459થી તૂટીને 1.58 રૂપિયા પર આવ્યો આ એનર્જી શેર, હવે સતત આપી રહ્યો છે નફો, 70 રૂપિયા છે ટારગેટ ભાવ

Energy Share: રિન્યુએબલ એનર્જી કંપનીના શેર 1.70 રૂપિયાના તેના લાઈફટાઈમના સૌથી ઊંચાથી 2300 ટકા વધ્યા છે. રસપ્રદ વાત એ છે કે, કંપનીનો શેર એક સમયે 459 રૂપિયા પર હતો, પરંતુ સતત ઘટાડા બાદ તે 1.70 રૂપિયાના નીચલા સ્તરે પહોંચી ગયો. 

હાલમાં કંપનીના શેર 55 રૂપિયા પર છે. અમે સુઝલોન એનર્જીના શેર વિશે વાત કરી રહ્યા છીએ. તે હાલમાં ઇન્ડેક્સ પર સૌથી વધુ ટ્રેક કરાયેલ અને સક્રિય સિક્યોરિટીઝમાંની એક છે. 1995 માં સ્થપાયેલ, સુઝલોન અગ્રણી વૈશ્વિક રિન્યુએબલ એનર્જી સોલ્યુશન પ્રદાતાઓમાંની એક છે.  

સુઝલોન એનર્જીએ 2005 માં IPO દ્વારા NSE અને BSE પર પોતાની હાજરી નોંધાવી. તેનો ઇશ્યૂ 15 વખત ઓવરસબ્સ્ક્રાઇબ થયો હતો. સુઝલોન ભારતની એકમાત્ર પાવર કંપની, એશિયાની એકમાત્ર રિન્યુએબલ એનર્જી કંપની અને આ દરજ્જો પ્રાપ્ત કરનારી વિશ્વની એકમાત્ર પવન ઉર્જા કંપની બની છે.   

તમને જણાવી દઈએ કે કંપનીના શેર 425 રૂપિયા અને 510 રૂપિયાની રેન્જમાં ઓફર કરવામાં આવ્યા હતા. આ શેરને એક્સચેન્જમાં આવ્યાને બે દાયકા થઈ ગયા છે અને આ વર્ષો દરમિયાન, સુઝલોનના શેરમાં નોંધપાત્ર અસ્થિરતા જોવા મળી છે. જાન્યુઆરી 2008માં સુઝલોન એનર્જીનો શેર 459 રૂપિયાની તેની લાઇફટાઇમ હાઇ સપાટીએ પહોંચ્યો હતો, ત્યારબાદ માર્ચ 2020માં તે 1.58 રૂપિયાની તેની લાઇફટાઇમ નીચી સપાટીએ પહોંચ્યો હતો.

BSE એનાલિટિક્સ ડેટા દર્શાવે છે કે ત્યારથી, શેરમાં વધારો થઈ રહ્યો છે અને છેલ્લા 5 વર્ષમાં શેરમાં 2300 ટકાનો જંગી વધારો થયો છે. સુઝલોન એનર્જીનો શેર 12 સપ્ટેમ્બર, 2024ના રોજ 86.04 રૂપિયાની 52 સપ્તાહની નવી ટોચે પહોંચ્યો હતો. છેલ્લા કેટલાક વર્ષોથી તે જે વળતર આપી રહ્યો છે, તેના કારણે તે રોકાણકારોના મનપસંદમાનો એક શેર બની ગયો છે. 

હવે, મલ્ટિબેગર સુઝલોન સ્ટોક ફરી એકવાર ફોકસમાં છે કારણ કે અગ્રણી બ્રોકરેજ ઇન્વેસ્ટેકે તેના પર કવરેજ શરૂ કર્યું છે અને તેને બાય રેટિંગ આપ્યું છે. ઇન્વેસ્ટેકનો અંદાજ છે કે માર્ચ 2027 સુધીના નાણાકીય વર્ષોમાં સુઝલોનની આવક અને કર પછીનો નફો અનુક્રમે 55 ટકા અને 66 ટકા વાર્ષિક દરે વધશે. આ સાથે બ્રોકરેજે સ્ટોકને 70 રૂપિયાનો ટાર્ગેટ ભાવ આપ્યો છે.  

(Disclamar: Zee 24 કલાક ફક્ત માહિતી આપે છે, આ રોકાણની સલાહ નથી. શેરબજારમાં રોકાણ કરવું જોખમી છે. કોઈપણ રોકાણ કરતા પહેલા એક્સપર્ટની સલાહ લો.)