଆଇନଗତ ତଦନ୍ତ ଶେଷ ନ ହେବା ପର୍ଯ୍ୟନ୍ତ ଅଧିକ ଛଟେଇ ବନ୍ଦ କରିବାକୁ ସଂଗଠନ ଦାବି କରିଛି।
ଏହାବ୍ୟତୀତ ଛଟେଇ ହୋଇଥିବା ସମସ୍ତ କର୍ମଚାରୀଙ୍କୁ କ୍ଷତିପୂରଣ ସହ ପୁନଃ ଅବସ୍ଥାପିତ କରିବାକୁ ଏନ୍ଆଇଟିଇଏସ୍ ଦାବି କରିଛି।

ଇନଫୋସିସ୍ ୭୦୦ କର୍ମଚାରୀଙ୍କୁ ଛଟେଇ କରିଛି କି?
ଅନ୍ୟପକ୍ଷରେ ୭୦୦ କର୍ମଚାରୀଙ୍କୁ ଛଟେଇ କରିବା ନେଇ ଏନ୍ଆଇଟିଇଏସ୍ ର ଦାବିକୁ ଇନଫୋସିସ୍ ଖଣ୍ଡନ କରିଛି। ଏହାବ୍ୟତୀତ ଏହି ସଂଖ୍ୟା ୩୫୦ରୁ କମ୍ ବୋଲି ଆଇଟି କମ୍ପାନୀ ଦାବି କରିଛି। କମ୍ପାନୀ ଏହାକୁ ପାରସ୍ପରିକ ବିଚ୍ଛେଦ ବୋଲି ବର୍ଣ୍ଣନା କରିଛି ଏବଂ ସ୍ପଷ୍ଟ କରିଛି ଯେ କର୍ମଚାରୀମାନେ ତିନି ଥର ଚେଷ୍ଟା କରିବା ପରେ ଆଭ୍ୟନ୍ତରୀଣ ମୂଲ୍ୟାୟନରେ ଉତ୍ତୀର୍ଣ୍ଣ ହୋଇପାରିନଥିଲେ। ଇତିମଧ୍ୟରେ ଏନ୍ଆଇଟିଇଏସ୍ ମଧ୍ୟ ଅଭିଯୋଗ କରିଛି ଯେ ଇନଫୋସିସ୍ କର୍ମଚାରୀଙ୍କୁ ଧମକ ଚମକ ଦେବା ଏବଂ ଭୟଭୀତ କରିବାର ରଣନୀତି ଆପଣାଇଛି।

Also Read: Odia Rapper Abhinav Singh: ସ୍ତ୍ରୀ ପାଇଁ ଜୀବନ ହାରିଲେ ଓଡ଼ିଆ ରାପର୍ ଅଭିନବ ସିଂ, ଭାଇରାଲ ହେଉଛି ଏହିସବୁ ଫଟୋ

Also Read: Grah Chalan 2025: ଫେବୃଆରୀ ୧୯ରୁ ଗ୍ରହ ଚଳନ ରେ ବଡ଼ ହଲଚଲ୍, ଉନ୍ନତି ପଥରେ ଖୋଲିବ ୫ରାଶିଙ୍କ ଭାଗ୍ୟ