Bad Luck Signs: જો ઘરમાં દેખાય આવા સંકેત તો થઈ જાવ સાવધાન! આવનારા ભયંકર સંકટનો કરે છે ઈશારો

સનાતન ધર્મમાં દરરોજ સવાર-સાંજ ભગવાનની પૂજા-અર્ચના કરવી મોક્ષ પ્રાપ્તિ માટે ફરજિયાત માનવામાં આવે છે. આરતીમાં દીવા ચોક્કસપણે સામેલ કરવામાં આવે છે. એવું કહેવાય છે કે, આવું કરવાથી ઘરમાં સકારાત્મક ઉર્જાનો પ્રવાહ વધે છે અને પરિવારમાં સુખ-સમૃદ્ધિ આવે છે. પરંતુ જો ક્યારેય આરતી દરમિયાન દીવો ઓલવાઈ જાય તો તેને અશુભ માનવામાં આવે છે. આ ખરાબ સમયની શરૂઆતનું પ્રતીક માનવામાં આવે છે. તેથી, ધ્યાન રાખો કે તમારો દીવો ક્યારેય બુઝવો ન જોઈએ.

વૈદિક શાસ્ત્રિઓ અનુસાર સોનાને સુખ અને સમૃદ્ધિનું પ્રતીક માનવામાં આવે છે. એવું કહેવાય છે કે, જે ઘરમાં સોનું હોય છે, ત્યાં માં લક્ષ્મીનો વાસ હોય છે. આવી સ્થિતિમાં જો ક્યારેય સોનું ખોવાઈ જાય તો તેને સારું માનવામાં આવતું નથી. આ ખરાબ સમયની શરૂઆતનું પ્રતીક માનવામાં આવે છે. જ્યારે આવું થાય છે, ત્યારે ઘરમાં નકારાત્મક ઊર્જાનો પ્રવાહ વધવો, મતભેદ થવા અને નાણાકીય સમસ્યાઓ શરૂ થાય છે.

શુદ્ધ ઘીને સારા સ્વાસ્થ્ય અને તંદુરસ્તીના પ્રતીક તરીકે જોવામાં આવે છે. ઘી બધા ઘરોમાં ખોરાકનો અનિવાર્ય ભાગ છે. આવી સ્થિતિમાં જો ક્યારેય તમારા હાથમાંથી ઘીનું પાત્ર પડી જાય અને ઘી જમીન પર ફેલાઈ જાય તો તમારે સાવધાન થઈ જવું જોઈએ. આ ઘટનાને આવનારા ખરાબ સમયનું પ્રતીક માનવામાં આવે છે. તેથી ઘીનું પાત્ર હંમેશા બંધ રાખો અને તેને પડવા ન દો.

સનાતન ધર્મમાં તુલસીના છોડને ખૂબ જ પવિત્ર માનવામાં આવે છે. એવું કહેવાય છે કે, તુલસીમાં માં લક્ષ્મીનો વાસ હોય છે. તેથી સવાર-સાંજ તુલસીના છોડની પૂજા કરવાની સાથે તેનું ખૂબ ધ્યાન રાખવામાં આવે છે. જો ક્યારેય તુલસીનો છોડ સૂકવા લાગે છે તો એવું માનવામાં આવે છે કે માં લક્ષ્મી જાતકથી નારાજ થઈ ગઈ છે. આવી સ્થિતિમાં માં લક્ષ્મીની વિશેષ ઉપાય કરીને મનાવવામાં આવે છે.

ઘરની સામે કૂતરાઓનું રડવું ખૂબ જ અશુભ માનવામાં આવે છે. જ્યોતિષ શાસ્ત્ર અનુસાર આવું જવું ભવિષ્યમાં કોઈ અશુભ થવાનો સંકેત હોઈ શકે છે. એવું કહેવાય છે કે, કૂતરાઓ આવું કરીને જાતકને સંકેત આપે છે કે તેના માટે ખરાબ સમય આવી રહ્યો છે, તેથી સાવચેત થઈ જાઓ.

જ્યોતિષ શાસ્ત્રના નિષ્ણાતો અનુસાર જો તમને ક્યારેય ખરાબ સમયના સંકેતો દેખાય તો ગભરાશો નહીં પરંતુ તેનાથી બચવાના ઉપાયો કરવાનું શરૂ કરો. આ માટે તમારે સવાર-સાંજ ભગવાન વિષ્ણુ અને માતા લક્ષ્મીની પૂજા કરવી જોઈએ. તેમજ નારાયણ કવચનો પાઠ કરવાનું ભૂલશો નહીં. સવારે ઉઠીને ગાયને રોટલી ખવડાવો. આમ કરવાથી તમારી આવનારી પરેશાનીઓ દૂર થઈ શકે છે.

(Disclaimer: અહીં આપવામાં આવેલી માહિતી સામાન્ય માન્યતાઓ અને માહિતી પર આધારિત છે. ZEE 24 કલાક આની પુષ્ટિ કરતું નથી.)