વિરાટ કોહલીએ મોહમ્મદ સિરાજને આપ્યો ગુરુમંત્ર : માર્કો યાનસેન માત્ર બે બોલ બાદ આઉટ, વીડિયો વાયરલ

કેપટાઉનઃ ભારત સામેની બીજી ટેસ્ટની પ્રથમ ઇનિંગમાં સાઉથ આફ્રિકા 55 રનમાં ઓલઆઉટ થઈ ગયું છે. ભારત સામે તેના સૌથી ઓછા સ્કોર પર સમેટાઈ ગયેલી દક્ષિણ આફ્રિકાની ટીમે કેપટાઉનના ન્યુલેન્ડ્સ સ્ટેડિયમમાં ટોસ જીતીને પ્રથમ બેટિંગ કરવાનું પસંદ કર્યું હતું, પરંતુ ટીમ લંચ પહેલા માત્ર 23.2 ઓવર સુધી જ મર્યાદિત રહી હતી. પૂર્વ ભારતીય કેપ્ટન વિરાટ કોહલીએ મેચમાં એકપણ બોલ ફેંક્યા વિના ભારત માટે મોટી વિકેટ લીધી હતી. વાસ્તવમાં, સ્લિપમાં ઉભા રહેલા વિરાટની સલાહને અનુસરીને સિરાજે મેચમાં તેની પાંચમી વિકેટ લીધી.

આ ઘટના 16મી ઓવરમાં બની હતી. સિરાજે ઓવરના બીજા બોલ પર ડેવિડ બેડિંઘમને પેવેલિયન મોકલી દીધો હતો. નવો બેટ્સમેન માર્કો જેન્સન બેટિંગ કરવા આવ્યો ત્યારે વિરાટ કોહલી સિરાજને માર્ગદર્શન આપવા આવ્યો હતો. તેણે ક્યાં બોલિંગ કરવાની હતી તે સલાહ આપતો જોવા મળ્યો હતો. સિરાજે બરાબર એવું જ કર્યું અને યાનસેન ખાતું ખોલાવ્યા વિના આઉટ થઈ ગયો, આ મેચમાં સિરાજની પાંચમી વિકેટ હતી. હવે આ ઘટનાનો વીડિયો સોશિયલ મીડિયા પર વાયરલ થયો છે.

The video you're looking for pic.twitter.com/Fu9PTiYmeU

— ẞ (@PackedBishh) January 3, 2024

સિરાજની છ વિકેટથી 55 રનમાં આફ્રીકા ઓલઆઉટ
આ મેચમાં મોહમ્મદ સિરાજે 15 રનમાં છ વિકેટ ઝડપી હતી. સિરાજે નવ ઓવરમાં ત્રણ મેઈડન ઓવર ફેંકી હતી. જસપ્રીત બુમરાહે આઠ ઓવરમાં એક મેડન ફેંકીને 25 રન આપીને બે વિકેટ લીધી હતી. મુકેશ કુમારે 2.2 ઓવરમાં બે મેડન સાથે બે વિકેટ લીધી અને એક પણ રન આપ્યો ન હતો. દક્ષિણ આફ્રિકા માટે માત્ર બે બેટ્સમેન ડબલ ફિગર સુધી પહોંચી શક્યા હતા. કાયલ વેરેને 15 રન અને ડેવિડ બેડિંઘામે 12 રન બનાવ્યા હતા.

લેટેસ્ટ ન્યૂઝથી અપડેટ રહેવા માટે અમારી Zee 24 Kalak App ડાઉનલોડ કરો, અમારી સાથે જોડાઓ : facebook | twitter | youtube