આ રીતે NCBના રડાર પર આવી કોમેડિયન Bharti Singh, જાણો શું છે સજાની જોગવાઈ

એનસીબીના જણાવ્યા મુજબ ડ્રગ પેડલરના મોબાઈલમાંથી મળેલી જાણકારી બાદ ભારતી પર આ કાર્યવાહી કરાઈ. 

એનસીબીએ ખાર દાંડા વિસ્તારમાં દરોડા પાડ્યા હતા અને અહીંથી 21 વર્ષના એક તસ્કરને દબોચ્યો હતો. તેની પાસેથી વિવિધ ડ્રગ્સ મળી આવી જેમાં 15 બ્લોટ એનએસડી કોમર્શિયલ ક્વોન્ટિટીમાં, 40  ગ્રામ ગાંજો અને નિટ્રાઝેપેમ સાઈકોટ્રોપિક દવાઓ સામેલ છે. ડ્રગ્સ તસ્કર પાસેથી મળેલી માહિતીના આધારે એનસીબીએ બે અન્ય જગ્યાએ દરોડા પાડ્યા જેમાં કોમેડિયન ભારતી સિંહની પ્રોડક્શન ઓફિસ અને તેનું ઘર પણ સામેલ હતા. આ બંને જગ્યાએથી એનસીબીને 86.5 ગ્રામ ગાંજો મળી આવ્યો છે. 

ભારતી સિંહ અને તેના પતિ હર્ષ બંનેએ ગાંજાના સેવનની વાત સ્વીકારી છે. ભારતીની NDPS એક્ટ 1986 હેઠળ ધરપકડ થઈ છે.

બ્યુરોના એક અધિકારીએ કહ્યું કે સિંહના ઘરેથી કથિત રીતે મળી આવેલી માત્રા કાયદા મુજબ 'ઓછી માત્રા' છે. એક હજાર ગ્રામ સુધીનો ગાંજો ઓછી માત્રામાં આવે છે અને તેના માટે છ મહિનાની જેલની સજા અથવા 10,000 રૂપિયાનો દંડ કે પછી બંનેની સજા થઈ શકે છે. કોમર્શિયલ માત્રા (20કિગ્રા કે તેનાથી વધુ) હોવા પર 20 વર્ષની જેલની સજા થઈ શકે છે. તેની વચ્ચેની માત્રા માટે 10 વર્ષની જેલની સજા થઈ શકે છે. 

કોમેડિયન ભારતી સિંહને ડ્રગ્સ કેસમાં આજે કોર્ટમાં રજુ કરાશે. ભારતીના ઘરે દરોડા બાદ એનસીબીએ તેને ઓફિસ આવવાનું સમન પાઠવ્યું હતું અને ત્રણ કલાકની પૂછપરછ બાદ ભારતીની ધરપકડ કરાઈ.