Mangal Vakri 2025: ଜାନୁଆରୀ ୨୧ ରେ ମଙ୍ଗଳଙ୍କ ଚଳନ, ୩ ରାଶିରେ ବଡ଼ ପ୍ରଭାବ !

Mangal Vakri 2025: ଜ୍ୟୋତିଷ ଶାସ୍ତ୍ରରେ ଗ୍ରହମାନଙ୍କର ସେନାପତି ଭାବେ ମଙ୍ଗଳଙ୍କୁ ବିବେଚନା କରାଯାଇଛି । ଜାନୁଆରୀ ୨୧ ତାରିଖରେ କର୍କଟ ରାଶିରୁ ମିଥୁନ ରାଶିକୁ ପ୍ରତିକୂଳ ଗତି କରିବେ ମଙ୍ଗଳ। ଏହି ଚଳନ ସମସ୍ତ ରାଶିର ବ୍ୟକ୍ତିଙ୍କ ଉପରେ କିଛି ନା କିଛି ପ୍ରଭାବ ପକାଇବ।

ବୃଷ ରାଶି

ମଙ୍ଗଳଙ୍କ ଚଳନ ଆପଣଙ୍କ ରାଶିର ଦ୍ୱିତୀୟ ଘରେ ହେବ। ତେଣୁ ଆପଣଙ୍କ ଜୀବନରେ ସମସ୍ୟା ସୃଷ୍ଟି ହୋଇପାରେ। ବିଶେଷକରି ପରିବାର ସଦସ୍ୟଙ୍କ ସହିତ ମତଭେଦ ଦେଖା ଦେଇପାରେ । ଯେଉଁ କାରଣରୁ ଆପଣ ମାନସିକ ଚିନ୍ତାରେ ପଡିପାରନ୍ତି । ମଙ୍ଗଳ ଗ୍ରହଙ୍କ ସ୍ଥିତି ଆପଣଙ୍କ ଆର୍ଥିକ ଦୃଷ୍ଟିରୁ ଏତେଟା ଭଲ ଫଳ ଦେବନାହିଁ । ଟଙ୍କା ସମ୍ବନ୍ଧୀୟ ମାମଲାରେ ସତର୍କ ରହିବାର ଆବଶ୍ୟକତା ରହିଛି । ପଡ଼ୋଶୀ ଲୋକଙ୍କ ସହିତ ମତଭେଦ ଦେଖା ଦେଇପାରେ । କଥାବାର୍ତ୍ତା ସମୟରେ ଧ୍ୟାନ ଦେବାର ଆବଶ୍ୟକତା ରହିଛି । ପ୍ରତିଦିନ ହନୁମାନ ଚାଳିଶା ପାଠ କରିବା ଦ୍ୱାରା ଆପଣଙ୍କ ରିଷ୍ଟ ଖଣ୍ଡନ ହୋଇପାରିବ ।

କୁମ୍ଭ ରାଶି

ମଙ୍ଗଳଙ୍କ ଚଳନ ଆପଣଙ୍କ ରାଶିର ପଞ୍ଚମ ଘରେ ହେବାକୁ ଯାଉଛି । ଏହି ସମୟରେ ଆପଣଙ୍କୁ ନିଜ ପିଲାଙ୍କ ପ୍ରତି ଅତ୍ୟନ୍ତ ସତର୍କ ରହିବାକୁ ପଡିବ। ସେମାନଙ୍କ ଦେହ ଅସୁସ୍ଥ ହୋଇପାରେ । ତେଣୁ ଉପଯୁକ୍ତ ଯତ୍ନ ନେବାର ଆବଶ୍ୟକତା ରହିଛି । ଏହି ସମୟରେ ବନ୍ଧୁଙ୍କ ସହ ମତଭେଦ ହୋଇପାରେ । ସ୍ୱାସ୍ଥ୍ୟ ବିଷୟରେ କହିବାକୁ ଗଲେ ଛାତି ଏବଂ ପେଟ ସମ୍ବନ୍ଧୀୟ ସମସ୍ୟା ଚିନ୍ତାର କାରଣ ପାଲଟିବ । ଲାଲ ରଙ୍ଗର ମିଠା ଏବଂ  ପୋଷାକ ଗରିବ ଲୋକଙ୍କୁ ଦାନ କରନ୍ତୁ ଶୁଭଫଳ ମିଳିବ ।

ମୀନ ରାଶି

ଚତୁର୍ଥ ଘରେ ମଙ୍ଗଳଙ୍କ ପ୍ରତିଗାମୀକୁ ଶୁଭ ବୋଲି ବିବେଚନା କରାଯାଏ ନାହିଁ। ଆପଣଙ୍କ ବୈବାହିକ ଏବଂ ପାରିବାରିକ ଜୀବନରେ ସମସ୍ୟା ସୃଷ୍ଟି ହୋଇପାରେ । ସାଥୀଙ୍କ ସହିତ ଭୁଲ ବୁଝାମଣା ହୋଇପାରେ ।  ସମ୍ପର୍କୀୟଙ୍କ ସହ ବାଦ ବିବାଦର ସମ୍ଭାବନା ରହିଛି। ଜମି, କୋଠା ଇତ୍ୟାଦି ସମ୍ବନ୍ଧୀୟ ସମସ୍ୟା ବିଷୟରେ ସତର୍କ ରହିବାକୁ ପଡିବ। କାହାକୁ ଅତ୍ୟଧିକ ବିଶ୍ୱାସ କରନ୍ତୁ ନାହିଁ । ନଚେତ ଆପଣ ବିଶ୍ୱାସଘାତକର ଶିକାର ହୋଇପାରନ୍ତି । ହୃଦ୍‌ଜନିତ ସ୍ୱାସ୍ଥ୍ୟ ସମସ୍ୟାରେ ପୀଡିତ ଥିଲେ ଏହି ସମୟରେ ନିଜର ବିଶେଷ ଯତ୍ନ ନେବା ଜରୁରୀ। ସଙ୍କଟ ମୋଚନ ପ୍ରଭୁ ହନୁମାନଜୀଙ୍କୁ ସିନ୍ଦୁର ଅର୍ପଣ କରନ୍ତୁ ।

Disclamer: (ଉପରେ ଦିଆଯାଇଥିବା ସୂଚନା ZEE ODISHA NEWSର ନିଜସ୍ୱ ମତ ନୁହେଁ। ଜ୍ୟୋତିଷଙ୍କ ମତକୁ ଆଧାର କରି ମିଳିଥିବା ସୂଚନା ଅନୁଯାୟୀ ଏହି ତଥ୍ୟ ପ୍ରଦାନ କରାଯାଇଛି। ଏଥିପାଇଁ ZEE ODISHA NEWS ଦାୟୀ ରହିବ ନାହିଁ।