સાવધાન! જો હીટરનો ઉપયોગ છો તો ભૂલથી પણ ન કરો આ પ્રકારના છેડછાડ, બની શકે છે બ્લાસ્ટનું કારણ

હીટરને ધાબળો અથવા અન્ય કપડાંથી ઢાંકવાથી ગરમી બહાર નીકળી શકતી નથી અને હીટરને વધુ ગરમ થઈ શકે છે, જેના કારણે આગનું જોખમ વધી શકે છે. તેથી ક્યારેય પણ હીટરને કપડાથી ઢાંકવું નહીં.

હીટરને હંમેશા પાણીથી બચાવો. જો હીટર ભીનું થઈ જાય છે તો તેને તરત જ બંધ કરો અને તેને કોઈ ઇલેક્ટ્રિશિયન પાસે લઈ જાઓ. પાણી જવાથી હીટર ખરાબ થઈ શકે છે અને તેમાં આગ લાગી શકે છે.

ઘણી વખત લોકો ઉતાવળમાં હીટર ચાલતું છોડી દે છે. આવું ન કરો. સતત ચાલુ રહેવાના કારણે હીટરને ઓવરહીટ થઈ શકે છે અને આગનું કારણ બની શકે છે. જ્યારે તમે બહાર જાઓ ત્યારે હંમેશા હીટર બંધ કરો દો.

હીટરને લાંબા સમય સુધી ચલાવવાથી અથવા તેનો ખોટી રીતે ઉપયોગ કરવાથી પણ તે વધુ ગરમ થઈ શકે છે અને આગ લાગી શકે છે. તેથી હીટરને જરૂરિયાત મુજબ જ ચલાવો. રૂમ ગરમ થઈ જાય પછી હીટરને બંધ કરો દો.

હીટરના વાયરમાં કોઈપણ નુકસાન અથવા ખોટા જોડાણથી શોર્ટ સર્કિટ થઈ શકે છે, જેના કારણે આગ લાગી શકે છે. સાથે જ હીટરને જ્વલનશીલ પદાર્થોથી પણ દૂર રાખો.