અજબ-ગજબઃ અહીંની પ્રજાતિ અંતિમ સંસ્કાર પછી પીવે છે રાખમાંથી બનેલો સૂપ, શું છે આ પરંપરા પાછળનું કારણ

નવી દિલ્હીઃ વિશ્વના વિવિધ દેશોમાં લોકો જુદી જુદી પરંપરાઓનું પાલન કરે છે. ઘણા દેશોમાં વિચિત્ર પરંપરાઓ છે, જેના વિશે જાણીને તમે આશ્ચર્યચકિત થઈ જશો. અંતિમ સંસ્કાર કરવાની રીત વિશ્વના દેશોમાં અલગ અલગ રીતે હોય છે. આવી રીત જાણીને તમે આશ્ચર્યચકિત થઈ જશો. દક્ષિણ અમેરિકામાં એક જનજાતિ છે, જે વ્યક્તિના અંતિમ સંસ્કાર પછી રાખનો સૂપ બનાવીને પીવે છે. આ જાતિનું નામ યાનોમામી.

આ વાત જાણીને તમને આશ્ચર્ય થશે, પરંતુ અહીંની જનજાતિના લોકો માટે સામાન્ય છે. કેટલાક અહેવાલોમાં દાવો કરવામાં આવ્યો છે કે આ જાતિના લોકો તેમના પરિવારના મૃત લોકોનું માંસ પણ ખાય છે. આવો જાણીએ શા માટે આ જાતિના લોકો આવી પરંપરાઓનું પાલન કરે છે. આ જનજાતિ સાથે જોડાયેલી પરંપરાઓ અને તેનાથી સંબંધિત કયા નિયમો છે, જેનું આ લોકો પાલન કરે છે.

યાનોમાની જાતિ દક્ષિણ અમેરિકામાં રહે છે. વિશ્વમાં લોકો આ જાતિને યાનમ અથવા સેનમા તરીકે પણ ઓળખે છે. દક્ષિણ અમેરિકા સિવાય આ જાતિ વેનેઝુએલા અને બ્રાઝિલના કેટલાક વિસ્તારોમાં પણ જોવા મળે છે. આ આદિવાસી જનજાતિની સભ્યતા પશ્ચિમી સંસ્કૃતિથી સાવ અલગ છે. આ જાતિના લોકો પોતાની સંસ્કૃતિ અને પરંપરાઓનું પાલન કરે છે.

જાણો કેવી રીતે કરવામાં આવે છે અંતિમ સંસ્કાર
આ આદિજાતિમાં અંતિમ સંસ્કાર કરવાની અનોખી પરંપરા છે. આ પરંપરાને એન્ડોકેનિબલિઝમ કહેવામાં આવે છે. આ પરંપરાને અનુસરવા માટે, આ જાતિના લોકો તેમના પરિવારના મૃત વ્યક્તિનું માંસ ખાય છે. એક મીડિયા રિપોર્ટ અનુસાર, જો આ જનજાતિમાં કોઈ વ્યક્તિનું મૃત્યુ થાય છે, તો તેના શરીરને પાંદડા અને અન્ય વસ્તુઓથી ઢાંકી દેવામાં આવે છે. આ પછી બાકી રહેલું શરીર બળી જાય છે. આ પછી, આદિજાતિના લોકો બાકીની રાખનો સૂપ બનાવીને પીવે છે. તેઓ તેમની પરંપરાઓને કારણે આવું કરે છે.

યાનોમામી જનજાતિના લોકો મૃત શરીર સાથે આવું કરે છે કારણ કે એવું માનવામાં આવે છે કે કોઈના મૃત્યુ પછી તેની આત્માની રક્ષા થવી જોઈએ. આ જનજાતિમાં એવી પરંપરા છે કે જ્યારે કોઈ વ્યક્તિની આત્માને ત્યારે જ શાંતિ મળે છે, જ્યારે તેના શરીરનું કોઈને કોઈ પ્રકારે પરિવારના લોકો દ્વારા સેવન કરવામાં આવે. તેમનું માનવું છે કે આમ કરવાથી મૃત વ્યક્તિને શાંતિ મળે છે.

એક અહેવાલમાં જણાવવામાં આવ્યું છે કે, જો કોઈ વ્યક્તિની કોઈ દુશ્મન અથવા સંબંધી દ્વારા હત્યા કરવામાં આવે છે, તો તેના અંતિમ સંસ્કાર અલગ રીતે કરવામાં આવે છે. આ સ્થિતિમાં મહિલાઓ જ રાખનું સેવન કરે છે.

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube